LEXO PA REKLAMA!

SHKARKO APP

App Store
Google Play

"Përkeqësohet liria e medias, faktor ndikues qeveria”/ Komiteti i Helsinkit ngre alarmin

22 Tetor 2021, 09:13, Aktualitet CNA
"Përkeqësohet liria e medias, faktor ndikues qeveria”/

Komiteti Shqiptar i Helsinkit në raportin e publikuar sa i takon lirisë së medias në Shqipëri, ngre alarmin se ka shkuar drejt përkeqësimit situata e lirisë së shprehjes përgjatë vitit 2020. Bazuar edhe në raportet vjetore të ?Freedom House? dhe ?Reporterët pa Kufij?, si faktorë ndikues për përkeqësimin e lirisë së shprehjes në Shqipëri konsiderohen përpjekjet për të imponuar paketën ?anti-shpifje?, lajmet e gatshme nga forcat politike dhe ngjarje konkrete si protesta dhe prishja e Teatrit Kombëtar.

Aty paraqiten një sërë problemesh që krijojnë klimë tkurrëse për lirinë e medias, ku si një ndër problemet më të mëdha shihet edhe vetë qeveria.

90% e të anketuarve perceptojnë se ndërhyrjet e qeverisë apo partive politike konsiderohen si faktori kryesor që cënon lirinë.

Komiteti I Helsinkit gjithashtu ngre alarmin se gazetarët janë sulmuar apo ndjerë të kërcënuar prej punonjësve të policisë, protestuesve, personave të dyshuar për lidhje me botën e krimit. Jo më larg se vitin që shkoi, janë raportuar raste kur policia ka shoqëruar për disa orë gazetarë të mediave të ndryshme, kjo kryesisht gjatë protestave të ndodhura për Teatrin Kombëtar.

Ndër rekomandimet e Komitetit të Helsinkit, thekson se duhet të shmanget çdo formë e ndërhyrjes në lirinë e medias nga ekzekutivi, legjislativi apo çdo përfaqësues i organeve publike si dhe përfaqësues të forcave politike në vend.

Nga ana tjetër, legjislacioni i propozuar nga kryeministri Rama, si një “paketë Anti-Shpifje?, që synonte të krijonte një organ administrativ që urdhëron mediatt ë heqin raportimet për çështje të tilla si “cënimi i dinjitetit të individit?, u prit me reagime të forta kundërshtuese, duke u cilësuar si një paketë që censuronte dhe cungonte lirinë e medias./CNA.al

Lajmet e fundit nga