LEXO PA REKLAMA!

SHKARKO APP

App Store
Google Play

Yuri Kim takon drejtuesit e Komisionit të Punëve të Jashtme/ “Partneriteti SHBA-Shqipëri i tejkalon politikat partiake”

20 Tetor 2021, 15:45, Aktualitet CNA
Yuri Kim takon drejtuesit e Komisionit të Punëve të Jashtme/

Ambasadorja ameriken, Yuri Kim është takuar sot me kryetarin dhe zv.kryetarin e Komisionit Parlamentar për Punët e Jashtme, Mimi Kodheli dhe Tomor Alizoti.

Në fokus të disktutimeve mësohet se ka qenë bashkëpunimi midis Shteteve të Bashkuara dhe Shqipërisë në fushat e demokracisë, mbrojtjes dhe biznesit.

Takimi vjen vetëm një ditë pas prezantimit të progres-raportit të KE-së për Shqipërinë, dhe thirrjes së Sekretarit amerikan të Shtetit, Antony Blinken për hapjen sa më parë të negociatave për anëtarësim të Shqipërisë në BE.

?Ambasadorja Kim u takua sot me drejtuesit e Komisionit Parlamentar për Punët e Jashtme, Kryetaren Mimi Kodheli dhe Zëvendës Kryetarin Tomor Alizoti. Ata diskutuan rrugën në vijim për forcimin e bashkëpunimit midis Shteteve të Bashkuara dhe Shqipërisë në fushat e demokracisë, mbrojtjes dhe biznesit. Ambasadorja Kim shprehu vlerësimin e Shteteve të Bashkuara për vendimin e jashtëzakonshëm të Shqipërisë për të ofruar përkohësisht një strehë të sigurtë për qytetarët e shpërngulur afganë. 

Ajo përsëriti gjithashtu mbështetjen e SHBA për përpjekjet e Shqipërisë për anëtarësim në Bashkimin Europian, duke theksuar deklaratat e fundit të Sekretarit Blinken, ku ai bën thirrje për hapjen e negociatave sa më shpejt të jetë e mundur. Ambasadorja Kim, Kryetarja Kodheli dhe Zv. Kryetari Alizoti ranë dakord për të punuar ngushtë së bashku për të çuar përpara zbatimin e reformës në drejtësi; forcimin e bashkëpunimit në fushën e mbrojtjes dhe aftësive të Shqipërisë si anëtare e NATO-s; dhe rritjen e tregtisë dhe investimeve midis dy vendeve tona. Ata ranë dakord se, qoftë në Tiranë apo Uashington, rëndësia e partneritetit midis Shteteve të Bashkuara dhe Shqipërisë i tejkalon politikat partiake?, thuhet në reagimin e plotë të ambasadës./CNA.al

 

Lajmet e fundit nga