LEXO PA REKLAMA!

SHKARKO APP

Kush fshihet pas vrasjes së biznesmenit në Laç?/ Artan Hoxha lëshon “bombën”

2 Nëntor 2021, 11:17, Aktualitet CNA
Kush fshihet pas vrasjes së biznesmenit në Laç?/ Artan Hoxha

Gazetari investigativ, Artan Hoxha ka zbuluar të tjera detaje në lidhje me vrasjen e biznesmenit Xhelal Reçi, në qytetin e Laçit.

Nga studio e Abcneës, Artan Hoxha deklaroi se pas vrasjes qëndrojnë njerëz të fuqishëm, që sipas tij veprojnë pa e pasur problem fare policinë. Ai theksoi se këta persona janë të fuqishëm ekonomikisht dhe për më tepër kanë edhe mundësinë të zhduken pa lënë gjurmë.

?Këtë se bën dot çdo njeri. Janë njerëz të fuqishëm që përballojnë këtë kosto atentati, janë të aftë për të kryer një atentat të tillë në mes të qytetit. Atentatorët duket se nuk e kanë fare problemin e policisë. Kanë vepruar sikur nuk ekziston fare policia.

Tani vjen pyetja kush janë?

Nuk mund të thuash emra, sepse dosja mund të arkivohet si ajo e vitit të kaluar, nëse ne japim një emër, mund të përdoret nga familjarët e viktimës. Dhe personi që përmendet ka të drejtë të reagojë kur ndaj tij nuk ka asnjë veprim ligjor.

Ai që e ka bërë këtë nuk është një qytetar i zakonshëm. Është dikush që e njeh mirë këtë fushë.

Dhe mbi të gjitha ka mundësinë të zhduket pa lënë gjurmë?-tha Artan Hoxha./CNA.al

Lajmet e fundit nga