E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Hetimi parlamentar për 25 Prillin/ Olsian Çela dhe Arben Kraja: Presim kërkesën, për të dëshmuar

19 Tetor 2021, 17:15, Aktualitet CNA

Një ditë më parë është konstituuar Komisioni Hetimor për kontrollin e veprimtarisë së organeve të administratës publike dhe pushtetit vendor për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021.

Komisioni parlamentar u ngrit me Vendimin e Kuvendit nr. 79/2021, me propozim të 39 deputetëve të Partisë Demokratike.

Komisioni përbëhet nga 15 anëtarë me përfaqësimin pozitë-opozitë në raportin 8 me 7.

Dje po nga i njëjti Komision u bënë publike një listë me 24 funksionarë publikë, të cilët do të thirren për të dëshmuar.

Në këtë listë ishin përfshirë edhe krerët më të lartë të drejtësisë, si Prokurori i Përgjithshëm Olsian Çela dhe kreu i SPAK, Arben Kraja.

Dy zyrtarët në fjalë janë konaktuar sot nga CNA.al, për t?u pyetur nëse do t?i përgjigjen thirrjes së Komisionit për të dëshmuar.

?Kur të kemi një kërkesë zyrtare nga Komisioni Hetimor Parlamentar, Drejtuesi i Prokurorisë së Posaçme do të veprojë në përputhje me aktet ligjore në fuqi që rregullojnë marrëdhëniet ndërmjet Kuvendit dhe Prokurorisë?, thuhet në përgjigjen SPAK për CNA.al.

Në të njëjtën linjë ka qëndruar edhe kryeprokurori Çela, i cili pret kërkesën zyrtarë nga Komisioni për të vendosur më pas se nëse do të shkojë për të dëshmuar apo do ta refuzojë.

Hetimi pritet të sqarojë mënyrën e zbatimit të ligjit, përdorimin e funksioneve publike në funksion të zgjedhjeve.

Gjithashtu do të hetohet dhe kuadrin ligjor për mbrojtjen e të dhënave personale, cila janë subjektet që janë detyrimin për mbrojtjen e të dhënave personale.

Cilat janë arsyet që i kanë shtyrë autorët për kryerjen e këtyre shkeljeve?.

Cili është kuadri ligjor sa i takon shpërblimeve për dëmet e shkaktuara nga tërmeti i vitit 2019?

Cilat janë subjektet që i kanë shkelur detyrimet ligjore dhe cilat janë arsyet që i kanë shtyrë për kryerjen e këtyre shkeljeve?

Cili është kuadri ligjor që rregullon dhënien e lejeve të legalizimit gjatë procesit zgjedhor?

Cilët janë subjektet e ngarkuar nga ligji për dhënien e lejeve?

Cilat janë arsyet që i kanë shtyrë subjektet e mësipërme për kryerjen e këtyre shkeljeve?

Cili është kuadri ligjor që rregullon punësimet në administratën publike?

Detyrat e komisionit janë kontrolli i veprimeve dhe mosveprimeve për mbledhjen e informacionit.

Gjithashtu do të hetohet numri i procedimeve penale për krimet zgjedhore dhe fazën e hetimit të tyre. Komisioni hetimor do të përdorë të gjitha metodat e hetimit, përfshirë këqyrjen, kontrollin apo sekuestrimin e akteve pranë institucioneve përgjegjëse. Në përputhje me nevojat gjatë hetimit do caktohet ekspertë./CNA.al