E fundit!

10:35 Aktualitet

Lëkundje tërmeti në Shqipëri

Lëkundje tërmeti janë ndier në Shqipëri. Sipas të dhënave ...

Kritikat ndaj Festivalit të Këngës në RTSH/ Aktivistja del me reagimin e fortë

30 Dhjetor 2021, 18:57, Kulturë CNA

Kritikat ndaj Festivalit të Këngës në RTSH/ Aktivistja del

Ronela Hajati është shpallur fituese e Festivalit të 60-të Këngës, duke marrë të drejtën e përfaqësimit të Shqipërisë në ?Eurosong 2022? në Torino, Itali.

Ndërsa në rrjet kanë shpërthyer një lumë komentesh, ku qytetarët shprehin revoltën e tyre se ?Sekreti? nuk është një këngë e denjë për Eurovizion.

Lidhur me këtë ka reaguar dhe aktivistja Elona Caslli, e cila duke bërë një rezyme të ngjarjeve që ndodhin në këtë vend, thekson se nuk ka pse të habitemi me këngën fituese e cila sipas saj është thjesht një kolonë zanore.

“Kënga fituese e festivalit është thjesht një kolonë zanore

Shoh një reagim të dendur në rrjet mbi këngën fituese në festival. Ajo çka më habit është habia e shprehur në statuse.

Në një vend ku gjatë tetë viteve janë larguar 500.000 shqiptarë, është kullëzuar një kryeqytet, është shkatërruar Teatri Kombëtar në të gdhirë, janë nxjerrë familje nga shtëpitë me gaz në të gdhirë, janë burgosur dhe vetësakrifikuar njerëz vetëm se nuk paguanin dot një faturë drite, është vrarë një i ri vetëm se theu orën policore, është deformuar vullneti i shqiptarëve në zgjedhjet e 25 prillit me bekimin e ambasadores Yuri Kim, paguhen 20 këshilltarë për kryebashkiakun me taksat tona, ndonëse nuk e këshillojnë për asgjë, por ndonjëherë futen edhe në Big Brother për të edukuar keq rininë, rrjedhin të dhënat personale të një populli dhe kryeministri e trajton ngjarjen si rast të izoluar, paguhen miliona lekë për analistët që helmojnë opinionin publik, prodhohen disa formate televizive si Love Story, Big Brother, Përputhen, ku aktivistet e të drejtave të grave që dikur ishin gati edhe të zhvisheshin në mes të sheshit për gratë e dhunuara, japin opinione në emisione ku gruaja trajtohet si kavje.

Pas këtij procesi, si mund të prodhohet një këngë e denjë fituese?!

Kënga i dashur shqiptar është thjesht kolona zanore e ngjarjeve që kanë ndodhur dhe asgjë më shumë. Për sa kohë nuk je revoltuar kurrë për asnjë ngjarje në këtë vend, mos u revolto për kolonën zanore të këtyre ngjarjeve. Revolta është e drejtë e çdo individi, por është mirë gjykohet shkaku dhe jo pasoja.”/E.T-CNA.al