web counter
LEXO PA REKLAMA!

SHKARKO APP

App Store
Google Play

U rikthye me gol, Leao: Dua t’i jap titullin Milanit

7 Janar 2022, 08:15, Sport CNA

Gjashtë gola në kampionat dhe një në Champions. Rafael Leao është vetëm një rrjetë larg rekordit të vitit të kaluar, por ka gjysmë sezoni përpara për të përditësuar statistikat e tij. Portugezi ka komentuar rikthimin dhe fitoren e Milanit e cila u vu në kasafortë pikërisht nga rrjeta e tij në minutën e 82-të.

Fitore e rëndësishme, sidomos duke parë mungesat?

Patjetër. Ishim në vështirësi, por jemi Milani dhe në grup ka lojtarë me shumë cilësia. Na mungojnë shumë shokë për shkak të COVID-it, megjithatë treguam se çfarë skuadre jemi.

Rikthimi juaj përkoi me golin e sigurisë. Si ndiheni?

Jam i lumtur sepse ndihmova ekipin. Të gjithë bënë një punë të jashtëzakonshme duke siguruar këto tri pikë. Jam i kënaqur për suksesin dhe për golin tim.

Përse kur hytë në fushë, qëndronit aq pranë vijës anësore?

Trajneri më tha të luaja aty e të tentoja të dribloja Karsdorpin që do të kishte vështirësi sepse ishte i lodhur dhe sepse i njeh cilësitë e mia në lojën një kundër një.

Sa rëndësi kanë këto tri pikë për ecurinë tuaj?

Sot u treguam të gjithëve që edhe lojtarët e stolit mund të luajnë dhe të bëjnë diferencën. Ky është një sinjal i rëndësishëm dhe na jep besim. Ta nisësh vitin me një fitore është diçka e mirë dhe duhet të vazhdojmë në këtë rruge.

A ka ende mundësi Milani që të shpallet kampion?

Është shumë herët për të folur për titullin kampion, megjithatë do të mundohemi të bëjmë sa më mirë në çdo ndeshje. Sezoni është ende i gjatë e gjithçka mund të ndodhë. Në besojmë dhe do të punojmë për qëllimet tona.

Me golat tuaj do të jetë edhe më e lehtë ndoshta?

Unë shënova dhe u mundova të ndihmoj skuadrën. Qëllimi ishte të merrnim tri pikët dhe të vazhdojmë ecurinë për kreun në kampionat.





Lajmet e fundit nga