LEXO PA REKLAMA!

SHKARKO APP

App Store
Google Play

Berisha drejt themelimit të një partie të re?/ Spaho tregon lëvizjen e radhës

12 Janar 2022, 13:36, Politikë CNA
Berisha drejt themelimit të një partie të re?/ Spaho tregon

Deputeti dhe ish-nënkryetari i PD, Edmond Spaho ka hedhur poshtë pretendimet që ish-kryeministri Sali Berisha dhe mbështetësit e tij do të krijojnë një parti të re.

Edmond Spaho ka folur për emisionin Breaking, duke dhënë dhe detaje të tjera të lëvizjes për rithemelimin e PD.

“Nuk kemi ndërmend as të krijojmë as grup parlamentar asgjë, e as parti të re. Do të punojmë të krijojmë një lëvizje të re opozite. Edhe godinën e PD e blindoi ia kaloi si institucion qeveritar Edi Ramës. Çfarë lideri opozite është ai“, tha Spaho.

Sa i përket shkarkimit të tij, Spaho u shpreh se ai vendim është nul dhe nuk ka asnjë vlerë.

” Ai vendim është nul, sepse ajo kryesi nuk ekziston, që u krijua në korrik ishte në mënyrë jo ligjore, kjo edhe me statutin e Lulzim Bashës, pa votim, në një kohë që statuti kërkon që të zgjidhen me votim me kandidatura alternative, ajo kryesi së bashku me kreun PD është shkarkuar“, theksoi Spaho në Breaking.

Por a do të shkojnë sërish në selinë e PD-së? Kësaj pyetjeje, Spaho e la evazive, duke theksuar se do të jenë anëtarët e PD-së që do ta vendosin një gjë të tillë.

“Ai do të jetë vullneti i demokratëve dhe do të përdoren të gjitha forcat paqësore, godina nuk është as Lul Bashës dhe Sali Berishës, është e demokratëve, e aq më tepër ta kthejë në një fortesë të blinduar. Keni parë ju seli të blindohet, një seli opozite“, tha Spaho.

Lajmet e fundit nga