web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca, takim me pensionistët e veteranët/ Ironia për opozitën dhe kërkesa për qeverinë

7 Nëntor 2024, 20:43, Aktualitet CNA
Gjergj Luca, takim me pensionistët e veteranët/ Ironia për
Sipërmarrësi Gjergj Luca me pensionistët dhe veteranët

Sipërmarrësi Gjergj Luca zhvilloi këtë të enjte një takim me pensionistët dhe veteranët në qytetin e tij “Fish City”.

Luca deklaroi se pensionistët meritojnë pensione më dinjitoze. Me kërkesën e tij ranë dakord edhe të moshuarit, të cilët thanë se rritja duhet të shkojë deri në 4-fish.

“Pensionet duhet të rriten 4-fish. Pensioni jonë këtu në Shqipëri duhet të shkojë 500 mijë lekë minimalja, tjerat më lart, si e gjithë bota, si e gjithë Evropa. Përderisa do futemi në BE ai nuk pranon fukarenj. Normalisht që do rriten gradualisht”, u shpreh një pensionist.

Ndërkohë, sipërmarrësi dha edhe një mesazh për rikthimin e të rinjve dhe ironizoi opozitën.

“Më kujtohet im atë, dërgonte në atë kohë 2 mijë lekë të vjetra në Shkodër te prindërit e vet për të ngrënë bukë dhe për të jetuar. Pastaj më erdhi radha mua për të bërë për prindërit e mi dhe nesër do t’i vijë radha fëmijëve të mi për të bërë për mua, i takon kështu apo jo? Kjo është forca jonë. Faleminderit të madhit Zot që ne e kemi forcën te familja. E kupton?

Kështu që, a është më mirë që këto fonde që i marrin taksat nga ne që të bëhen rrugë, të bëhet ekopnomia, të bëhet turizmi që të kthehen fëmijët? Apo me frymën e shenjtë t’i dërgojmë të gjithë nga 1 mijë euro dhe të mos bëhet asnjë gjë.

Ne që jemi këtu luftojmë për fëmijët tanë, atëherë unë mendoj se ka më shumë vlerë që të bëhet Shqipëria dhe gradualisht të zgjidhen këto gjëra siç po zgjidhen sesa këta që dalin dhe hedhin bomba si sudja”, theksoi Gjergj Luca.

Në fund, ai bëri edhe një kërkesë për qeverinë.

“Duhet të ndajë shteti ata që janë të braktisur nga ata që e kanë një mundësi, e kanë lënë një mundësi. Kjo është shumë e rëndësishme ta ndajë shteti dhe jo të mbajë ata mashtruesat e sigurimeve shoqërore dhe të kempeve që vetëm gënjejnë. Lekët e taksave duhet të shkojnë atje ku ka nevojë komuniteti”, nënvizoi biznesmeni./ CNA





Lajmet e fundit nga