LEXO PA REKLAMA!

SHKARKO APP

App Store
Google Play

Zhan Viktor: Skënderbeu nuk ka frikë asnjë kundërshtar

13 Nëntor 2021, 12:50, Sport CNA
Zhan Viktor: Skënderbeu nuk ka frikë asnjë kundërshtar

Skënderbeu vijon nga Korça përgatitjet për ndeshjen e radhës ndaj Teutës për të siguruar vijimësinë e rezultateve pozitive dhe për të kaluar momentin e keq që e la në fund te renditjes. Fitorja ndaj Kukësit ishte drita në fund të tunelit dhe këtë e pranojnë të gjithë në kampin bardhekuq, madje edhe braziliani i mesfushës Zhan Viktor. Për mesfushorin bardhekuq besimi në vetvete u rikthye që pas këtij takimi, pasi ishte kjo ajo që po e mbante Skënderbeun e gozhduar në fund të tabelës së klasifikimit. Ndaj edhe për këtë kërkohej një shtysë e madhe për të kaluar një situatë aspak të qetë.

?Fitorja ishte e rëndësishme. Pavarësisht se e dinim që një ditë do të vinte fitorja, ndaj edhe për këtë ishim të qetë. Por situata në të cilën ndodheshim ishte tejet e rënduar. Nuk arrinim dot të dilnim përmes lojës sonë në një rezultat pozitiv dhe kjo na mundonte. Fitorja me Kukësin ishte tepër e rëndësishme për të na kthyer sërish në optimizëm.

Ishim në tokë dhe kjo na rregulloi. Tashmë shohim përpara, duket sikur kemi rilindur sepse edhe në stërvitje po reagojmë mjaft mirë. Ajo që është më e rëndësishme për ne mbetet fakti se jemi të bashkuar si grup dhe funksionojmë së bashku. Kjo na bën që të mos kemi frikë ndaj asnjë kundërshtari dhe të përballemi me kokën lart përballë të gjithëve?, theksoi Zhan Viktor.

Lajmet e fundit nga