web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Rithemelimit të PD i bashkohet protestës/ Noka akuza Ramës dhe Veliajt

27 Janar 2022, 09:39, Politikë CNA

Komisioni i Rithemelimit të Partisë Demokratike i eshte bashkuar protestës së banorëve të Laprakës dhe 5 Majit, sot para Kuvendit.

Ndërkohë, deputeti Flamur Noka në një prononcim për mediat nga protesta, ka hedhur akuza të forta ndaj kryeministrit Edi Rama dhe kryebashkiakut të Tiranës, Erion Veliaj.

?Këta banorë duan të mos hidhen në rrugë. Pas kaq kohësh prishje, duke nxjerrë banorë dhunshëm nga shtëpitë, këta banorë nuk kërkojnë asgjë më shumë se të trajtohen sipas ligjeve në fuqi, që të mos trajtohen si qen, por si qenie njerëzore, të paktën me gjysmë e trajtimit që u bëri Rama, afganëve të Sorosit.

Ajo që është më e rëndë në këtë panoramë që ne po shohim dhe që vetë banorët e rrugës ?5 Maji? dhe të Laprakës që po ju bëjnë me dije është fakti se në të gjitha këto projekte ka një bashkërendim dhe bashkëpunim midis Edi Ramës, Erion Veliajt dhe Lulzim Bravës.

Kishte dilema të pafundme kur u mbyll çështja e Unazës. Koha tregoi që për kokën e Klevis Balliut u luajtën shumë derisa të hiqej si deputet. Ka pasur shumë pikëpyetje a ishte Lulzim Brava pas dhe tani me masakrën që po bëhet, çdo gjë është evidente. Rama dhe Veliaj prishin dhe shkatërrojnë, i nxjerrin në rrugë banorët sepse pazari është që prapa kësaj historie është Lul Brava me Kapllanët apo Alibeajt e tij që përfitojnë nga këto projekte.

Bashkëqeverisja nuk ka brirë por kjo është që të bëhen bashkë kundër këtyre qytetarëve. Ka gjë më të dhimbshme se kur qytetarët e një vendi nuk kanë ku të trokasin?! Se qeveria i dhunon, bashkia u pi gjakun, e ashtuquajtura opozitë deri dje përfiton para nga shitja e gjakut dhe mundit të tyre. Atëherë, ku do të trokasin ata?!

Ne jemi këtu për të thënë që kauza e tyre nuk do të harrohet. Është PD dhe anëtarët e saj të Komisionit të Rithemelimit; zonja Vokshi ka paraqitur kërkesë për interpelancë në Kuvend. Ne do t?ju mbrojmë dhe do të jemi më çdo shqiptar që nuk pranon pazarin Basha-Rama,? theksoi deputeti Flamur Noka./CNA.al





Lajmet e fundit nga