web counter
LEXO PA REKLAMA!

SHKARKO APP

App Store
Google Play

E fundit!

x

Mega-Operacioni anti-drogë/ "Shkundet" Tirana, Durrësi, Lezha dhe Shkodra

22 Tetor 2021, 09:17, Aktualitet CNA

Një megaoperacion është mbyllur nga policia. Operacioni i koduar ?Qafa e Helmit? ka nisur që në orët e para dhe ka përfunduar në orët e mbrëmjes së djeshme për goditjen e veprimtarisë kriminale në fushën e kultivimit dhe trafikimit të lëndëve narkotike, i nisur nga 20 shtatori.

Janë caktuar masat e sigurisë Trafikimi i narkotikëve? kryer në bashkëpunim në formën e grupit të strukturuar kriminal dhe ?Prodhimi dhe shitja e narkotikëve? kryer në bashkëpunim, në formën e grupit të strukturuar kriminal për 9 persona, në kuadër të operacionit të zhvilluar në Lezhë, Tiranë, Shkodër dhe Durrës.

Janë lënë në masën e sigurisë ?Arrest në burg? 9 persona, 2 të tjerë në ?Arrest në shtëpi?, dhe 4 persona të tjerë janë shpallur në kërkim.

Gjithashtu, Gjykata ka vendosur lejimin e kontrolleve në banesa dhe ambiente të ndryshme të shtetasve të arrestuar, në Lezhë, Tiranë, Shkodër, Pukë, Durrës. Janë sekuestruar në cilësinë e provës materiale 3 qese me fara cannabis, një shumë eurosh dhe një automjet. Nga megaoperacioni janë asgjësuar 4000 rrënjë cannabis sativa.

Nga hetimet e kryera ka rezultuar që ky grup kriminal ka organizuar kultivimin e bimëve narkotike në Mirditë, në zonën e fshatit Arëz, Kaçinar, në zonën midis fshatrave Perlat i Epërm dhe Lufajt dhe në Pukë, në vendet e quajtura Qafa e Helmit, fshati Shkozë, Gomsiqe dhe Plet. Nga ana e Drejtorisë Hetimore në lidhje me këtë procedim janë arrestuar më parë edhe shtetasit: – P. L., 45 vjeç, të cilit i janë sekuestruar 37 kg e 450 cannabis sativa; – H. M., 53 vjeç, banues në Kamzë, Tiranë, të cilit i janë sekuestruar 12 kg cannabis sativa; – N. C., 64 vjeç, banues në fshatin Plet, Pukë, të cilit i janë sekuestruar bimë narkotike të kultivuara në territorin e banesës.

Gjithashtu, shërbimet e Policisë kanë gjetur vendin ku kryhej përpunimi i bimëve narkotike në mes të pishave në fshatrat Gomsiqe e Pletë të Pukës, ku u sekuestruan 28.73 kg cannabis sativa që u gjetën në një vend të përshtatur në formë kasollesh, të mbuluar me plastmas. Gjatë hetimeve ka rezultuar që në këtë veprimtari ka të implikuar edhe punonjës policie, për të cilët veprimet procedurale i ndjek SHÇBA. Të gjitha materialet për ekzekutimin e këtij vendimi i kaluan Prokurorisë së Posaçme kundër Korrupsionit dhe Krimit të Organizuar (SPAK), për veprime të mëtejshme./CNA.al





Lajmet e fundit nga