LEXO PA REKLAMA!

SHKARKO APP

Situata ekonomike në vend/ Berisha i numëron dështimet Ramës

25 Nëntor 2021, 16:32, Politikë CNA
Situata ekonomike në vend/ Berisha i numëron dështimet Ramës

Ish kryeministri Sali Berisha gjatë Foltores që po mban me demokratët në Kuçovë, teksa ka folur për situatën politike në vend, i ka numëruar kryeministrit Edi Rama të gjitha dështimet gjatë tetë viteve të drejtimit të qeverisë.

Berisha në fjalën e tij deklaroi se shqiptarët janë përballur këto vite me rritjen më të madhe të produkteve ushqimore në rajon dhe me rrogën më të ulët. Sipas tij, edhe ccmimi i naftës dhe benzinës kanë përsuar një rritje shumë të madhe, duke hequr një paralele me Zvicrën.

?Në tetë vite Rama arriti të ulë rrogat përmes inflacionit. Sot kanë një rrogë mesatare 30% më të ulët se sa në Kosovë. Sot Shqipëria është vendi i çmimeve më të larta në rajon, por në disa artikuj tejkalon çdo vend tjetër.

Benzina dhe nafta kanë të njëjtin ccmim me Zvicrën, paçka se Zvicra ka të ardhurat më të larta në botë. Në tetë vite, rrënim dhe gjobë u bënë ligji i këtij vendi. Shqipëria zë vendin e dytë për rryshfetin. Për ccdo të drejtë duhet të paguani qeveritarët e korruptuar sepse nuk fitoni të drejtat tuaja. Qytetarët shqiptarë paguajnë për studimet e larta më shumë.

Në tetë vite qytetarët shqiptarë përjetuan një terror, duke u arrestuar për mos pagimin e ujit dhe dritave. Këtë e bëri një njeri shpirtzi, i cili dilte para qytetarëve me hekur të zi në dorë.

Në këto tetë vite çdo qytetar shqiptar është zhytur në borxh?, tha Berisha./CNA.al

Lajmet e fundit nga