Pezullimi i policëve në Korçë/ Zbardhet dosja, si u kap Krenar Gjokutaj

21 Tetor 2021, 14:34, Aktualitet CNA

Pezullimi i policëve në Korçë/ Zbardhet dosja, si u kap

Mbrëmjen e djeshme u pezulluan nga detyra 6 punonjës të policisë në Korçë, mes tyre edhe shefi qarkullimit Kelmend Pikuli dhe shefi komisariatit Krenar Gjokutaj.

Ky i fundit është një emër i njohur për bëmat dhe gjëmat e tij në krye të komisariatit e Korçës.

Gjokutaj dhe efektivët e tjerë të policisë ishin nën përgjim për gati dy muaj dhe në grackën e tyre ranë edhe disa efektivë në Tiranë.

Por si u zbulua korrupsioni i Kranar Gjokutajt dhe efektivëve të tjerë?

Një rast i shkeljes së detyrës, është ku efektivi Petro Fraholli së bashku me Genc Hysin dhe Çlirim Akrobati, kishin ndaluar një makinë ku në timon ishte Avni Dushku i cili ishte pa patentë, ndërsa si pasagjer në makinë ishte edhe Ariel Dervishi.

Ky i fundit me lidhjet e tij që kishte me shefin e Komisariatit Krenar Gjokutajn kishte mundur të merrte mbrapsht dokumentet e makinës. Një bashkëbisedues e ka pyetur atë nëse e ka ndihmuar ndonjë politikan për të kaluar postbllokun e policisë që ishte vendosur për respektimin e orës policore.

Por Arjel Dervishi i përgjigjet duke e sqaruar se nuk është ndihmuar nga asnjë politikan, por nga Shefi i Komisariatit të Policisë së Korçës, Krenar Gjokutaj.

Për të sqaruar këtë, Gjykata ka lejuar përgjimin e telefonit të Krenar Gjokutajt. Ndërkohë nga përgjimet theksohet se Krenar Gjokutaj kishte episode të shpeshta që e merrte në celularë efektivin Petro Fraholli duke i kërkuar që të lejojë pa gjobë automjetet.

Më datë 12 gusht, Krenar Gjokutaj telefonon efektivin e policisë Petro Fraholli ku i kërkon që t?i kthehen dokumentet e makinës që i përkisnin Deivid Pronjarit. Ky person ka biseduar me Krenar Gjokutajn duke i kërkuar ta ndihmonte për të rimarrë dokumentet pasi i ishin bllokuar nga një postbllok që e kishte ndaluar jashtë orës policore.

Një rast i ngjashëm është ku Gjokutaj merr në telefon Frahollin dhe i kërkon që të mos gjobis një makinë tip ?Range Rover?. Një episod tjetër është rasti ku do gjobitej një person me emrin Andrea i cili lëvizte me një furgon, por Krenar Gjokutaj e merre sërish Frahollin në celularë duke i thënë se kjo është e disata herë që ja bën kështu ne lidhje me gjobat.

Pezullohen nga detyra 6 punonjës të policisë së Korçës, mes tyre shefi i komisariatit dhe ai i qarkullimit