LEXO PA REKLAMA!

SHKARKO APP

Basha drejt shkarkimit/ Pse nuk mund ta shpëtojë as Gazment Bardhi

30 Tetor 2021, 10:14, Politikë CNA
Basha drejt shkarkimit/ Pse nuk mund ta shpëtojë as Gazment Bardhi

Një ditë më parë, ish-kryeministri dhe lideri historik i demokratëve, Sali Berisha gjatë fjalës së tij në ?Foltoren? me demokratët e Lezhës, ka bërë të ditur edhe datën që do mblidhet Kuvendi Kombëtar i PD, për shkarkimin e kreut në detyrë, Lulzim Basha.

Në statutin e Partisë Demokratike thuhet se një ndër organet qendrore vendimmarrëse është Kuvendi Kombëtar.

Neni 43, pika 3 thotë ndër të tjera se Kuvendi Kombëtar ka të drejtë edhe të shkarkojë kryetarin.

?Kuvendi Kombëtar ka kompetencë për:
a) miratimin e Statutit të PDSH dhe ndryshimin e tij;
b) miratimin e programit të Partisë dhe linjave kryesore të politikës së saj, të cilat janë bazë pune për të zgjedhurit e PDSH-së në nivel qendror e vendor, si dhe për pushtetin ekzekutiv të drejtuar prej saj;
c) zgjedhjen e anëtarëve të Këshillit Kombëtar;
ç) shkarkimin e Kryetarit të Partisë mbi bazën e një mocioni mosbesimi të miratuar nga më shumë se gjysma e të gjithë anëtarëve të Këshillit Kombëtar?-thuhet në statut.

Neni 46, pika 4 thotë se në mungesë të kryetarit, Sekretari i Përgjithshëm mbledh Këshillin Kombëtar, i cili komandon Nënkryetarin që do të drejtojë Partinë deri në rikthimin e Kryetarit në detyrë apo zgjedhjen e Kryetarit të ri.

?Kryetari i Partisë gjatë veprimtarisë së tij të përditshme i cakton detyra dhe fusha të caktuara përgjegjësie Nënkryetarëve të Partisë. Në mungesë të zgjatur të kryetarit dhe me autorizim të tij, njëri prej tyre zëvendëson Kryetarin. Në mungesë të këtij autorizimi, duke përfshirë rastet e dorëheqjes nga detyra të Kryetarit, Sekretari i Përgjithshëm mbledh Këshillin Kombëtar, i cili komandon Nënkryetarin që do të drejtojë Partinë deri në rikthimin e Kryetarit në detyrë apo zgjedhjen e Kryetarit të ri.?-thuhet në nenin 46, pika 4, e statutit të PD.

Pra, në rastin në fjalë, pretendohet se ?shpëtimi? për Lulzim Bashën, do të jetë Gazment Bardhi.

Por, dardha e ka bishtin prapa. Dhe juridikisht Partia Demokratike nuk ka një Sekretar të Përgjithshëm, për faktin se Bardhi nuk është zgjedhur me votim të fshehtë.

Pra, juridikisht është nul. 

Gazment Bardhi është emëruar Sekretar i Përgjithshëm, nga Lulzim Basha. Nuk ka pasur as votim të fshehtë dhe as alternativë.

Në mbledhjen e Këshillit Kombëtar të Partisë Demokratike, në fund të muajit gusht 2021, janë zgjedhur edhe drejtuesit e rinj, nënkryetarët, sekretariatet si dhe Kryesia e re e kësaj force politike.

Dhe një detaj që ra në sy është se në fakt Lulzim Basha nuk bëri një garë në PD, por thjeshtë dhe vetëm rikonfirmoi të emëruarit e tij, si nënkryetarët ashtu dhe Sekretarin e Përgjithshëm të Partisë.

Por, Neni 44, pika 6 e Statutit të Partisë Demokratike, thotë qartë se është Këshilli Kombëtar, i cili me votim të fshehtë vendos emërimin ose shkarkimin nga detyra të Sekretarit të Përgjithshëm.

?Këshilli Kombëtar, ushtron këto përgjegjësi apo të drejta:
a) vendos, me votim të fshehtë, për emërimin dhe shkarkimin nga detyra të Sekretarit të Përgjithshëm; Nënkryetarëve të Partisë; Anëtarëve të zgjedhur të Kryesisë së PDSH-së; Sekretarëve funksionalë; Kryetarit dhe anëtarëve të Komisionit të Apelimit, Integritetit dhe Etikës; Kryetarit dhe anëtarëve të Komisionit Zgjedhor, si dhe Kryetarit dhe anëtarëve të Bordit Financiar të Partisë.
?- thuhet në statutin e PD.

Pra, juridikisht i bie që Partia Demokrartike nuk ka Sekretar të Përgjithshëm dhe as Gazment Bardhi nuk mund të shpëtojë ?vulën? që mban në xhep Lulzim Basha.

Ai mban detyrën në shkelje të statutit dhe nuk është ligjërisht Sekretar i Përgjithshëm i PD.

Pra, vendimet e tij nuk janë juridike dhe nuk kanë fuqi zbatuese në PD, pasi statuti e kërkon të zgjedhur me votë dhe jo të emëruar nga Lulzim Basha./CNA.al

Fakti/ Gazment Bardhi nuk është ligjërisht Sekretar i Përgjithshëm i PD

Lajmet e fundit nga