Kryetari i PD u prangos për vjedhje cigaresh/ Sot është fans i Gaz Bardhit

25 Tetor 2021, 17:31, Politikë CNA

Kryetari i PD u prangos për vjedhje cigaresh/ Sot është fans i

Një nga drejtuesit lokalë të PD, është arrestuar vite më parë nga policia e kryeqytetit me akuzë se kishte vjedhur një magazinë cigaresh. Bëhet fjalë për një ngjarje të ndodhur në kohën e qeverisjes së PD ku dy personazhe, ish drejtues të fushatës së Lulzim Bashës, janë prangosur nga policia. Më pas, njëri prej tyre duket se ka ecur shumë në karrierë duke u bërë edhe kryetar i PD në njësinë 4. E veçanta e tij është se jo vetëm është drejtues i degës por një fans i zjarrtë i Gazmend Bardhit, liderit të ri të Luli Bashës.

Ervin Goxhaj është personi i shoqëruar nga policia, pikërisht ai që pak ditë më parë shkriu një shtab të tërë elektoral vetëm sepse e kishin firmosur në mbështetje të Foltores të Sali Berishës. Kush është e shkuara e Goxhajt raportohet nga ky lajm në mediat e kohës, por edhe dosjet e policisë së kryeqytetit.

Policia e Tiranës ka prangosur Ervin Goxhaj dhe Gerti Frexhaj, ky i fundit ish drejtues i fushatës së Bashës në zgjedhjet e 8 majit në Kinostudio. Shpallet në kërkim shtetasi R. Sh.. Të tre personat kanë vjedhur një magazinë në kryeqytet, duke grabitur cigare me vlerë 250 milion lekë të vjetra, ky është raportimi që vjen për një ngjarje të vitit 2012.

Sipas të dhënave nga policia e kryeqytetit janë arrestuar shtetasit Ervin Goxhaj 29 vjeç dhe Gerti Frexhaj,31 vjeç pasi në datën 26 janar të këtij viti, kanë vjedhur në bashkëpunim me R. Sh. 28 vjeç një magazinë, duke grabitur cigare me vlerë 250 milion lekë të vjetra.

Magazina e cila ndodhet në rrugën ?5 Maji?, afër tregut Industrial është në pronësi të shtetasit M. Q. Nga verifikimet e kryera nga uniformat blu, rezulton se një nga të dy të arrestuarit, i kanë dhënë magazinën me qera Mekiut.

Ervin Goxhaj dhe Gerti Frexhaj, të dy në bashkëpunim me njëri-tjetrin kanë kryer vjedhjen, ndërsa kanë hyrë në magazinë në orët e vona të natës, duke prerë drynin dhe vjedhur materialin i cili ndodhej aty. Mësohet se Fregjaj ka drejtuar fushatën e kryebashkiakut aktual Lulzim Basha, në zonën e Kinostudios gjatë zgjedhjeve lokale të 8 majit 2011.

Ky është lajmi i vitit 2012, ndërsa sot Ervin Goxhaj hajduti i cigareve dje, pra një prej personazheve të ngjarjes është kryetari i PD në degën 4 në Tiranë dhe një nga fansat kryesorë të Gaz Bardhit dhe Luli Bashës.

Ndërkohë që në një reagim për CNA.al, Ervin Goxhaj tha se ajo është një ngjarje e vjetër e cila është mbyllur nga prokuroria.

?Ajo është një ngjarje e vjetër. Ka pasur një vetëgjyqësi, nga një person tjetër, jo nga unë. Policia na ka shoqëruar, më pas ka qenë prokuroria e cila e ka pushuar këtë çështje. Unë nuk kam asnjë hetim penal dhe nuk jam i dënnuar në lidhje me ccështjen e raportuar. Çështja në atë kohë është hetuar nga prokuroria dhe unë kam dalë i pafajshëm?, tha Ervin Goxhaj në reagimin e tij për CNA.al.

Skandali me shkrirjen e shtabit të degës 4/ CNA.al sjell faktet, si po gënjen Ervin Goxhaj

Skandali në PD/ Basha urdhëron shkrirjen e shtabit të degës 4 në Tiranë