LEXO PA REKLAMA!

SHKARKO APP

“LSI-së iu mohua mandati në Durrës”/ Kryemadhi zbulon marrëveshjen e fshehtë mes qeverisë dhe opozitës

27 Nëntor 2021, 19:29, Politikë CNA
“LSI-së iu mohua mandati në Durrës”/ Kryemadhi zbulon

Kryetarja e LSI-së, Monika Kryemadhi, nga Durrësi ku zhvilloi një takim me ekipin e saj, tha se forcës së saj politike iu mohua një mandat në këtë qark prej marrëveshjes së fshehtë mes qeverisë dhe shtojcës së saj në radhët e opozitës së bashkuar.

?Kjo është bërë e dukshme para, gjatë votimit, si dhe në çdo tavolinë të numërimit, ku interesi primar i bandës së inceneratorëve qeveri-opozitë, ishte mandati i kryeministrit në Durrës dhe vijimi i mandatit qeverisës?, shprehet ajo.

“Rikthehem me kënaqësi në takim me ekipin e Durrësit, pas një analize të plotë që kemi zhvilluar, mbi arsyet dhe pasojat e masakrës zgjedhore të 25 Prillit.

Mandati i përfaqësimit në Kuvend, edhe pse ishte shprehur qartë nga qytetarët në kutitë e votimit, i?u mohua LSI-së në Durrës prej marrëveshjes së fshehtë të bashkëpunimit, që ekzistonte mes qeverisë dhe shtojcës së saj në radhët e opozitës së bashkuar.

Kjo është bërë e dukshme para, gjatë votimit, si dhe në çdo tavolinë të numërimit, ku interesi primar i bandës së inceneratorëve qeveri-opozitë, ishte mandati i kryeministrit në Durrës dhe vijimi i mandatit qeverisës.

Ne po ringrihemi më të fortë dhe të vendosur, e bashkë me qytetarët durrsak, me gratë, vajzat dhe të rinjtë energjik, do të përfaqësojmë siç duhet interesat e çdo banori të këtij qyteti të mrekullueshëm. Misioni për shtëpinë tonë të përbashkët, vijon dhe rëndësia e tij është sot më i madh se kurrë.”/CNA.al

 

Lajmet e fundit nga