INTERVISTA/ Tahiri: Janë këputur fijet e politikës me krimin

9 Qershor 2015, 09:44, Politikë CNA
INTERVISTA/ Tahiri: Janë këputur fijet e politikës me krimin

Ministri i Brendshëm Saimir Tahiri ishte i ftuar i rradhës i emisionit ?Oktapod? në Vizion Plus. Në një rrëfim jashtë kornizave dhe zyrës së punës, Ministri ka folur për bilancin në rreth 20 muaj në detyrë, transformimin e Policisë, risitë teknologjike, luftën ndaj korrupsionit. Ai ka theksuar se është rritur niveli i sigurisë, duke veçuar si statistikë uljen e numrit të vrasjeve në këto 5 muaj më pak se 25 vitet e fundit. Biseda ka vijuar me garën elektorale, ku kryefjala ishte Tirana. 

Turjan Hyska: Sa ka rezultuar i suksesshëm Komisariati Dixhital? 

Saimir Tahiri: Unë besoj që është ndër ato iniciativa që radikalizon në mënyrë intensive komunikimin ndërmjet publikut dhe institucioneve në tërësi, por në mënyrë të veçantë njoftimet e qytetarëve në polici. Ju besoj e dini që kemi pasur një raport jo fort pozitiv të publikut me policinë. Ka pasur mosbesim. Me plot të drejtë ndoshta ka pasur difidencë dhe plot dyshim për shkak të korrupsionit në Policinë e Shtetit. Shumë qytetarë shkonin denonconin dhe ktheheshin mbrapsht nga policia pa iu marrë denoncimi. Pra ka pasur një sërë problemesh që shtonin dyshimin publik te Policia e Shtetit dhe për rrjedhojë te institucionet?

Turjan Hyska: Sivjet ka ndryshuar situata? 

Saimir Tahiri: Unë besoj që ka ndryshuar pavarësisht se nuk mund të jemi kurrë të kënaqur dhe nuk është nga ato punë që e nis një ditë dhe e mbaron një ditë. Kjo është një proces i vazhdueshëm për të fituar çdo qytetar, për të fituar besimin e çdo njeriu që një problem të vetin në një moment të ditës kërkon ta denoncojë në polici. Komisariati Dixhital në këtë rast është mundësia më e mirë për të pasur policinë në dorën tënde. Pra praktikisht nga telefoni yt ti mund të denoncosh, mund t?i vësh një gjobë një makine, që të ka zënë rrugën, kthehesh vetë në garant të ligjit duke përdorur këtë instrument të vogël, por shumë të fuqishëm, që e ke në telefonin tënd dhe pa detyrimin për t?u shfaqur para policit, pa detyrimin për të shkuar dhe plotësuar letra. Pra ti praktikisht në dy sekonda bën një denoncim dhe policia vjen në një kohë rekord. Pra në kemi një sistem të tërin, që punon për të ndihmuar komisariatin digital. Ai instrumenti i vogël te telefoni yt ka një infrastrukturë të tërë me zyra, me njerëz, me patrulla.

Turjan Hyska: Ka ndonjë numër të përafërt të raportimeve që kur ka filluar deri tani?

Saimir Tahiri: Nuk është mbushur muaji që komisariati digital është lançuar, është aplikacioni numër 1 i shkarkuar në playstore nga shqiptarët edhe janë mbi 20.000 shkarkime, pra mund të themi që ka mbi 20.000 qytetarë që ndihmojnë policinë. Janë rreth 3.500 denoncime pjesa dërrmuese janë për parkim, parkim i gabuar, shkelje semafori. Pra shkelje të qarkullimit rrugor dhe denoncime jo të vërteta janë fare minore. Ne i publikojmë rastet pozitive, pra ne i publikojmë poli-fotot ku duket denoncimi i qytetarit, fotografia që bën vetë qytetari dhe foto e policit që ka vendosur vetë gjobën. Eshtë një instrument mjaft i fuqishëm që unë besoj thyen barrierën, shkon përtej cilësdo nismë burokratike për të ndërtuar besimin te Policia e Shtetit. Çdo njeriu i kemi dhënë mundësinë që të ketë një polic brenda telefonit të tij, fuqinë ligjore që të merret masë.

Turjan Hyska: Duket sikur ka një anë negative të kësaj, ne kemi halle më të mëdha se me probleme te parkingut, nuk po luftohet korrupsioni. Peshqit e mëdhenj nuk kapen, qytetarët e shkretë dënohen për gjëra të vogla si kundërvajtje etj., ndërkohë që me ata të mëdhenjtë nuk merret njeri?

Saimir Tahiri: Është shumë relative kjo në fakt dhe unë besoj që ha debat, por gjithsesi në syrin e atyre që duhet të garantojnë zbatimin e ligjit, pra institucionet, policia në veçanti, nuk mund të ketë shkelje të vogla dhe shkelje të mëdha. Shkelja e ligjit mbetet e tillë dhe për më tepër, shkelja e rregullave të qarkullimit rrugor, masiviteti i shkeljes së semaforit, vijave të bardha, parkimi i gabuar etj, krijon domosdoshmërisht ndjenjën e kaosit te njerëzit, të rrëmujës, të shkeljes së ligjit pa e ndier veten të ndëshkueshëm, krijon mosbesim te policia, krijon një lloj sensi që mungon shteti, mungon ligji dhe të gjitha këto i kemi provuar. Megjithatë ne nuk kemi lenë gjë pa bërë duke shpenzuar energjitë tona te komisariati digital apo te nisma të tjera. Ndërkohë policia është e ndarë me prioritete sipas departamenteve dhe çdo departament matet për punën që bën. Pra nëse ju shqetësoheni për krimet e rënda, ka një departament që merret me krimet e rënda dhe jo pa shkak ne në Shqipëri kemi standardin më të lartë të sigurisë, krahasuar me 25 vitet e fundit që nga viti 1991. Kemi numrin më të vogël të vrasjeve në 25 vitet e fundit, numrin më të vogël të krimeve kundër personit përfshirë plagosje. Kemi numrin më të vogël të aksidenteve me pasojë vdekjen, që do të thotë që ky departament ka punuar dhe e ka bërë punën mirë për parandalimin dhe zbulimin e veprave penale. Ndërkohë, nëse ju do më thoni për krimet mjedisore, gërryerjen e lumenjve, prerjen e pyjeve pa kriter, ndërtimet pa leje? policia i ka detyrë funksionale. Pra ju mendoni që këto po i bëjmë meqë erdhëm ne pas 23 qershorit. Nuk është kështu në fakt. Është perceptim i gabuar, i përgjithësuar dhe kolektiv se këto po ndodhin pas 23 qershorit, vjen për shkak se nuk kanë ndodhur në mënyrë të paligjshme para 23 qershorit. Pra këto ishin shkelje për të cilat policia duhej të merrej dhe para 23 qershorit, por ajo e abortonte misionin e saj dhe tani që ne merremi me të gjitha, siç në fakt e ka ligji, siç ndodh në të gjithë botën, kemi pasur edhe raste kur ka kritika si dhe pyetja që bëni ju që nuk është kritikë, por më shumë sqarim, ku duket sikur policia po merret me të gjitha. Në fakt me këto duhet të merremi, sepse edhe prerja e pyjeve është shumë e rëndësishme, edhe gërryerja e lumenjve është e rëndësishme, madje në opinionin tim, janë shumë më të rëndësishme se shumë vepra të tjera penale, sepse cenojnë të ardhmen e fëmijës tim, të familjes tënde, të ardhmen e brezit tjetër.

Turjan Hyska: Akuzës që ka shumë show, që ju i vini gjobë eskortës së ministrave, jep perceptimin sikur po luftohen, që nuk ka më, por jemi të barabartë para ligjit. Është ai perceptimi që në politikën shqiptare, të majtë dhe të djathtë ka shumë njerëz të korruptuar që asnjëherë nuk kanë për t?u dënuar, që kanë bërë parà mbi kurrizin e taksapaguesve dhe ndërkohë, hajde po bëjmë sikur i gjobisim për hyrje me të kuqe apo parkim të gabuar?...

Saimir Tahiri: A ishim ne që deri dje thonim, prit se deputetët nuk u dënokan se parkojnë makinën gabim, ministrat nuk u dënokan kur shkelin semaforin, pushtetarët nuk dënohen kur bëjnë shkelje të vogla? ishim ne që thonim, ore po këta nuk dënohen për shkelje të vogla e jo më pastaj për shkelje të mëdha! Ne kemi filluar të krijojmë jo vetëm perceptimin, por dhe me aksion, të thyejmë mitin e pandëshkueshmërisë. Sot nuk ka njerëz që për shkak të pushtetit, për shkak të njohjes, qofshin familjare apo miqësore, për shkak marrëdhëniesh me cilindo prej nesh apo raportit me këdo në politikë, në pushtet, në qeverisje, në parlament, polici. Praktikisht kemi thyer mitin që ti mund të njohësh dikë dhe i bën bisht ligjit. Ndërkohë nga ana tjetër unë bie dakord me pjesën racionale të pyetjes tuaj, bie dakord kur vjen puna te dënimi. Unë e kam shprehur vetë disa herë në publik. E quaj dhe unë shumë të paarsyeshme, madje deri diku thyen edhe perceptimin e zbatimit të ligjit ose ligjshmërisë, kur dënohet një njeri për një ndërtim të paligjshëm, po nuk dënohet një njeri, një zyrtar, ish-drejtor i Aluiznit, që kishte legalizuar një kat të tërë ndërtimi pa leje, që në fakt nuk ekzistonte. Apo që dënohet kush suvaton shtëpinë pa leje, apo kush nuk paguan energjinë elektrike dhe nuk dënohet ish drejtori i tatimeve, që kishte vjedhur me rimbursime të falsifikuara rreth 9 milionë euro. Këta i lehtëson gjykata, janë arrestuar, prokuroria ka bërë punën e saj. Unë e kam shprehur vetë këtë shqetësim, drejtësia nuk mund të funksionojë me dy standarde, të varfrit t?i dënojë dhe të pasurit t?i taksojë. Ky s?mund të jetë standard i pranuar prej nesh apo për shumicën dërrmuese të qytetarëve shqiptarë. Dhe në këtë pikë vjen reforma e drejtësisë. Ju do donit që qeverisja, edhe për shkak të mbështetjes së gjerë popullore në zgjedhjet e kaluara, edhe për shkak të nxitjes, të bëjë një reformë në sistemin e drejtësisë që të jetë e shpejtuar. Sepse ju vetë do vinit të na thonit, ore ju vetë e bëtë pa pyetur, pa u konsultuar, e bëtë pa marrë mendimin e partnerëve ndërkombëtarë, pa përfshirë opozitën, pa marrë praktikën e ekspertëve të pavarur. Pra ne kemi hapur një proces, që është reforma në drejtësi. Ky proces sigurisht ka ritmin e vet. Ne duam ta bëjmë një proces gjithëpërfshirës, që mbi të gjitha të garantojmë qëndrueshmërinë e reformës në drejtësi. Dhe kjo reformë jo domosdoshmërisht do zgjedhë gjyqtarë të korruptuar, banditë, arrogantë deri diku që bëhen palë me krimin që i rrahin çekiçit sipas parasë apo sipas xhepit, që e shohin ligjin me dy standarde, për të varfrit dhe për të pasurit! Pra reforma në drejtësi nuk i zgjidh të gjitha. Paralelisht po punojmë për të thyer jo vetëm mitin e pandëshkueshmërisë, por për ta treguar? dhe shembuj konkret. Byroja Kombëtare e Hetimit, kemi marrë oficerët e FBI-së, sot janë këtu, rrinë me ne në Tiranë. Po punojnë që nga struktura, rekrutimi, sepse ne thamë të rekrutojmë në Byronë Kombëtare të Hetimit oficerë të pakorruptueshëm, që pse jo, t?i nënshtrohen poligrafit, të jenë oficerë policie që skanohen nga familja, të pasuria, te lidhjet shoqërore pra të jenë njerëz që do i dedikohen zbatimit të ligjit, luftës kundër korrupsionit dhe veçanërisht atij korrupsionit elitar.

Turjan Hyska: Kanë kaluar dy vjet, jeni ndër ministrat që jeni në qendër të vëmendjes, jeni sulmuar nga opozita, keni marrë dhe kërcënime? Po të ktheheshit pas në kohë, për hir të familjes, do ndërronit ministri, apo sërish do merrnit Ministrinë e Brendshme?

Saimir Tahiri: Nuk kam asnjë dyshim, madje jam tërësisht i bindur që do bëja të njëjtat gjëra që kam bërë, në të njëjtin institucion.

Turjan Hyska: Do ta zgjidhnit sërish zotin Artan Didi?

Saimir Tahiri: Po sigurisht, ka pak gjëra që do i zgjidhja ndryshe, por jo zgjedhje madhore që kam bërë në raport me njerëzit që punoj, në raport me prioritetet e punës në Ministri dhe polici, në raport me aksionet që kemi bërë, në raport me qëndrimet që kemi mbajtur, qoftë dhe në raport me opozitën. Fundja mua më vjen mirë që Ministria e Punëve të Brendshme mbahet në lupën e kontrollit të opozitës, pavarësisht se kritikat janë eksesive dhe shkojnë shumë përtej normalitetit politik, po gjithsesi më vjen mirë që opozita shërben si një lloj garanti, qoftë dhe për të na mbajtur ne në vete, qoftë për të kritikuar aty ku ka për t?u kritikuar. Unë s?e kam gjetur ndonjëherë që ka bërë kritikë shumë të shëndoshë, ok më vjen mirë që është opozita atje, ashtu siç më vjen mirë që edhe ju keni pritshmëri më të lartë, sepse do të thotë na besoni aq shumë, sa mendoni që ne mund të bëjmë më shumë.

Turjan Hyska: Për videon e nxjerrë nga ISIS në gjuhën shqipe, është shqetësuese situata, sepse reagimi i publikut ishte shumë i gjerë. A ka celula që rekrutojnë persona që nga Shqipëria?

Saimir Tahiri: Po punojmë shumë ngushtë me partnerët kundër ekstremizmit të dhunshëm dhe po ashtu me partnerët në rajon. Shqipëria tani është bërë thuajse një qendër rajonale për luftën kundër terrorizmit. Sot që flasim, bashkë me partnerët amerikanë, kemi ndërtuar qendrën më të madhe në Policinë e Shtetit. Janë rreth 100 oficerë nga 7 që e gjeta kur erdha në detyrë. Kjo tregon prioritetin tonë, ashtu siç ndryshimi i Kodit penal për luftëtarët e huaj, duke e konsideruar këtë një vepër terroriste, tregon prioritetin tonë, ashtu siç procedimet penale që kemi bërë kundër rrjeteve, që rekrutonin luftëtarë të huaj, tregon angazhimin tonë. Sot nisjet janë në nivele zero, pra tregon që ka pasur rezultat, ndërkohë vetëm para pak ditësh, bashkë me Departamentin Amerikan të Shtetit dhe me Zv/Sekretaren amerikane të Shtetit, bëmë samitin rajonal ku të gjithë ministrat e brendshëm të rajonit u mblodhën në Shqipëri, për të adresuar këtë prioritet. Eshtë një shqetësim dhe prioritet dhe sfidë e Shqipërisë, e rajonit por edhe në nivel global.

Turjan Hyska: Rekrutimet vazhdojnë, a ka një plan konkret për të ndërprerë këtë kanal?

Saimir Tahiri: Sot që flasim nisjet janë zero. Pra do të thotë ka pasur rezultat pozitiv, por kjo nuk do të thotë që rreziku nuk është, sepse për sa kohë kemi qenë në gjendje të eksportojmë të tillë rrezik, sigurisht dita kur mund të vijë në derën tonë, nuk është e largët. Me këtë nuk duhet të ngremë nivelin e panikut, por nivelin e ndërgjegjes qytetare në radhë të parë. Terrorizmi nuk është një gjë që luftohet me polici, as me mjete represive, por luftohet me kulturë, me arsim, me dije, me ekonomi, pra luftohet shoqërisht fillimisht. Dhe prandaj ajo video e shfaqur kohët e fundit, sigurisht që më shqetëson në detyrën që kam, dhe kemi marrë masa paraprake, forcojmë masat që kemi, shkëmbejmë më shumë informacion me partnerët, por nuk mund të them që sot Shqipëria është një ndër vendet me risk të lartë.

Turjan Hyska: Pse rekrutojnë në Shqipëri, prej varfërisë??

Saimir Tahiri: Janë shumë arsye, nga ideologjiket deri te mercenarizmi. Ne na duhet shumë për t?i shkuar në themel vetë fenomenit. Qoftë dhe për të kuptuar si! Na duhet shumë për të shkëmbyer informacionet me median, dhe me shoqërinë civile, me ekspertët, universitetet. Na duhet shumë për të kuptuar arsyet e nisjeve deri në fund, deri në themel, për të hartuar hartën e temperaturës së rrezikut dhe për të gjetur zgjidhje lokale që jo domosdoshmërisht janë represive. Pra janë zgjidhje zhvillimore, arsimore dhe unë besoj shumë që terrorizmi përpara se të luftohet me armë, luftohet me dije. Dhe me kulturë. Kjo që po them nuk është përjashtuese. Zgjidhja më e qëndrueshme vjen kur ti ke një qëndrim të përgjithshëm, një qasje të përgjithshme ndaj këtij fenomeni. Dhe vetëm me policinë nuk fiton kurrë. Dhe këtë e kemi kuptuar në nivel global. Në samitin e Shtëpisë së Bardhë, presidenti Obama e tha qartë domosdoshmërinë për ta trajtuar nga të gjitha dimensionet. Dhe praktikisht ketë po bëjmë dhe në Shqipëri. Mbas samitit të Shtëpisë së Bardhë, samiti rajonal ishte pas tij që ndiqte këtë axhendë.

Turjan Hyska: Ka bashkëpunim të plotë Shqipëri, Kosovë, Maqedoni dhe Mali i Zi?

Saimir Tahiri: Sigurisht, tregon vlerësim për çka kemi bërë deri tani por edhe për të ardhmen, për të gjithë. 

Turjan Hyska: Është Shqipëria vatër më e nxehtë apo Kosova, Maqedonia?

Saimir Tahiri: Nuk ke dot një përgjigje për këtë, po shifrat flasin që ka më shumë nisje nga jashtë kufijve të Shqipërisë, por jo medoemos me rezidencë permanenete në Kosovë apo Maqedoni.

Turjan Hyska: Ka pasur një raport të Byrosë së Sigurisë Diplomatike pranë Departamentit Amerikan të Shtetit ku situata e krimit në 2014, e konsideron problematike situatën e krimit të Shqipëri. Dhe u është bërë thirrje shtetasve amerikane që të bëjnë kujdes. Qëndron ky si raport me perceptimin tuaj për shifrën?

Saimir Tahiri: Byroja diplomatike bën raporte për diplomatët, pra nuk bën raportin e sigurisë së vendit. Ajo që pse i kërkon diplomatëve të jenë të kujdesshëm, kjo ndodh edhe në një protestë studentësh para kryeministrisë. Është protokoll, standard pune për të gjithë globin, kështu që nuk ka lidhje. Ndërkohë ai raport ka theksuar arritjet tona deri tani, pavarësisht se në mënyrë të përciptë, sepse nuk hartohet për atë qëllim, por ndërkohë Departamenti Amerikan i Shtetit ka njohur arritjet tona dhe në fushën e terrorizmit dhe është kjo arsyeja se pse samiti u organizua në Tiranë, arritjet tona në fushën e trafikimit të qenieve njerëzore dhe ne kaluam nga lista e vendeve në vëzhgim siç e gjetëm. Ka njohur arritjet tona në fushën e drogës, në garantimin e sigurisë për qytetarët dhe i ka njohur këto duke inkurajuar mbështetje akoma më shumë dhe ne sot kemi mbështetje të drejtpërdrejtë, me oficerë permanentë që rrinë këtu, si për drejtorinë e anti-terrorit ashtu edhe për Byronë Kombëtare të Hetimit që janë oficerët e FBI-së që merren me çdo hap, deri te hetimet e përbashkëta.

Turjan Hyska: Për dy vjet që ju keni ardhur në pushtet, krimit të organizuar i janë këputur tentakulat, apo i ka më të forta? Ju vetë jeni akuzuar nga zoti Berisha, që ju ?flirtoni? me krimin? krimi i organizuar ka qenë i lidhur me pushtetin?

Saimir Tahiri: Kur më merr për referencë Saliun, unë të vë pikëpyetje në atë që thua, se ky njeri që bën sikur i di të gjitha, ndërkohë para 18 muajsh ishte kryeministër, i vriteshin drejtorë policie. Krimi ishte gjerësisht i përhapur, nuk respektonte njeri rregullat dhe ligjin, si mund të pranoj unë që ky njeri të thotë vërtetën? Megjithatë unë kam bërë një padi në Gjykatën e Lartë, sepse nuk mendoj që është modeli im.

Turjan Hyska: Dhe ju keni bërë padi kur ishit në opozitë dhe në përgjithësi opozita humbet në këto raste? nuk besoj se zgjidhin gjë paditë në Shqipëri apo jo?

Saimir Tahiri: Dhe unë prapë them që duhet të largohemi nga modeli i të bërit politikë me akuza personale. Ish kryeministri nëse ka të dhëna, të më denoncojë në prokurori. Unë jam gati të përgjigjem. Nëse ish kryeministri di një gjë, që shqiptarët nuk e ditkan, që unë jam i lidhur me mafian, me krimin e organizuar, të më denoncojë në prokurori. A është kjo mënyra më e mirë për të më dënuar mua?

Turjan Hyska: Po prokuroria nuk funksionon thuhet rëndom...

Saimir Tahiri: Ateherë si qenka mënyra më e mirë, për të më denigruar në publik me gënjeshtra?! Kjo është një mënyrë për të bërë politikë?

Turjan Hyska: Duhet ta pranojmë që politika në Shqipëri ka fije të lidhura me krimin apo jo? Në këto 25 vjet pluralizëm?

Saimir Tahiri: Absolutisht po.

Turjan Hyska: Është bërë diçka për t?i këputur fijet?

Saimir Tahiri: Unë besoj po. Dhe kemi dhënë shenja të forta për këtë. Edhe me deputetë që kanë shkuar përtej linjës, edhe me deputetë që kanë pasur hije të forta dyshimi. Pra jemi në hapin e duhur por këto nuk bëhen brenda pak muajsh. Shqipërinë që kemi humbur në 24-25 vjet, pavarësisht besimit që keni te ne, dhe faktit që prisni kaq shumë, do të thotë që keni kaq shumë besim, por mos prisni ta rikuperojmë në dy muaj, 5 muaj apo 2 vjet. Merr kohë. Ky është një proces dhe ju duhet minimalisht të dalloni një gjë, ose të paktën t?i bëni një pyetje vetes, është kjo duke ecur në rrugën e duhur apo jo. Është kjo duke ndjekur drejtimin që ne presim apo jo? Nëse ju dalloni që jo, hajdeni t?i shtrohemi diskutimit. Por nëse është në drejtimin e duhur, hajdeni të bashkohemi që ta bëjmë më të shpejtë ritmin.

Turjan Hyska: Vazhdon modeli i të fortëve në Shqipëri, logjika është që të fortët janë ata njerëz, që përdoren nga politika, përgjithësisht në fushata elektorale dhe pastaj marrin mbrapsht benefitet e përdorimit të muskujve. A janë akoma vërdallë këta të fortët? Ju ç?bëni për ta reduktuar numrin e të fortëve, që përdoren në politikë?

Saimir Tahiri: Ne kemi probleme në përfaqësimin në politikë, në përfaqësime zgjedhore, qoftë dhe në pushtetin lokal, probleme në raport me moralitetin, drejtësinë, integritetin e atyre që ka ndodhur të drejtojnë, sepse kolektivisht e falim, ose sepse kolektivisht edhe e venerojmë ketë model. E kam thënë shpesh herë që preferoj të bashkëbisedoj me të rinjtë.

Turjan Hyska: Pse e keni krijuar këtë qasje që e shihni si problem social përgjithësisht?

Saimir Tahiri: Unë nuk e pranoj dot që një djalë që nxjerr fotografi me pistoletë në dorë në facebook, të trajtohet si model pozitiv. Ju e dini që kështu ka ndodhur dhe në të kaluarën apo jo.

Turjan Hyska: Një i tillë ju iku nga komisariati, Stresi, një nga këto modelet e vogla që po përmendni ju?

Saimir Tahiri: Tani të mos bejmë gallatë, ai mund të iki, do kapet prapë. Për sa kohë këto modele shërbejnë si tendencë ndonjëherë, sigurisht kjo do vijë duke toleruar modele të tilla që ndonjëherë përfundojnë dhe drejtojnë. Drejtojnë në pushtet, në ekonomi, në shoqëri, se ju shqetësoheni sot nga një i zgjedhur vendor me të kaluarën kriminale, po unë shqetësohem më shumë për ata që kanë kapur ekonominë dhe e kanë nisur me probleme kriminale, në mos me pastrim parash. Këta i bëjnë më shumë dëm shoqërisë, dhe më tepër shqetësohem kur të rinjtë në një klasë pranojnë për model një djalë që shihet si i forti klasës, sepse ka arritur të bëjë një foto me një armë dhe ta hedhë në facebook, dhe askush në klasë nuk e denoncon. Prandaj shoqërisht e kemi pranuar këtë model. Dhe shoqërisht duhet ta luftojmë. Komisariati digital ndihmon për këtë, sepse me të ti je në klasë, nuk i thua njeriut, nuk ke pse ta bësh publike,

Turjan Hyska: që ta kenë dhe të qartë njerëzit që të dhënat janë anonime dhe kjo është diçka vërtet shumë e mirë. Ju bëni denoncimin tuaj. Përgjigjet apo jo policia është tjetër gjë?

Saimir Tahiri: Jo, jo, këtë nuk ta lejoj, se jam gati ta vësh në provë? dalim të dy, as unë, as ti nuk kemi njoftuar njeri, dalim të dy me kamera, ecim në këmbë, gjejmë një makinë të parkuar gabim dhe e provojmë. Dhe garanti që nuk kemi bërë numra, je ti!

Turjan Hyska: Ok, do ta bëjmë në fund të intervistës. Dhe unë do them pastaj që po, policia vjen në moment. Çfarë ndodhi pasi erdhën në telefonin tuaj sms denoncuese? Nga rasti Gjuta?

Saimir Tahiri: Unë bëj detyrën time, drejtësia merret me çdo problem, me këtë dhe me të tjera, unë jam shumë i bindur që kemi një mision të gjithë bashkë. Dhe jam shumë i bindur se njerëzit nëse e duan këtë vend me idealizmin dhe me mundësinë për të bërë ca gjëra me mirë, jam shume i sigurt që do ja dalim, të nxjerrim më të mirën tonë për të bërë ca gjëra më mirë.

Turjan Hyska: Kjo është shenjë që është më e dobët struktura juaj, apo është shenjë që jeni më të fortë që derisa krimi bën këtë do të thotë që nuk ka shpëtim.

Kjo u diskutua kur u gjet tritoli në?

Saimir Tahiri: Unë nuk merrem fare me interpretime, unë di të them që sot në 2015, Shqipëria ka arritur standardin më të lartë të sigurisë, krahasuar me çdo vit të 25 viteve të fundit.

Turjan Huska: Tritoli për disa kohë krijoi një ankth të tmerrshëm në popullatë.

Saimir Tahiri: Tritol që filloi me mesazhe politike në një shtyllë të tensionit të lartë, hetimet tona ndërkohë kanë vënë para drejtësisë shumë grupe kriminale që merreshin me tregtimin me ndërtimin e eksplozivëve, njerëz që i përdornin, pra ka pasur efektin e vet.

Turjan Hyska: Çfarë ndodhi me rastin Doshi, ku zoti Doshi vazhdon e deklaron që ka pasur skenar për krim?

Saimir Tahiri: Këtë po e zgjidh prokuroria me gjykatën.

Turjan Hyska: Fabjan Zhilla, ekspert i krimit thotë se ekzistojnë dy kategori vrasjesh me pagesë, të ardhur nga vendet e BE dhe rezidentë. Është e vërtetë kjo?

Saimir Tahiri: Ka dalë si problem, sepse policia ka arrestuar vrasësit me pagesë, besoj i mbani mend rastet, por kjo është në të gjithë botën dhe nuk është një ndër gjërat me të lehta që mund të luftosh. Gjithsesi nuk e kam parasysh studimin të cilit i referoheni, por një gjë është e sigurt që policia ka pasur rezultate të shkëlqyera, edhe kundër vrasësve me pagesë duke zbuluar skema të plota, grupe kriminale që merreshin me këtë punë dhe që realisht përbëjnë sukses ekzemplar në punën e Policisë së Shtetit.

Turjan Hyska: Vrasja që ndodhi gjatë vizitës së kryeministrit serb Vuçiç . Aty ishte porositur një vrasës i huaj italian, nuk ka një mënyrë që kush janë të skeduar të kontrollohen, ai kishte hyrë dhe kishte dalë disa herë në Shqipëri?

Saimir Tahiri: Është e vështire në rast se partnerët nuk japin informacion, pra policia ecën me analizën e riskut, bazuar mbi informacionet që japin partnerët. Sigurisht ka dhe një rend kazualiteti, kontrolli më të imtësishëm dhe kështu me radhë, por nuk mund të thuash që si ka mundësi që ky hyri në Shqipëri se për analogji mund të them unë se si ka mundësi që këta shqiptarët shkuan vranë në Roterdam dhe s?u kapen dhe as u gjetën? Si i bie, që policia atje është më e dobët se policia jonë?

Turjan Hyska: Vrasja e Santos, akoma nuk është zbuluar?

Saimir Tahiri: Në fakt prokuroria po zhvillon hetime, unë nuk jam në gjendje të them se në cilën fazë janë, policia nuk po zhvillon hetime, dhe po ndihmon në ato veprime që ia ka deleguar prokuroria, duhet pyetur Prokurori i Përgjithshëm për atë dosje.

Turjan Hyska: Për sa i përket drogës. Ne tani jemi thjesht një vend tranzit, apo do shqetësohemi që mund të jemi prapë një vend prodhues?

Saimir Tahiri: Jo, jemi ende vend prodhues! Fakti që deri tani janë kapur rreth 90 mijë rrënjë në muajin e fundit, do të thotë që shqiptarët ende vazhdojnë kultivojnë!

Turjan Hyska: Ka zona problematike të evidentuara nga ju?

Saimir Tahiri: Në të gjithë Shqipërinë. Dhe nuk është sigurisht i njëjti ritëm. Shumë herë më i reduktuar nga e kaluara, por shqiptarët vazhdojnë dhe mbjellin kanabis.

Turjan Hyska: Është i organizuar në formën e Lazaratit, apo në një formë më të vogël?

Saimir Tahiri: Jo, shumë e vogël, në një formë shumë amatoreske, por? Kjo më mban të them që nuk jemi vend origjinë? jemi ende vend origjine, por duhet dhe pak punë. Besoj se ky vit, them se do na nxjerrë përfundimisht nga tentativa, apo nxitja, apo përpjekja apo joshja për të mbjellë kanabis në vend të të mbjellurit? s?e di, një kulturë bujqësore që ndoshta s?prodhon aq lekë, po je shumë i sigurt, zhvillimin ekonomik e ke të sigurt për familjen tënde, etj.

Turjan Hyska: Ai është një diskutim tjetër?

Saimir Tahiri: Ju e shikoni një diskutim tjetër, por? Një herë ju duket diskutim shumë social i lidhur me krimin, pastaj ju duket diskutim shumë i gjerë lidhur me ekonominë për terrorizmin, tani për bujqësinë ju duket lidhur me kanabisin. Duhet ta kuptoni që krimi ka faktorë! Dhe njerëzit shkojnë te krimi kur këto gjërat e tjera nuk funksionojnë. Pra, duhet të shkojmë tek burimi, apo jo?

Turjan Hyska: Ju thatë më përpara se për ndërtimin e Byrosë do të rekrutohen njerëz të tjerë, do të skanohen, do kontrollohen familjarët. Më duket alla ?Hollywood?, më duket e bukur, shumë profesionale. Ndërkohë, ne e dimë që policët shqiptarë nuk janë të paguar mirë. Domethënë  është bërë punë me fasadën, vishen bukur, rrobat e ?Shqiponjave?. Besoj se akoma nuk janë aq të paguar sa mos të bëhen pre e? apo jeni i kënaqur?

Saimir Tahiri: Unë s?jam kurrë i kënaqur! Por s?ta pranoj ty të thuash që është bërë punë me fasadën.

Turjan Hyska: Nuk e kisha në sensin negativ.

Saimir Tahiri: E kam filluar që në muajin e parë të detyrës duke rritur rrogat e policisë. Dhe i kemi rritur rrogat e policisë me 80%, me 100% për gati 70% të policisë, pra për ata që punojnë në terren. Se mund të dija t?i rrisja rrogat e policisë në ?bllok?, por i binte që t?i rritej Drejtorit të Përgjithshëm të Policisë më shumë rroga, se sa punonjësit të policisë që është në terren. Ndërkohë zgjodhëm inversin, sepse ne besojmë që ai që është në rrugë, pra polici në rrugë është gjithmonë më i riskuar, ka vështirësi më të lartë në punë, duhet të trajtohet më mirë, dhe ndërkohë përveç kësaj u morëm me sigurimet shëndetësore të Forcave Speciale; kaluam ligj të veçantë në Parlament. Me ligjin e ri të policisë, caktuam pension suplementar dhe të veçantë për punonjësit e policisë. Këto s?janë fasada, këto janë garancia më e madhe për të qenë i lumtur në detyrë. Në qoftë se do të më pyesësh a jam unë i kënaqur me nivelin e pagës së punonjësve të policisë, jo! S?jam i kënaqur! Por sigurisht në qoftë se do të pyesësh vetë punonjësit e policisë patjetër që s?janë të kënaqur. Por kjo s?mund të bëhet edhe brenda një mandati qeverisës.

Turjan Hyska: Mendoni se është rikthyer respekti për uniformën?

Saimir Tahiri: Ma thoni ju këtë, si është?

Turjan Hyska: Jo, vetë policët! Sepse ne pak a shumë të gjithë njohim policë, dhe shprehen ?hajt mo, policët janë bishti i kavallit?! Tani, perceptimi aty, mes tyre? E ndiejnë respektin tani? Ministri është shumë i rëndësishëm në këtë pjesë!

Saimir Tahiri: Unë besoj se po, sepse tani nuk tradhtohen më nga shefat. Askush, nga unë i pari tek më i fundit, nuk ngre telefonin që t?i thotë ?lëre atë se është miku im??

Turjan Hyska: S?e keni bërë asnjëherë?

Saimir Tahiri: Kurrë! Për këtë ke prova të vazhdueshme, dhe shpresoj të mos ta provosh vetë! (qesh) Janë më mirë në raport me njëri-tjetri, janë më mirë në raport me institucionin. Ndihen më mirë kur policia ka suksese dhe kjo ndikon drejtpërdrejt në punën që bën çdo individ brenda policisë, pra ndikon në pritshmërinë që ke për veten, në pritshmërinë që ke për të gjithën, në raportin që ndërton me qytetarin nesër. Ka  arsye për të besuar që sot punonjësit e policisë janë më entuziastë për atë që bëjnë. Unë s?dua të abuzoj dhe të them që ?ja duket që janë entuziastë se shifrat flasin?? Këtë s?dua ta them, por që sigurisht ky është një komponent shumë i rëndësishëm i rezultatit. Pra fakti që policia punon, punon si ekip dhe ekipet funksionojnë, skuadra është aty, ndihen më konfidentë me eprorin, me vartësit sigurisht, me njëri tjetrin. Sukseset janë aty, njeri nuk i keqtrajton nga pikëpamja e besimit, kështu që besoj kanë arsye të ndihen më mirë! 

Turjan Hyska: Na ndajnë më pak se 20 ditë nga zgjedhjet. Për hir të së vërtetës, ?futja e dorës? së policisë në zgjedhje ka ardhur në reduktim. Akuzat e opozitës në vazhdimësi në kohët e fundit thonë që me anë të policisë kemi frikë, do na bëhet kjo, do na bëhet ajo? jemi gati të kemi një palë zgjedhje të rregullta? Përsa i përket policisë?

Saimir Tahiri: Jo, nuk ka akuza! Policia e Shtetit e ka fituar një standard të punës gjatë zgjedhjeve dhe është një standard i arrirë që nuk zhbëhet dot më, pra nuk ka më asnjë merak që policia mund të instrumentalizohet.

Turjan Hyska: Janë tashmë lehtësisht të menaxhueshme zgjedhjet?

Saimir Tahiri: Nga pikëpamja e infrastrukturës sigurisht që ka probleme, që KQZ-ja i di më mirë, lidhur me zona të caktuara. Por nga pikëpamja e garancisë, sigurisht janë më kollaj.

Turjan Hyska: Jeni në bashkëpunim me KQZ-në?

Saimir Tahiri: Po patjetër! Me KQZ-në, me partnerët në tërësi. Ne jemi shumë të angazhuar për të zhvilluar zgjedhje të lira e të ndershme e për të arritur standardin më të lartë të zgjedhjeve, sepse për ne realisht ka më shumë rëndësi procesi se sa rezultati. Domethënë, Shqipëria dhe shqiptarët përfitojnë më shumë nga zgjedhjet e lira dhe të ndershme, se sa nga fitorja e kujtdo, e cilado bashkie.

Turjan Hyska: Është policia jonë apolitike dhe profesionale në këtë pjesë? E ka arritur përfundimisht këtë standard?

Saimir Tahiri: Sjellja e policisë në raport me zgjedhjet sot është një standard i arrirë, e përsëris, dhe s?ka më kthim mbrapa, është e pamundur praktikisht. Është e tepërt fare të mendosh që policia mund të dalë jashtë misionit në zgjedhje, dhe sigurisht s?ka ndodhur as në zgjedhjet e kaluara. Me raste sporadike tek tuk, por qëndrime individuale të personave specifikë, por policia nuk del dot kurrë nga misioni për të futur duart në zgjedhje. Por ka detyrat e saj të përcaktuara ngushtësisht në kodin zgjedhor lidhur me menaxhimin e zgjedhjeve dhe me shmangien e çdo lloj incidenti.

Turjan Hyska: Ju thatë që po të ktheheshit pas do të bënit gjithçka keni bërë në punën tuaj si ministër. Cila është arritja më e madhe që pretendoni të bëni gjatë kësaj detyre? A ka një ?target? Saimir Tahiri? Policia ka dinamikën e vet, sepse fatkeqsisht ka krim në përditshmëri, se kjo është shoqëria, por ka diçka nqë të shenjojë periudhën ?Tahiri? në këtë Ministri? Ka një synim?

Saimir Tahiri: Sigurisht, që ka një synim. Unë dua shumë që  ta mbyllim mandatin me një polici më pak të korruptuar. Dhe vetëm gjatë vitit të kaluar janë 11% e punonjësve të policisë, pra janë rreth 1200 të arrestuar dhe të përjashtuar nga policia për korrupsion dhe abuzim me detyrën. Pra po zhvillojmë një proces të tërë për pastrimin e policisë nga abuzuesit e të korruptuarit e kështu me radhë. Shpresoj shumë që ta mbyllim mandatin me një polici më të qytetëruar, të ketë më shumë etikë në komunikimin me qytetarët, të japë shërbim më të shpejtë për qytetarët. Kjo e gjitha do të thotë besim më shumë nga publiku. E gjitha përkthehet në informacion më shumë, sepse publiku kur beson, edhe policia ndan më shumë informacion. Dhe do të thotë rritje të kapacitetit të policisë për t?i shkuar përpara krimit.

Turjan Hyska: Po diçka më të prekshme?

Saimir Tahiri: Kjo besoj është shumë e prekshme. Pastaj, unë them që më e mira ende s?ka ardhur. Në qoftë se do të isha i bindur që më të mirën e kam bërë, do të ishte vështirë të punoja, por më e mira ende s?ka ardhur.

Turjan Hyska: Shkojmë pak te zgjedhjet lokale. Si fillim, si po ju duket fushata?

Saimir Tahiri: Më vjen mirë që është një fushatë kryesisht pozitive, pra?

Turjan Hyska: Shumë e qetë është, ë?

Saimir Tahiri: Ju e quani të qetë, por unë e quaj pozitive. Në qoftë se s?do të ishte e qetë, do të ishte fushatë me sharje, me përlyerje kolektive, e kështu me radhë. Ajo s?do i shërbente publikut. Një analizë të fundit, do ishte më interesante për? ndoshta ne, për? ndoshta gazetarët, por s?do të ishte interesante për publikun. Është fushatë propozuese, pra ka më shumë programe, ka më shumë alternativa, ka më shumë propozime zhvillimore, plane. Tani kuptohet, mbetet pastaj te publiku për të ndarë kush nga këto vlen më shumë. Dhe kjo gjithsesi shërben për të ndërtuar pritshmërinë e qytetarëve në raport me ata që zgjedhin. Dhe për më tepër që janë zgjedhje vendore dhe këtu ka shumë rëndësi impakti i drejtpërdrejtë i atij që zgjidhet, i asaj që propozon, dhe asaj që do bëjë nesër në qeverisje. pra është një fushatë? ngado që ta marrësh është një fushatë shumë e çliruar nga negativiteti.

Turjan Hyska: Emri juaj është përfolur si një njeri që mund të ishte kandidati i së majtës për Bashkinë e Tiranës. Ka qenë në ambicie?

Saimir Tahiri: S?e kam dashur kurrë!

Turjan Hyska: Pse?

Saimir Tahiri: jam shumë i dhënë pas punës që bëj, dhe e besoj shumë këtë që bëj, kështu që s?më ka shkuar ndonjëherë ndërmend.

Turjan Hyska: Asnjëherë?!

Saimir Tahiri: Jo, asnjëherë!

Turjan Hyska: Nuk ka pasur asnjë moment që ju ka tunduar? Sepse ju e dini besoj që politikisht është goxha arritje për një politikan dhe çokush në zanatin e vet ka ambicie të ecë përpara.

Saimir Tahiri: Historiku i viteve të fundit ndoshta na ka bërë ta mbivlerësojmë politikisht.

Turjan Hyska: E keni fjalën për zotin Rama? Kur erdhi zoti Rama mori një peshë më të madhe politike?

Saimir Tahiri: Po, sepse zoti Rama pati pastaj pasimin dhe me kryetarin e Partisë Socialiste, zoti Basha po ashtu. Po në fakt, sipas meje kjo ka shkuar në kurriz të interesit të publikut, pra në kurriz të interesit të qytetarëve. Dhe unë besoj që Bashkia e Tiranës është mënyra më e mirë për t?i shërbyer njerëzve në qytet, siç unë bëj në Ministrinë e Punëve të Brendshme. Në qoftë se do e shihja me filtrin politik këtë që bëj, ndoshta shumë gjëra do i kisha vështirë t?i bëja; Lazaratin përfshirë, për shembull. Apo luftën kundër kanabisit, apo qoftë edhe respektimin e rregullave të qarkullimit rrugor, ku nuk ka qenë e rrallë të më binte telefoni për gjoba a për makina, a për historira. Pra unë besoj që duhet ta nisim nga zero, në kuptimin e njohjes së vlerave reale e fillestare të gjërave? edhe të bashkisë së Tiranës, qoftë edhe të qenit në ministri!

Turjan Hyska: Është mbivlerësuar posti nga ana politike? Këtë doni të thoni?

Saimir Tahiri: Sipas meje, po!

Turjan Hyska: Në garë, 2 emrat e fundit që u përfolën dhe që u artikuluan ishin zoti Klosi dhe zoti Veliaj. Ju jeni përmendur nga ata që përmendin fort zotin Klosi. U zhgënjyet që u zgjodh zoti Veliaj pastaj?

Saimir Tahiri: Po si pret që unë të merrem me përfoljet, nuk e kuptoj? S?mund ta presësh prej meje këtë.

Turjan Hyska: Ju e dini që vlon informacioni dhe thashethemi!

Saimir Tahiri: Partia Socialiste ka një kandidat?

Turjan Hyska: Ju e mbështesnit zotin Klosi, vetëm kaq!

Saimir Tahiri: Po më pyet për një gjë që s?ka sens as të përgjigjem, për sa kohë që brenda një familjeje është tërësisht legjitime të ndash mendime për çdo lloj vendimi!

Turjan Hyska: Jam dakord.

Saimir Tahiri: Ajo që është më e rëndësishme është se si e bën këtë, çfarë rregullash respekton për ta bërë këtë, se ka shumë rëndësi a ndjek dhe rregullat kur kundërshton. Dhe akoma më e rëndësishme, çfarë ndodh pas momentit kur merret një vendim. Dhe prandaj them që është më e rëndësishme të kuptojmë që sot të gjithë bashkë kemi një kandidat, që është Erioni. Kemi një program shumë të mirë për Tiranën. Erioni ka bërë një punë shumë të mirë për evidentimin e problemeve të Tiranës dhe kjo nuk është një gjë e vogël dhe e lehtë. Mos harrojmë që nuk di kur është hera e fundit kur kemi pasur një katalog të problemeve të Tiranës. pra, fletoren e problemeve në këtë qytet s?e kemi pasur ndonjëherë, dhe në këtë pikë Erioni dhe skuadra e vet kanë bërë një punë shumë të mirë. Dhe po përpunohen zgjidhjet, që është akoma më e rëndësishme.

Turjan Hyska: Sondazhet e ndryshme e tregonin zotin Veliaj jo me mbështetje të plotë, të koalicionit. Ishte goxha më poshtë se koalicioni. Është ky problem në bazë. Që ndoshta zotin Veliaj nuk e mbështet baza aq shumë sa për shembull zotin Majko, hipotetikisht si kandidat? Këto janë zëra që në gazetari artikulohen. Ju jeni kryetari i Partisë Socialiste të Tiranës?

Saimir Tahiri: Unë e kuptoj që formati i emisionit është dhe disi informal, por mos prit prej meje të merrem me thashetheme.

Turjan Hyska: E ka mbështetjen absolute zoti Veliaj të Partisë Socialiste?

Saimir Tahiri: Sipas meje do jetë një fitore me rezultat shumë të thellë.

Turjan Hyska: Vërtet?

Saimir Tahiri: Ma beso sepse, e kam jo perceptim abstrakt. Unë jam dhe kryetari i PS-së së Tiranës, merrem me strukturën dhe e ndiej dhe tempin e punës së njerëzve?

Turjan Hyska: Është po e njëjta energji si e 2013?

Saimir Tahiri: Po sigurisht, sigurisht! Dhe jo vetëm është e njëjta energji e 2013-ës, por unë besoj se sot kemi ça u themi shqiptarëve. Besoj kemi ça të flasim për reformën që kemi ndërmarrë, për rezultatet. Besoj kemi mundësi të flasim edhe për reformat që kanë pasur një kosto të natyrshme, pra të vetvetes, qoftë sociale, qoftë ekonomike. Por në analizë të fundit kemi ndërtuar themelet e të ekzistuarit me njëri-tjetrin në një vend që është shtëpia jonë e madhe, përtej pragut tonë të shtëpisë së përnatshme. Se natën s?do e harxhojmë bashkë!

Turjan Hyska: Ju jeni njohës i mirë i fushatave, keni bërë dhe fushata në Tiranë. Si po ju duket fushata e zotit Rama, e kryeministrit të vendit, i cili anatemon kundërshtarët, i quan ata të pavlefshëm, i quan zgjedhje e kotë, i quan harxhim kohe nëse votohet për ta, i këshillon gratë të mësojnë burrat të venë mend, pra si një baba kombi që i jep direktiva njerëzve që mos të votoni për ?ata? se ?ata? s?bëjnë, janë kot. A duket normale?

Saimir Tahiri: Përtej këtij përkthimi folklorik që bëre ti? Zoti Rama thotë një gjë që unë kam shumë bindje që e thua dhe ti. Unë nuk besoj që ty do të duhej një kryetar bashkie që bashkinë e përdor për politikë, jo për të bërë punë të interesit publik. Unë nuk besoj që ti do të doje të votoje për kryetar bashkie një njeri që të shitet vetëm me teserë partie.

Turjan Hyska: Nga e di zoti Rama këtë? Që ata s?e duan qytetin, por duan vetëm PD-në?

Saimir Tahiri: Do më lësh të flas? Pra, unë besoj që kjo që thotë Edi Rama është mënyra më e thjeshtë për të thënë që këto janë zgjedhjet për të votuar për problemet dhe zgjidhjen e problemeve tuaja. Pra këto s?janë zgjedhjet as për të votuar për partinë, as për të votuar për flamurin e as për teserën e partisë. Këto janë zgjedhjet për të votuar për njeriun që ti beson se do t?i zgjidhi këto probleme. Dhe sot kemi një praktikë? që është nuk ke si thua nuk është, dhe hajde po e fshehim. Dhe as për korrektesë politike ndoshta s?duhet ta fshehim të vërtetën. Tani, si të themi që Kryetari i Bashkisë së Tiranës, ky që është dhe sot?

Turjan Hyska: Por vetë e thatë që ka marrë tjetër valencë e tjetër fuqi Tirana.

Saimir Tahiri: Po prit more se e harron që sot ka një kryetar bashkie në detyrë. E kemi harruar thuajse. Sot të gjithë merremi me zgjedhjet dhe kemi harruar që është një kryetar bashkie në detyrë! Kur është hera e fundit që ti e mban mend Lul Bashën si kryetar bashkie?

Turjan Hyska: Po kështu thuhej edhe për zotin Rama në zgjedhjet lokale!

Saimir Tahiri: E çfarë do të thotë kjo? Është argument ky? Përkundrazi! Ky po shton argumentin tim! Pra, mirë që nuk e mbaj mend herën e fundit që Lulzim Basha është shfaqur si kryetar bashkie, por si mund të thonë sot që do ulim taksat?! Epo t?i ulin taksat! E kanë Bashkinë, t?i ulin taksat! Si mund të thonë që bëmë vetëm vizionin e tramvait? Po prit mo, 4 vjet për të bërë vetëm vizionin e tramvait?! Si mund të thonë që do ndreqin tregjet kur shiten fruta-perime. Po pse s?i bënë? Ose fundja, ta bëjnë, s?ka rëndësi! Janë në detyrë mo akoma, ta bëjnë!

Turjan Hyska: S?na lë qeveria qëndrore thonë!

Saimir Tahiri: Këto janë përralla! Ka ca gjëra; që ne duhet t?i drejtojmë gishtin pa pasur frikë se po dalim përtej kornizës politike. Po mirë, hajde dalim përtej kornizës politike, me paktin që të shkojmë te interesi më i madh i qytetarëve. Dhe te interesi më i madh i qytetarëve shkojmë atëherë kur të paktën biem dakord të flasim për problemet e tyre dhe të zgjidhim problemet e tyre. Dhe këtë thotë, edhe në mënyrën ndoshta jo aq folklorike sa e thatë ju, Kryeministri në takime elektorale ne Tiranë apo nëpër rrethe. Duke i bërë me dije qytetarët që këto janë zgjedhjet kur ti voton për shtëpinë, për veten tënde, për zhvillimin urban, kur ti voton për kopshtin, për çerdhen e fëmijës, për shkollat e sistemin arsimor, për sigurinë në rrugë. E dini ju që Bashkia e Tiranës ka rreth 400 policë bashkiakë? E pyet veten se ça bëjnë këta njerëz? E pyet veten se kush është detyra e fundit që kanë bërë këta, që ti i ke parë në rrugë të bëjnë një detyrë?

Turjan Hyska: Të bllokojnë makinën...

Saimir Tahiri: As atë s?e bëjnë më! As atë nuk e bëjnë më! Jo më të pastrojnë trotuaret, në kuptimin nga paligjshmëritë, e kështu me radhë. S?bëjnë më! Bashkia e Tiranës ka Inspektoriatin Ndërtimor Vendor, që është një mini-polici ndërtimore. Këtij Inspektorati Ndërtimor që duhet të luftojë ndërtimet e paligjshme i mbahet mend Florenc Hoxha. Një biçim gangsteri atje që del në lajme vetëm për sherr me thikë, zihet me njerëzit, përfundon në spital, çon njerëz në spital, nxjerr njerëz nga zyrat e Bashkisë me shkelma. Po ç?është ky zyrtar në Bashkinë e Tiranës që lajm bën vetëm kur del në kronikën e zezë?! Dhe nuk bën një punë për publikun! As ndërtimet pa leje, as punën që e kanë deleguar qytetarët, dhe kryetari i Bashkisë, ky që është kaq i dhënë pas dekriminalizimit të zyrtarëve të lartë e kështu me radhë, e ka aty, në paradhomën e zyrës së tij! Dhe unë, një njeri, një polic, një bashkëpunëtorin tim që plagos me thikë një njeri në ushtrim detyre ose jo, s?ka si punon më me mua! Përse Lulzim Basha e mban në punë? Janë këto dhe një sërë gjërash të tjera, për mos të të thënë për degradimin e Tiranës. Më thuaj kur mban mend punën e fundit që ka bërë Lulzim Basha? Të duhen 5 minuta të gjesh të fundit!

Turjan Hyska: Unë s?monitoroj përditë punën e zotit Basha!

Saimir Tahiri: Po si s?monitoron? Monitoron jetesën tënde, qytetin tënd

Turjan Hyska: Gjithsesi këto i takojnë atij të japë përgjigje. Nuk e kemi këtu, kështu që s?është etike!

Saimir Tahiri: Po pse s?qenka etike? Unë s?po e gjykoj për jetën personale. Unë po e gjykoj për punën publike! Dhe madje duhet ta gjykojnë të gjithë, si s?qenka etike kjo?

Turjan Hyska: Kur ta kemi zotin Basha do ia bëj unë këto pyetje!

Saimir Tahiri: Po s?dua mo ta kem fare! Nuk dua ta kem. Po e diskutojmë bashkë, se ne po diskutojmë për qytetin tonë, apo jo? Dhe për qytetin tonë na lejohet ta diskutojmë kur s?është Lul Basha këtu! Prandaj po të them që në këtë kuadër edhe qytetari më i painteresuar kupton që nuk e mban mend kur ka bërë një punë ky njeri, si kryetar bashkie. Ja mendohu ti, nuk e gjen një punë që ka bërë. Të më thuash një punë. Ore që të ketë bërë një rrugë a, një shkollë a një kopsht?

Turjan Hyska: Ka bërë rrugën tek ?Selvia?, e ka bërë shumë të bukur. Është shtruar e gjitha, janë hequr dhe telat sipër?

Saimir Tahiri: Unë fola 5 minuta, mezi e gjete dhe s?e gjete tamam! Se jam shumë i sigurt që s?po më dëgjoje mua, po po mendoheshe!

Turjan Hyska: Edhe opozita thotë për ju që s?keni bërë asnjë punë në Ministri, që policia është më keq se ç?ka qenë, kështu që?

Saimir Tahiri: Nuk ka rëndësi! Nuk ka rëndësi se çfarë thotë opozita për ne, apo se ç?themi ne për opozitën. Ka rëndësi se cili nga ne thotë të vërtetën publike!
Turjan Hyska: E vendos publiku me votë pastaj, se kush gënjen nga të dyja palët.

Saimir Tahiri: Po sigurisht. Po të ishte kështu pyetjes tënde do i bija shkurt unë! Të thoja s?po e diskutojmë, por presim 21 qershorin!

Turjan Hyska: Dalim në disa pyetje më intime: Kur ka qenë momenti më i vështirë juaji, ndoshta personal në gjithë këtë rrugëtim 2-vjeçar? Që mund të ketë qenë dobësi për diçka shumë herë më të vogël. Kur ka qenë momenti më i vështirë i Saimirit njeri në punë?

Saimir Tahiri: Tani, të them që nuk ka pasur, s?e them dot. Po sigurisht që ka pasur. Ka momente emocionale njeriu që lëshohet, i duhet një njeri konfident. Por nuk kujtohem jo pse nuk i vlerësoj ato momente, por sepse unë them që njeriu duhet të ketë fuqinë të shkojë përtej atyre momenteve për të rekuperuar ç?ka lënë rrugës dhe për të vazhduar para.

Turjan Hyska: Dolët natyrshëm te pyetja tjetër. Kush është njeriu që ju i konfidoheni? Kush është njeriu që në momentet e mërzitshme, është njeriu që gjithmonë ju jep adrenalinën e duhur për t?u rikthyer. Dhe një Ministër i Brendshëm nuk mund të ketë shumë ?shokë?, sepse ka një pozicion të veçantë.

Saimir Tahiri: Ka ca gjëra të detyrës që? s?kam asnjë shok!

Turjan Hyska: Kush është njeriu më konfident, njeriu më i afërt, përveç bashkëshortes?

Saimir Tahiri: Nuk besoj që ka njeri që s?ka një njeri ? s?po them të dashur, por të afërt emocionalisht, që konfidohet, që gjen mbështetje në momente vështirësie, qofshin këto personale, qofshin këto të punës së përditshme. Kështu që në qoftë se më pyet për emrin, mund të të jap targën?

Turjan Hyska: Mërziteni për faktin që nuk kaloni shumë kohë me djalin për hir të punës intensive, të ngarkuar që nuk njeh orar, nga e hëna në të diel? Duke ditur dhe sensin tuaj të protagonizmit, se ju kaloni shumë kohë në Ministri, e kam këtë informacion. Punoni apo jo s?e di, por që kaloni kohë, po!

Saimir Tahiri: Unë kaloj shumë kohë në punë, jo në Ministri! Është ndryshe? Mërzitem që nuk jam dot aq i lumtur sa duhet të jem, duke e parë atë duke u rritur, pra është një mërzitje brenda të qenit i lumtur.

Turjan Hyska: Disa herë ju kam parë që ju ecni natën. Ecni vetëm dhe nuk kam parë as truproja. Ç?është ky ritual? Shumë njerëz nuk e dinë këtë fakt dhe nuk e presin!

Saimir Tahiri: Shkoj në këmbë nga zyra në shtëpi.

Turjan Hyska: Shtëpia juaj është goxha larg nga zyra. Përse e bëni këtë ritual? Është qetësues, relaksues?

Saimir Tahiri: Jo, harxhoj kohë përtej kohës normale i ulur në takime dhe përpiqem të rikuperoj natën. Dal vonë nga zyra dhe eci. Pyetja nuk është pse dal unë aq vonë, por ti ç?bën aq vonë?

Turjan Hyska: Edhe ne punojmë vonë! Bashkëshortja e mirëkupton gjithë këtë stres, gjithë këtë presion, gjithë këtë angazhim?

Saimir Tahiri: Po po, sigurisht! në të kaluarën ka pasur vështirësi, por tani i mirëkupton, sigurisht! Dhe po kështu prindërit, dhe po kështu miqtë e mi, të afërmit, të cilëve të gjithëve u kam ngrënë nga mundësia për të ndenjur dhe me shumë gjasa, tani u dukem më pak njeri se i dukesha deri përpara se të merrja detyrën. Po unë në fakt gjithmonë shumë kam punuar edhe në opozitë. Me orë të gjata? E nxirrja punën edhe kur kishte motiv të ishte qetë, kur kishte motiv të ishte ?pa punë?! Unë besoj që ka gjithmonë vend për të nxjerrë nga një punë, po ta kërkosh.

Turjan Hyska: Si e kaloni kohën e lirë? A ka ministri kohë të lirë dhe çfarë i pëlqen të bëjë në momente kur do ta shkëpusë gjithçka, të ?fikë automatin??

Saimir Tahiri: Kjo mund të ndodhë dhe në zyrë. Mund të ndodhë edhe të mbledh dhe ekipin e të mundohem t?i përfshij të gjithë në një moment që s?ka të bëjë me punën. Mund të ndodhë dhe vetëm. Mund të ndodhë dhe me konfidentin (qesh). Se nesër mund të dalë titulli se kush është ?konfidenti?!
Turjan Hyska: Përse nuk na e thoni? Të bëjmë lajm!

Saimir Tahiri: Mund të jetë edhe? Por zakonisht mundohem të rikuperoj me lëvizjen, me futboll pak me miqtë, në mënyrë periodike.

 Turjan Hyska: Nuk ka hobi të tjera domethënë. Po muzikë? Jeni i lidhur shumë me muzikën italiane? e vërtetë është? Çfarë muzike dëgjon? Ke muzikë në lap-top, apo në celular?

Saimir Tahiri: Jo, më pëlqen muzika në tërësi. Jo jo, nuk kam!

Turjan Hyska: Mos më thoni që jeni tipiku i ministrit që ka vetëm çështje pune në celular!

Saimir Tahiri: Jo, s?kam si të kem muzikë në celular, ta shkarkoj? Në punë zakonisht dëgjoj muzikë. Pra kur jam që punoj vetë? Dëgjoj çdo lloj muzike që ka melodi. Ndodh shumë shpesh muzikë klasike.
Turjan Hyska: Çfarë do të ishte Saimir Tahiri nëse nuk do të ishte politikan?

Saimir Tahiri: Atë për të cilën u shkollova; jurist. Kam pasur shumë dëshirë të isha? Domethënë në ëndrrat e hershme oficer marine. Deri diku lundrimin e kam pasur gjithmonë qejf. Por? jurist! Jurist do të isha.
Turjan Hyska: Cila është marrëdhënia juaj aktuale me Edi Ramën? Jeni ndër ministrat që ai gjithmonë i ka qëndruar fort në krah, në të gjitha momentet kur ke pasur vështirësi, apo kur opozita ka sulmuar shumë!

Saimir Tahiri: Siç janë dhe ministrat që i kanë qëndruar? (qesh). Kam marrëdhënie, sigurisht Ministër me Kryeministër. kam marrëdhënie politike të partisë. Kam marrëdhënie miqësore, Saimiri me Edin? Ne u bëmë shumë kohë që njihemi tani, dhe sigurisht ka shumë për të ndarë me njëri-tjetrin ndërkohë që dita të ngarkon dhe prioritetet qeverisëse. Puna të ngarkon? Marrëdhënie normale ndërmjet dy bashkëpunëtorësh.

Turjan Hyska: Tek familja, ju përmendët edhe ?prindërit e mi e kanë kuptuar tani?; në njëfarë mënyre, u bënë persona publikë pa pasur dëshirë. Dua të merrem pak me marrëdhënien me nënën. E ka vuajtur gjithë situatën dhe si arrite ta qetësosh? The që tani keni arritur në një lloj paqeje, dhe me bashkëshorten, dhe me pjesën tjetër të familjes.

Saimir Tahiri: Ime më dhe im atë janë të dy shumë të fortë. Për hir të së vërtetës jam munduar t?i qetësoj, por janë të dy shumë të fortë. Kjo për prindërit në përgjithësi thuhet gjithmonë, por unë jam shumë i lumtur që i kam!

Lajmet e fundit nga