LEXO PA REKLAMA!

SHKARKO APP

"Opozita shitet, malli likujdohet me çmim të ulur!"/ Profesori “masakron” Bashën

25 Janar 2022, 09:02, Politikë CNA
"Opozita shitet, malli likujdohet me çmim të ulur!"/

Profesor Artan Fuga ka reaguar në lidhje me një deklaratë të bërë nga i besuari i Lulzim Bashës, Gazment Bardhi, i cili ka theksuar se zgjedhjet e 6 marsit në gjashtë bashki, nuk janë test për PD.

Në një postim në rrjetet sociale, Fuga shkruan se nuk di të qeshësh a të qash, me këtë deklaratë.

Fuga i jep një ?shuplakë? të fortë Lulzim Bashës, ndërsa shkruan se këto deklarata janë baraz sikur t’i kenë shitur votat qysh në tavolinë! U thonë demokratëve : Kot vini o naivë në zgjedhjeve, kot votoni!

?Underconstruction!!!

Qemaneja e dytë i ish partisë demokratike të para 25 prillit dhe të përpara 11 dhe 18 dhjetorit, shoh që paska deklaruar se zgjedhjet për pushtetin lokal në gjashtë bashki në 6 mars nuk janë një test për atë pjesë të ish Partisë Demokratike!

Kjo meqë Partia Demokratike qenka në fazë strukturimi dhe krize.

Nuk di çfarë të bësh të qash apo të qeshësh. Cfarë fatkeqësie!!!

Si ato faqet e Internetit që i zoti i ka harruar dhe për të mos u dukur si braktisës i audiencave shkruan “Faqja është underconstruction”!!!

Këto deklarata janë baraz sikur t’i kenë shitur votat qysh në tavolinë! U thonë demokratëve : Kot vini o naivë në zgjedhjeve, kot votoni!

Cfarë mentalitet dështimi, çfarë dorëzimi pa kushte, çfarë qaramanlliku, çfarë dembelizmi politik, çfarë kënaqësie me kolltukun e falur të deputetit, çfarë psikologjie prej shërbëtori i pushtetit, çfarë cinizmi, çfarë talljeje me elektoratin opozitar në këtë deklaratë !!!?-shkruan Artan Fuga.

Më tej, ai thekson se kjo është pasojë e dështimit të PD dhe thton se nuk kane as guximin për t’u mat sa demokratë do të të votojnë si burokrat partie në krahasim me ata që do të votojnë Lëvizjen për Rithemelimin e Partisë Demokratike.

?Po mirë, po nuk është kjo gjendje pasojë e evoluimit dështak të Partisë Demokratike që nuk merret mundimi as të analizohet! Po vetëm patetizëm skizofrenik duke treguar anekdota të vjetra nëpër salla!

Po mirë, po as guximin për t’u mat sa demokratë do të të votojnë si burokrat partie në krahasim me ata që do të votojnë Lëvizjen për Rithemelimin e Partisë demokratike?

As këtë nuk e pranon si sfidë?

Po mirë, po as sfidën për të mbledhur aq demokratë votues në të dy pjesët e gërmadhës të paktën sa kanë qenë vite më parë?

Kot thashë “underconstruction”, më shumë i ngjan një lokali gjysmë të shkatëruar me qepena mbyllur ku shkruhet “Lokali shitet”!

Ose një stoku brrekësh në solde ku shkruhet “Likujdim total i mallit”!

Varni një tabelë në qepenat e mbyllur: “Opozita shitet, malli likujdohet me çmim të ulur! “

O të mjerët militantë dhe zgjedhës demokratë në duart e kujt kanë rënë!

Këta e meritojnë të mos u jepet asnjë votë, po asnjë fare!?-përfundon postimin e tij Artan Fuga./CNA.al

Lajmet e fundit nga