web counter
LEXO PA REKLAMA!

SHKARKO APP

App Store
Google Play

E fundit!

x

Protestat/ Klosi: PS nuk tërhiqet nga mandati

12 Korrik 2026, 14:55, Aktualitet CNA

Protestat/ Klosi: PS nuk tërhiqet nga mandati

Partia Socialiste përjashton mundësinë e dorëheqjes së qeverisë, pavarësisht kërkesave të ngritura nga protestuesit.

Sekretari i Përgjithshëm i PS-së, Blendi Klosi, gjatë një aktiviteti në Poçëm të Mallakastrës, deklaroi se mazhoranca do të dëgjojë çdo shqetësim të qytetarëve, por nuk do të vërë në diskutim mandatin e marrë nga zgjedhjet.

Sipas tij, qeverisja do të vijojë deri në përfundim të mandatit, ndërsa prioritetet mbeten procesi i integrimit europian, nxitja e investimeve dhe përmirësimi i shërbimeve publike.

“E kemi ndarë që në fillim të herës kërkesat e qytetarëve me kërkesat e drejta dhe kërkesat politike. Përsa i përket kërkesave politike, Partia Socialiste vazhdon t’i qëndrojë besnik mandatit që i kanë dhënë shqiptarët në 11 Maj të vitit të kaluar.Kemi një marrëveshje, të çojmë vendin drejt integrimit në Bashkimin Europian, të shtojmë gjithmonë e më shumë investimet dhe shërbimet për qytetarët dhe të forcojmë Shqipërinë”, tha Klosi.

Klosi komentoi edhe qëndrimet e disa zërave të së majtës që janë shprehur në favor të protestës, duke theksuar se mendimet individuale nuk ndikojnë në unitetin e Partisë Socialiste.

Ai u shpreh se strukturat e partisë mbeten të bashkuara dhe të angazhuara në objektivat e saj politike.

“PS vazhdon të jetë e konsoliduar. Kemi qenë në çdo qelizë të saj”, shprehet Klosi.

Në të njëjtën kohë, Klosi tha se PS ka nisur përgatitjet për zgjedhjet vendore të vitit 2027, me synimin për të siguruar fitore në të gjitha 61 bashkitë e vendit.

“Jemi gati për të fituar 61 bashkitë e Shqipërisë”, thekson ai./ CNA





Lajmet e fundit nga