Bie Basha në Korçë/ Selinë e PD-së e merr Grupi i Rithemelimit

22 Janar 2022, 12:37, Politikë CNA

Në Korçë, dje Grupi i Rithemelimit ka zhvilluar mbledhjen në selinë e Partisë Demokratike. Dhe tashmë ka zyrtarisht edhe godinën e kësaj partie.

Në Korçë ka ndodhur e pabesueshmja, megjithëse shpesh raportohej se Ervin Salianji shkonte e bënte mbledhje kryesie, të një kryesie që në fakt nuk ekziston pasi shumica janë shpërndarë, apo dorëhequr.

Por, këto mbledhje mesa duket zhvilloheshin diku tjetër. Prej gati tre muajsh godina e PD-së në Korçë ishte e mbyllur.

Ky akt ishte kryer nga pronari i objektit, i cili nuk kishte marrë qeranë.

Lulzim Basha, Ervin Salianji dhe të tijët në PD-në e Korçës nuk kishin paguar qeranë e zyrave tek pronari, i cili ka shkuar dhe i ka vendosur çelësin.

Grupi i Rithemelimit ka shkuar dje, ka kontaktuar pronarin dhe ka marrë objektin me qera. Ka shlyer çdo detyrim dhe ka firmosur edhe kontratën për vazhdimësinë e subjektit politik, Partia Demokratike në ambientet ku ajo ka qënë vendosur dhe më parë.

Pra, Lulzim Basha zyrtarisht ngelet pa seli në Korçë. Ervin Salianji ka ngelur në rrugë. Ndoshta do të futet në ndonjë nga ato vrimat që futet ai për të folur

apo bërë propagandë, por zyrtarisht godinën Partisë Demokratike në Korçë, zyrat e saj tashmë i ka Grupi i Rithemelimit, i cili ka zbuluar dhe faktin se Lulzim Basha dhe Ervin Salianji, prej muajsh nuk kishin paguar qeranë.

E paimagjinueshme, kjo, por tashmë është fakt. Lulzim Basha dhe të ardhurat që merr nga shteti mesa duket i përdor për interesat e tij dhe jo për të paguar shpenzimet për administratën dhe zyrat e Partisë Demokratike./CNA.al

Lajmet e fundit nga