“Bëhu burrë”/ Protestuesit sfidojnë publikisht Ramën

27 Janar 2022, 09:30, Politikë CNA
“Bëhu burrë”/ Protestuesit sfidojnë publikisht

Banorët e lagjes ?5 Maj? dhe Laprakës në Tiranë janë mbledhur paraditen e sotme në protestë përpara Parlamentit.

Ndërsa Kuvendi është mbledhur në seancë plenare, banorët me pankarta në duar po protestojnë përpara hyrjes.

Ata kërkojnë transparencë për procesin e shembjes së shtëpive të tyre. Banorët deklarojnë se nuk kanë asnjë informacion apo marrëveshje se ku do të jetojnë, por vetëm u është premtuar se do të marrin një shtëpi të re.

Ndërkohë një nga protestuesit, ka sfiduar publikisht kryeministrin Edi Rama, të cilit i kërkoi të shkojë ti sqarojë.

?Bëhu burrë e hajde e sqarojeni me popullin.

Siç keni ardhur për të kërkuar votat hajdeni dhe sot zotërinj parlamentarë.

Hajdeni se nuk do rrini gjithmonë aty në atë kolltuk.

Asnjë nuk i keni dëgjuar kauzat e popullit, por vetëm shikon pasurinë tuaj

Ca parlament m? është ky.

Zoti kryeministër, zgjedhjet do vinë përsëri. Hajde dhe ulu me popullin, Hajde e sqarohu. Rinia po ikën, do mbeteni vetëm.

Mos guxo të shembësh shtëpinë time. Jam taksapagues i këtij shteti?-tha qytetari./CNA.al

Lajmet e fundit nga