LEXO PA REKLAMA!

SHKARKO APP

E fundit!

x

“Vettingu, nismë historike”/ Deputeti: S’mund të jesh politikan dhe hajdut

20 Tetor 2021, 20:53, Aktualitet CNA
“Vettingu, nismë historike”/ Deputeti: S’mund të

Deputeti i PD-së, Dashnor Sula ka deklaruar se vettingu i politikanëve është një nismë ?historike? dhe se ka ardhur momenti për të pastruar politikën nga të korruptuarit. Ai theksoi se ky proces ka për të larguar një numër të lartë politikanësh si nga PD, ashtu edhe nga PS.

“Nuk mund ta them në mënyrë të prerë që ka një marrëveshje PS-PD për këtë çështjen e vetingut. Di të them që kemi një marrëveshje me qytetarët shqiptarë, sa i përket çështjes së korrupsionit. Kjo zgjidhet duke pastruar politikën nga të korruptuarit sepse u bënë 30 vite që të korruptuarit diktojnë politikën shqiptare. Nëse sot që i është hedhur dorashka mazhorancës, mendoj dhe shpresoj ka besim që është në moment që do ishte historik për Shqipërinë. Te Rama pashë një lloj frike dhe hezitimi pasi bërja e vettingut në politikë, në të dy krahët, por më së shumti nga mazhoranca do largohen. Kjo nuk do të thotë se do zhduket PD  apo PS. Ka ardhur momenti historik, nuk mund të jesh edhe politikan edhe hajdut. Ne kemi thënë se duhet një paketë më e gjerë se sa kemi çuar. Ne kërkojmë vullnetin e maxhorancës për të filluar procesin, si do të bëhet, mekanizmi, jemi gati për të diskutuar”,  u shpreh deputeti në emisionin Repolitix.

Më tej Sula shtoi se është koha të fillojmë një proces të thellë në ndryshimin e ngrehinës legjislative.

“Kjo ka të bëjë me atë që e konstatoj fatkeqësisht dhe sot se njerëzit e politikës sillen me ne në të njëjtën formë si ajo që dikur, 100 vite më para, Fan Noli e artikulonte si ‘O popull çdo gjë e bëjnë për ty, në emrin tënd. Ne si shoqëri jemi në kushtet kur është shtruar si nevojë ndërhyrja e thellë legjislative. Këtë ka thënë edhe Balla para zgjedhjeve, që do ketë reformë të thellë legjislative. Nuk jam dakord të kërkohet vetëm vettingu i politikanëve dhe të kërkohet vetëm kjo, është koha të fillojmë një proces të thellë në ndryshimin e ngrehinës legjislative. Pyetja që duhet bërë a është i nevojshëm? Ka nevojë ulëritëse kjo shoqëri për ta bërë këtë gjë. Duhet të angazhohemi të gjithë”, thekson Sula./CNA.al

Lajmet e fundit nga