Pse Bitcoin është më i mirë se ari për transport parash sipas ekspertit

4 Janar 2022, 20:59, Aktualitet CNA
Pse Bitcoin është më i mirë se ari për transport parash

Eni Shtini, sipërmarrës në tregun e kriptoaseteve dhe kordinator projektesh tek AADF thotë se ?nuk ka një ndryshim të madh mes kriptomonedhave dhe stoqeve të kompanive ndërkombëtare siç janë Netflix, Amazon apo Apple?.

?Secila kriptomonedhë prezanton një kompani, një projekt, një grup njerëzish të cilët kanë si objektiv x gjë. Në rastin e Etherium, është një kriptoaset ku mund të krijohen aplikacione të decentralizuara. Kurse Bitcoin është një para digjitale, i cili ruhet në mënyrën e duhur është i pakonfiskueshëm dhe i pandryshueshëm nga askush dhe këtu është vlera kryesore e Bitcoin?, tha Shtini.

Ai tha se krahasim i Bitcoin me arin është për shkak se synon të jetë një para që nuk e humbet vlerën dhe është i pacenueshëm. Sipas tij, Bitcoin ka avantazh pasi mund të transferohet ndryshe nga ari.

Shtini tha se përmes Bitcoin nuk mund të kryhet pastrim parash, por vetëm transportim.

?Paraja nuk pastrohet me Bitcoin, paraja transportohet me Bitcoin. Është një nga mënyrat ku Bitcoin është më i mirë se ari, transportimi?, tha Shtini.

Eni Shtini mori rastin e El Salvadorit që e ka legalizuar Bitcoin si para zyrtare ku tha se një nga përfitimet më të mëdha që i ka sjellë këtij vendi është heqja e komisioneve për remitancat që dërgojnë emigrantët në vendin e tyre.

Sipas tij hapat për të legalizuar monedhat digjitale është një zhvillim pozitiv për Shqipërinë pasi do t?i krijoi mundësi të reja.

?Nuk jemi të nxituar por fakti që ende nuk ka akte nënligjore tregon se ka një pasiguri?, tha Shtini.

Ndonëse Bitcoin është krijuar që në 2008, ka njohur rritje të popullaritetit sidomos gjata pandemisë.

Çmimi i Bitcoin tha Shtini vendoset nga tregu i lirë, pasi në një moment investitorët kryesorë shesin aksionet e tyre do të kishim rënie të çmimit.

Kjo monedhë është e limituar në 21 milionë copë dhe nuk mund të rritet më shumë.

Sipas tij deri në vitin 2140 do të përfundoi prodhimi i monedhave Bitcoin përmes mining.

Nga 21 milionë, 3.5 milionë janë likuide përmes exchange kurse 7 milionë janë të pa prekur që prej vitit 2008./euronews

Lajmet e fundit nga