Rritja e rasteve me Covid/ Mjeku apel qytetarëve, ja kur pritet përmirësimi i situatës

22 Janar 2022, 14:59, Lifestyle CNA

Rritja e rasteve me Covid/ Mjeku apel qytetarëve, ja kur pritet

Varianti i ri i Covid, Omicron, ka sjellë një shtim të rasteve të reja. Mjekët kanë bërë të ditur se pavarësisht rritjes së rasteve, Omicron nuk është aq fatal sa virusi i mëparshëm dhe se moshat e treta janë më pak të riskuara.

Por mjeki pneumolog Ardian Jorgji shprehet se shumë persona e kanë ulur viligjencës dhe përkujdesin ndaj vetes dhe të tjerëve, ndërsa u bën apel qytetarëve që të mos i neglizhojnë simptomat.

?Shumë e gabuar, një tezë e tillë ka kontribuar dhe në shtimin e rasteve, njerëzit kanë ulur vigjilencën dhe përkujdesjen për vete dhe të tjerët.

Dhe shenja të thjeshta si rrufë, kollë, temperaturë e lartë për disa ditë tek pacientë me probleme shoqëruese mund të jenë dhe fatale?, shprehet Jorgji për ABC News.

Situata bëhet më e vështirë kur në qarkullim është dhe ?Delta?, gripi dhe viroza të tjera të stinës.

?Nga ana klinike mbivendosje infeksionesh shoh plot?.

Të infektuarit ditor kanë arritur dhe në 2800 persona, por mjeku pneumolog mendon se janë më shumë se kaq. Jep disa arsye dhe bën thirrje për kujdes të shtuar.

?Asimptomatikët dhe ata me shenja minimale që nuk ekzaminohen, ata që ekzaminohen dhe testet iu dalin negativ, por kanë Covid, bëjnë simptomatikë, por nuk besojnë te Covid, prandaj numri duhet të jetë më i lartë dhe duhet kujdes i madh?, deklaroi mjeku.

Por kur sipas pneumologut Ardian Jorgji pritet një përmirësim i situatës epidemiologjike në vend?

?Deri tani mund të themi se i ngrohti ndikon në agresivitet dhe infektueshmëri. Mendoj se për dy tre jave presim sërish rritje, më pas shpresojmë të kemi ulje?, thotë ai.

?Omicron? po infekton dhe ata që e kanë kaluar më herët Covid e të vaksinuarit, por mjeku thotë se këta persona përgjithësisht e kalojnë më lehtë sëmundjen dhe apelon për tu vaksinuar./E.K-CNA.al