web counter
LEXO PA REKLAMA!

SHKARKO APP

App Store
Google Play

24 milionë euro për një kazan me naftë, plehrat digjen në landfill

9 Nëntor 2024, 15:22, Aktualitet CNA

24 milionë euro për një kazan me naftë, plehrat digjen

Inceneratori i Elbasanit

24 milionë euro janë dhënë nga qeveria shqiptare për ndërtimin e një inceneratori në Elbasan.

Ky incenerator nuk është gjë tjetër veçse një kazan me naftë, i cili herë punon dhe herë futet në remont.

Për këtë skandal, Apeli i GJKKO-së dha dje vendimin e formës së prerë, që dënonte me burgim njerëzit që fshihen pas kësaj afere, Mirel Mërtirin, Klodian Zoton, Stela Gugalljan, ish-ministrin Lefter Koka, ish-sekretarin e tij, Alqi Bllako dhe ish-zyrtarë të tjerë. (Lexo këtu)

24 milionë euro për një kazan me naftë, plehrat digjen

Mërtiri, Gugallja dhe Zoto vijojnë të jenë në kërkim për inceneratorin e Elbasanit, i cili ka prodhuar shumë pak energji dhe për një kohë të gjatë nuk ka punuar.

Inceneratori i Elbasanit shfaqi defekte që pas vitit të parë në punë dhe ka punuar me ditë, apo pak muaj. (Lexo këtu)

Qeveria na premtoi se inceneratori do t’i jepte zgjidhje mbledhjes dhe grumbullimit të mbetjeve dhe do të prodhonte energji të gjelbër përmes trajtimit teknologjik të tyre.

Në të vërtetë, mbetjet në landillfillin e Elbasanit nuk janë kthyer në energji, por janë kthyer në male me plehra, të cilat digjen herë pas here.

Edhe këtë të shtunë, fusha e mbetjeve u përfshi nga flakët dhe sipas policisë shkaku na qenka një shkëndijë e krijuar si pasojë e përbërjes së mbetjeve. (Lexo këtu)

Në fakt, kjo nuk është hera e parë që landfilli i inceneratorit të Elbasanit përfshihet nga flakët.

24 milionë euro për një kazan me naftë, plehrat digjen

Edhe gjatë verës së 2023, edhe gjatë verës së këtij viti, në landfill pati zjarr. Për shuarjen e flakëve janë dashur disa ditë ndërhyrje nga qindra forca të shërbimit zjarrfikës, emergjencave dhe ushtrisë.

Mbetjet janë djegur herë pas here, ndërkohë që inceneratori kalon në remont dhe punon me ditë.

Zjarret në fushën e mbetjeve janë një tjetër skandal që përfshin inceneratorin e Elbasanit, në një kohë kur afera është e konfirmuar./ CNA





Lajmet e fundit nga