web counter
LEXO PA REKLAMA!

SHKARKO APP

App Store
Google Play

E fundit!

x

Bashkëpunimi në fushën e “Klimës dhe Energjisë”/ Delegacioni gjerman në Shqipëri, zbardhen bisedimet

2 Nëntor 2021, 18:05, Aktualitet CNA

Një delegacion gjerman i Ministrisë së Zhvillimit Ekonomik dhe Bashkëpunimit, i kryesuar nga Volker Oel, Drejtor për Evropën Jugore, Lindore, Amerikën Latine dhe Lindjen e Mesme po viziton Shqipërinë, për të zhvilluar bisedime politike mbi bashkëpunimin e mëtejshëm në fushat e ?Klimës dhe Energjisë? si dhe ?Zhvillimit të Qëndrueshëm Ekonomik?.

Sot delegacioni shoqëruar nga Kryebashkiaku Leli dhe zv.ministren e Mjedisit, Xhembulla, ndoqi ecurinë e ndërtimit të vendgrumbullimit të mbetjeve në Vlorë, i cili mbështetet nga Gjermania me 24 milionë euro.

Në Cërrik, delegacioni vizitoi fabrikën e parë të kompostimit në Shqipëri, e cila u ndërtua me ndihmën gjermane.

Oel theksoi: Ne shohim një angazhim të madh të këtyre bashkive për të ndërtuar një sistem modern të menaxhimit të mbetjeve. Ky është një hap i rëndësishëm në drejtim të integrimit në BE.

Ai gjithashtu kontribuon në përmirësimin e kushteve të jetesës të qytetarëve shqiptarë përmes mbrojtjes së shëndetit dhe mjedisit. Unë jam i lumtur që bashkëpunimi gjermano-shqiptar po punon në mënyrë konkrete për përballimin e këtyre detyrave të së ardhmes, të cilat promovojnë gjithashtu mbrojtjen e klimës dhe turizmin?./CNA.al





Lajmet e fundit nga