web counter
LEXO PA REKLAMA!

SHKARKO APP

App Store
Google Play

E fundit!

x

Nuk kanë fund skandalet me inceneratorët/ Miliona për Stela Gugallën dhe Klodian Zoton

3 Shkurt 2022, 15:56, Denoncim CNA

Historia e koncesionit të inceneratorëve në Shqipëri, duket se është një skandal që vijon të thellohet.

Një koncesion për të cilin ka pasur akuza të shumta, investigime, ndërsa tashmë është vënë në pranga edhe një ish-ministër si dhe janë shpallur në kërkim Stela Gugallja, pronarja e inceneratorit të Elbasanit, dhe Klodian Zoto, personi që ka ndërtuar inceneratorin përmes kompanisë së tij Integreted Technology Services.

Koncesioni i inceneratorëve, fillon në Elbasan me një kontratë 22 milion euro, shkon më pas në Fier me 28 milionë euro, dhe shton oreksin në Tiranë me një kontratë fillestare 128 milionë euro.

Pra, janë 178 milionë euro, për tre kontrata koncesionare.

Por, duket se ?dardha e ka bishtin?.

CNA.al ka siguruar të dhëna ekskluzive që tregojnë sesi kompanitë e inceneratorëve, kanë paguar vetveten për konsulencë.

Pra, kompanitë e incenerarorëve kanë bërë pagesa sistematike për kompanitë e konsulencës që kanë pronarë po pronarët e inceneratorëve.

Sipas të dhënave të siguruara nga CNA.al në këto ?kompani konsulence?, paguajnë rroga edhe për veten me miliona ashtu si dhe tek kompanitë e inceneratorëve apo mëmen e tyre.

Së pari është inceneratori i Tiranës, i cili paguan miliona për konsulencë, ?Zoto Consulting? e Klodian Zotos dhe ?Consulting SE Partners? e Stela Gugalles.

Sipas të dhënave më poshtë, kjo kompani ?Zoto Consulting? paguhet nga kompanitë e inceneratorëve, me miliona lekë.

Tabela tregon qartë, se kompania në fjalë është paguar rregullisht me rreth 6 milionë lekë në muaj, nga inceneratori i Tiranës.

Që në një total i bie të ketë marrë 4.200.000 lekë, për vetëm 7 muaj.

Por nuk mbaron me kaq. Kjo kompani ?Zoto Consulting?, me nipt L72115013Q, paguan rroga miliona lekë, edhe për vetë Klodian Zoton.

Sipas ekstraktit zyrtar, ZOTO Consulting është regjistruar në QKB, në 15/09/2017. Dhe aksioner është Klodian Zoto me 90% të aksioneve. Si dhe Denisa Tollkuçi me vetëm 10% të aksioneve.

Nga ana tjetër, edhe Stela Gugallja, pronarja e inceneratorit të Elbasanit, e shpallur në kërkim, ka paguar vetveten për ?konsulencë?.

Edhe kjo kompani, ?Consulting SE Partners?, merr pagesa sistematike nga inceneratori i Tiranës.

Sipas dokumentit më poshtë, në shtatë fatura, të vitit 2021, ?Consulting SE Partners?, është paguar nga inceneratori i Tiranës, me një shifer prej rreth 11 milionë lekë në muaj.

Pra, në një total për vetëm shtatë muaj, kjo kompani është paguar nga pronarët e inceneratorëve, mbi 70 milionë lekë.

Kompania ?Consulting SE Partners?, ku aksionerë me 80% të aksioneve është Stela Gugallja, ka paguar edhe këtë të fundit për konsulencë.

Sipas tabelës më poshtë, Stela Gugallja, nëpërmjet kësaj kompanie i jep vetes një rrogë prej 323,599.00 lekë.

?Consulting SE Partners?, është regjistruar në QKB me 06/10/2017 dhe Stela Gugallja ka 80% të aksioneve. Ndërsa 20% i ka Julia Demneri. Kjo e fundit është edhe administratore, prej datës 25/09/2021. Ndërsa para kësaj date, administratore ishte Stela Gugallja, pronarja e inceneratorit të Elbasanit.

Pra, dy kompanitë e konsulencës që paguhen në mënyrë sistematike nga kompanitë e inceneratorëve, kanë si pronarë përkatësisht Klodian Zoton dhe Stela Gugallen. 

Kompani këto që bosët e inceneratorëve i japin vetes rroga disa milionëshe pasi marrin lekët nga tre kompanitë e inceneratorëve, të cilat paguajnë sistematikisht.

Në kompanitë e konsultimit ka edhe kujdestar femijësh. Megjithëse është studio konsulence mban edhe fëmijë mesa duket.

Në dy tabelat më sipër janë shumat që kompanitë marrin çdo muaj nga kompania e inceneratorit të Tiranës.

Tek tabela më poshtë janë pagesat që inceneratori i Elbasanit bën për këto dy kompani.

Pra sërish miliona lekë çdo muaj nga inceneratorët për kompanitë e konsulencës të Stela Gugalles dhe Klodian Zotos edhe nga Elbasani në mënyrë sistematike.

Dy tabelat e treta i përkasin shumave të parave që dy kompanitë e Stela Gugalles dhe Klodian Zotos marrin si pagesa nga kompanitë e tyre të inceneratorëve për kompanitë e konsulencës, në këtë rast janë pagesat e kryera nga inceneratori i Fierit./CNA.al

Foto lajm/ Ku është inceneratori?

51 fakte dhe dokumente për aferën e inceneratorëve

RAPORTI I KLSH/ Inceneratori i Tiranës u kundërshtua nga institucionet shtetërore, kosto dhe risk i lartë





Lajmet e fundit nga