LEXO PA REKLAMA!

SHKARKO APP

Deklarata e fortë e Artan Hoxhës për 21 Janarin/ “Ajo protestë mbahet mend prej 4 dëshmorëve”

21 Janar 2022, 13:09, Aktualitet CNA

Gazetari investigativ, Artan Hoxha ka kujtuar sot dëshmorët e 21 Janarit, të cilët mbetën të vrarë në protestë. I ftuar në studion e Abc news, Hoxha është shprehur se ky ishte 21 Janari më i vakët pasi në 10 vjetor kishte zë dhe kërkohej drejtësi për viktimat. Sipas Hoxhës kjo protestë nuk do të mbahej mend nëse nuk do të kishte ato dëshmorë.

?Katër protestuesit e vrarë me 21 janar të 2011 janë të vetmit dëshmorë në atë bulevard. Pllakat që janë të vendosura në atë bulevard që kujtojnë të rënët e 21 janarit janë simbol i vrasjes së katër njerëz të pafajshëm që për shkak të pushtetit të kohës nuk ishin as aktiv në protestë mes personave që përdorën molotov, shkopinj e gurë por ishin jo aktivë. U vranë katër njerëz që dhe ti kishin zgjedhur me dore nuk do të kishin gjetur një shtrirje të tillë gjeografike. Viktimat ishin Zyber Veizi nga Gjirokastra, Hekuran Deda  nga Dibra, Faik Myrtaj nga Fieri dhe Aleks Nika nga Lezha.

Sikur ish kryeministri ka dashur të bëhet hasëm me gjithë Shqipërinë, ishin persona që nuk ishin aktivë në protestë dhe nuk ishin as në rreshtin e parë dhe as të dytë, vrasja e tyre është bërë në momentin që protesta po shuhej. Kur kishte shumë të plagosur dhe në prag të errësirës duke menduar se protesta do të ishte dhe më e vështirë për tu menaxhuar ishte ndoshta një shkak. Kryeministri i kohës duket se ka dashur që të futet në hasëm.Ky është 21 janari më i vakt, pasi në 10 vjetorin kishte zë dhe kërkohej drejtësi për ato viktima, por ceremonia e bërë sot nuk është më mungesë respekti ndaj të vrari për ato qytetarë, por ato janë vrarë në mes të ditës në sy të të gjithë shqiptarëve në sy të botës. Nëse ajo protestë nuk do të kishte ato dëshmorë nuk do të mbahej mend sot, siç nuk janë mbajtur mend protestat e tjera të dhunshme pasi në ?98 ajo godinë është sulmuar me anti tank?, tha Artan Hoxha./ CNA.al

Lajmet e fundit nga