web counter
LEXO PA REKLAMA!

SHKARKO APP

App Store
Google Play

Pazare në përzgjedhjen e anëtarëve të KLGJ-së dhe KLP/ Skandali si u fut në listë kandidati me zero pikë?

23 Tetor 2021, 11:35, Aktualitet CNA

Zgjedhja e anëtarëve të Këshillit të Lartë Gjyqësor dhe Këshillit të Lartë të Prokurorisë, duket se kurrë nuk do të bëhet bazuar në Ligj e Kushtetutë, por bazuar në lidhje politike.

Kështu dyshohet se po ndodh edhe përzgjedhjen e kandidaturave të reja për këto këshilla.

Bëhet fjalë për kandidaturat që vijnë nga radhët e pedagogëve.

Sipas burime të CNA.al, të paktën një nga kandidatët pedagogë po tenton në mënyrë të dyshimtë të bëhet pjesë e KLGJ-së apo KLP-së.

Sipas të njëjtave burime ai është Ilir Rusi nga Universiteti i Tiranës, i cili ndonëse ka marrë tre  pikë në garën me kolegët për KLGJ dhe zero pikë për KLP por ai është përzgjedhur, për t?u dërguar në Kuvend.

Asgjë nuk është bërë transparente nga ky proces, për të cilin dikush duhet të japë llogari se si po tentojnë ta manipulojnë.

Dikush duhet të japë llogari se cilat janë levat që po drejtojnë Ilir Rusin në Këshillin e Lartë Gjyqësor.

Kush qëndron pas Ilir Rusit, kryeministri Edi Rama, ish Ministri i Brendshëm Fatmir Xhafaj, apo kreu i grupit parlamentar të PS-së, Taulant Balla?

Përzgjedhja e dyshimtë

Para pak ditësh, trupa e drejtuesve të Instiucioneve të Arsimit të Lartë dhe Shkolla e Magjistraturës përzgjodhën 7 emra që do të shkojnë për votim në Kuvend si kandidatura për vendet vakante në dy institucionet e reja të drejtësisë, përkatësisht për 2 vende në KLGJ dhe 2 vende në KLP.

Të gjithë kandidatët e kanë prezantuar platformën e tyre në 10 minuta dhe më pas u zgjodhën 7 prej pedagogëve për t?i çuar për miratim në Kuvend. Njëri nga të përzgjedhurit është edhe Ilir Rusi./CNA.al





Lajmet e fundit nga