LEXO PA REKLAMA!

SHKARKO APP

Integrimi në BE/ Soreca mesazh politikës

1 Nëntor 2021, 10:14, Politikë CNA
Integrimi në BE/ Soreca mesazh politikës

Ambasadori i Bashkimit Evropian në Tiranë, Luigi Soreca, i pranishëm në Këshillin Kombëtar të Integrimit, kërkoi më shumë punë nga Shqipëria në fushat ku raporti i progresit të KE ka evidentuar se kanë nevojë ende për përmirësime.

Soreca thesksoi se klasa politike duhet të dyfishojë përpjekjet për integrimin, duke patur në fokus progres raportin e KE.

?Rekomandimet që jepen në raportin e KE identifikojnë fushat për të cilat duhet të ketë më shumë punë, si historiku për luftën kundër krimit dhe korrupsionit, liria e medias dhe të drejtat e pakicave janë një udhërrëfyes jo vetëm për qeverinë  por dhe gjithë institucionet që të fokusohen gjatë javëve në vijim. Shqipëria duhet të dyfishojë përpjekjet e saj, të ketë atë shndërrim socio-ekonomik që i duhet vendit dhe të bëhen bashkë të gjithë aktorët nga pjesët e ndryshme të politikës në Shqipëri dhe gjithë segmentet e shoqërisë dhe kjo është vlera e shtuar që sjell Këshilli Kombëtar. Procesi i integrimit po ndodh çdo ditë këtu në Shqipëri?, tha amabsadori.

Më tej ai shtoi se BE mbështet integrimin e Shqipërisë, ndaj edhe për këtë arsye kontribuon çdo vit me 100 mln euro, para, donacione apo grante për transformimin e të gjithë sektorëve të shoqërisë.

?BE mesatarisht i jep Shqipërisë çdo vit 100 mln euro duke kontribuar për këtë transformim  të gjithë sektorëve të shoqërisë. Ky investim që gjatë 15 viteve të fundit ka arritur shifrën 1.5 miliard euro në grante, donacione, para të dhëna, ka ndërtuar infrastrukturën madhore të Shqipërisë”, tha Soreca.

Në progres raportin e KE rekomandohet hapja e  negociatave për Shqipërinë, pasi i ka plotësuar kushtet. KE thotë se Shqipëria ka shënuar përparim, por që duhet të punojë edhe më shumë në forcimin e luftës kundër korrupsionit./CNA.al

Lajmet e fundit nga