Shqipëria nuk ka arritur pikun e e infektimeve në valën e Omicron/ Thirrja e ekspertëve

20 Janar 2022, 14:31, Lifestyle CNA
Shqipëria nuk ka arritur pikun e e infektimeve në valën e

Ekspertët bëjnë me dije se Shqiëpria ende nuk ka arritur pikun e infektimeve në valën e Omicron. Sipas tyre do të kemi shtim të rasteve të reja ditët në vijim, edhe pse kjo valë do të jetë më e shkurtër se ato që kemi kaluar në fillim të pandemisë.

Shefi i Urgjenvcës Kombëtare, Skënder Brataj, për A2CNN, thotë se këtë periudhë numri i të infektuarve është disa herë më i lartë sesa shifrat zyrtare. Kreu i Urgjencës bën thirrje për kujdes dhe izolim.

Këtë periudhë janë rritur urgjencat drejt spitaleve Covid, 41 pacientë të shtruar vetëm 24 orët e fundit. Megjithatë, mjekët po konstatojnë se edhe koha e qëndrimit në pavijon është më e shkurtër.

Kreu i Urgjencës thekson se më lehtë po e kalojnë këtë variant ata që janë të vaksinuar. Sipas ekspertëve, infektimit nga Omicron vështirë se mund t?i shpëtojë njeri. Për ta kaluar lehtë dhe pa komplikacione, ata i bëjnë thirrje popullatës së pavaksinur për të marrë dozat anti-Covid./ CNA.al

Lajmet e fundit nga