LEXO PA REKLAMA!

SHKARKO APP

Aeroporti i Vlorës nis zyrtarisht punimet/ Rama tregon sfidat, nuk kursen as batutat

28 Nëntor 2021, 10:29, Politikë CNA
Aeroporti i Vlorës nis zyrtarisht punimet/ Rama tregon sfidat, nuk kursen

Sot kanë nisur zyrtarisht punimet për ndërtimin e Aeroportit Ndërkombëtar të Vlorës.

Të pranishëm në ceremoni janë Kryeministri Rama, ministrja Balluku si dhe ndërtuesi Behgjet Pacolli.

Nisja e punimeve është menduar që në mënyrë simbolike të nisin në përvjetorin e shpalljes së Pavarësisë, në qytetin e Flamurit në Vlorë.

Ndërkohë, kryeministri Edi Rama gjatë fjalës së tij tregoi sfidat dhe vështirësitë që janë hasur për të arritur deri në këtë pikë, përfshirë këtu edhe pandeminë.

Po ashtu Rama nuk kurseu as batutat, ndërsa theksoi se ?mu desh të përballoj edhe faturimin e vlonjatëve?.

?Vlora ka historinë e saj për sa i përket transportit ajror, është krijuar shkolla e parë e aviacionit dhe këtu ku jemi ne, është ndërtuar edhe aerodromi që përdorej për arsye ushatrake. Mbi këtë gjurmë, ne sot nisim një histori të re së bashku me një mik të mirë, një ndër më të shquarit në sipërmarrjen kombëtare.

Një personalitet që më veprat e tij e ka çuar emrin në shumë vende të botës dhe çmohet prej shumë popujve dhe njerzve për veprat e tij. Njeriun që unë kam nderin ta konsideroj mikun tim dhe unë e falenderoj që përfshihet në këtë aventurë të përbashkët. Për të ardhur në këtë pikë ka qenë e vështirë dhe për dreq qëlloi që është një punë në Vlorë dhe mu desh të përballoj faturimin e Vlonjatëve.

Nuk ishte e thënë që procesi të shkonte fjollë. U nis dhe u pengua disa herë për gjëra që nuk kishin të bënin me ne, sepse vepra të mëdha publike kanë pengesa.

E për dreq na goditi edhe pandemia. Por më në fundm u bë e mundur që të gjendet forca e duhur për të çuar para këtë projekt të madh.?-tha Rama./CNA.al

Lajmet e fundit nga