web counter
LEXO PA REKLAMA!

SHKARKO APP

App Store
Google Play

E fundit!

x

Paratë e krimit të investuara në Gjirin e Lalzit/ SPAK është vënë në lëvizje

16 Mars 2022, 09:01, Aktualitet CNA

Kreu i SPAK, Arben Kraja në konferencën rajonale kundër korrupsionit ka nënvizuar se lufta ndaj krimit të organizuar dhe korrupsionit është dhe mbetet prioritet për institucionin që ai drejton.

Kraja ka folur me shifra sa u përket sekuestrimeve dhe konfiskimeve përgjatë vitit 2022, duke shfrytëzuar Ligjin Anti-mafia.

Sipas tij, vitin që shkoi me kërkesë të SPAK janë dhënë 14 vendime sekuestrimi, janë konfiskuar 4 hotele, si dhe janë sekuestruar mbi 200 mijë m2 tokë në Gjirin e Lalzit.

Paratë e konfiskuara të krimit, sipas Krajës janë përdorur për të ngritur një laborator ekspertize tepër funksionalë dhe  të vlefshëm për SPAK.

?Është e domosdoshme një strategji për evidentimin e aseteve kriminale, pasjen e mekanizmave për marrjen e tyre dhe më pas kthimin e tyre publikut.
SPAK dhe BKH e kanë prioritet këtë. Hetimi financiar është për çdo rast tashmë. Nga Antimafia janë dhënë 5 vendime konfiskimi. Kemi 14 vendime sekuestrosh, listë pasurie shumë e gjatë. Vendimet e konfiskimet në proces penal janë 41 raste, përfshi resorte në bregdet. Risi është përdorimi i fondeve të konfiskuara. Me këto fonde ne kemi ngritur laboratorin kompjuterik në SPAK?, tha Kraja./CNA.al





Lajmet e fundit nga