E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Fitorja e Trump-it/ Bushati, optimist: Ja çfarë mësuam nga zgjedhjet në SHBA

7 Nëntor 2024, 18:23, Aktualitet CNA

Fitorja e Trump-it/ Bushati, optimist: Ja çfarë mësuam nga

Studentët e Fakultetit të Shkencave Politike dhe Juridike zhvilluan një leksion të hapur me Ish-ministrin për Evropën dhe Punët e Jashtme Ditmir Bushati.

Nën drejtimin e Lektores, Dr. Mirela Metushaj, studentët diskutuan për një sërë çështjes duke nisur që nga zhvillimet ndërkombëtare duke u ndalur veçanërisht tek zgjedhjet presidenciale në SHBA, procesi i integrimit të vendit në Bashkimin Evropian dhe zhvillimet në vend me focus drejtësinë.

Studentët shfaqën interes të veçantë për zgjedhjen e Donald Trump në krye të Shtëpisë së Bardhë dhe impaktet që mund të ketë në rajon dhe në Shqipëri.

Ish-ministri Bushati theksoi se zgjedhjet në Amerikanë kanë një rëndësi shumë të madhe jo thjeshtë për SHBA-të, por për mbarë botën, për shkak të peshës së pakrahasueshme që ato kanë në arenën ndërkombëtare.

Dy janë përfundimet kryesore që Bushati ka nxjerrë në këtë drejtim.

Fitorja e Trump-it/ Bushati, optimist: Ja çfarë mësuam nga

Së pari, kemi të bëjmë me një rikthim të Donald Trump në krye të Shtëpisë së Bardhë dhe me një fitore goxha të madhe, qoftë me votë popullore, sepse në 2016-ën nuk e siguroi votën popullore, por mori votën e kolegjeve elektorale në SHBA.

Së dyti, kemi një fitore dhe në ato shtete apo kolegje elektorale që janë konsideruar që nga ’92 kur u zgjodh Presidenti Clinton si shtete që anojnë për nga demokratët. Apo dhe një penetrim i mbështetjes për Trump në grupe që në amerikë konsiderohen si grupe minoritare, afroamerikanët, hispanikët, latinët.

“Konkluzioni i parë që mund të nxjerrim është që fitorja e parë e Trump në 2016-ën nuk ishte një rast përjashtimor nga rregulli, dhe, shohim qartë që ka një frustrim popullor i cili është kanalizuar tek Presidenti Trump. Ka një kritikë që u vërtetua dhe në këto zgjedhje që Partia Demokratike në Amerikë është një parti që përgjithsisht është transformuar në parti të shtresave të mesme, të edukuara, e grupeve të ndryshme të bankierëve apo hollywood dhe duket se ka thelluar një hendek me atë që ne i themi klasa punëtore”, tha ai.

Fitorja e Trump-it/ Bushati, optimist: Ja çfarë mësuam nga

Konkluzioni i dytë është fitorja e rrjeteve sociale mbi median tradicionale. Po të shohim të gjitha parashikimet, projeksionet dhe sondazhet që u bënë nga mediat më prestigjoze amerikane dhe jo vetëm, flisnin ose për ndarje shumë të ngushtë ose për një votë popullore massive për Kamala Harris.

Duke u ndalur tek rajoni ynë, Bushati nuk beson se do të ndryshojë diçka në këtë raport.

“Unë kam punuar me tre sekretarë të ndryshëm shtetit që vinin nga dy administrate të ndryshme dhe them të drejtën s’kam vënë re ndonjë diferencë përsa i përket qëndrimit të tyre për rajonin dhe shqipërinë”, theksoi ish-ministri i Jashtëm.