LEXO PA REKLAMA!

SHKARKO APP

“Shfryhet” Toyota Yaris, ku u gjetën 3.4 milion euro/ Gjykata dënoi Lulzim Bashën dhe Elvis Vladin

19 Tetor 2021, 10:06, Aktualitet CNA
“Shfryhet” Toyota Yaris, ku u gjetën 3.4 milion euro/ Gjykata

Gjykata e Tiranës ka dënuar me 1 vit e 6 muaj burg Elvis Vladin për gjetjen e 3.4 milionë euro në Portin e Durrësit.

Paratë u gjetën në vitin 2018, brenda një makine “Toyota Yaris” në 2018.

Kujtojmë se ky rast ka shkaktuar bujë, pasi u diskutua në Kuvend.

Por me dënimin e dhënë nga Gjykata, kjo çështje është sfumuar dhe ka rezultuar një flluskë sapuni.

Akuza për pastrim parash në kuadër të grupit të strukturuar kriminal? është zëvendësuar me veprën penale mos deklarimi i të hollave në kufi.

Në vitin 2018, ishte kreu i PD-së Lulzim Basha, i cili nga foltorja e Kuvendit, akuzoi kreun e grupit parlamentar socialist se ishte kapur Toytoa Yaris me para në Portin e Durrësit.

Kujtojmë se kjo çështje në fillim u përdor si një ‘kal beteje’ nga opozita shqiptare për të akuzuar ashpër kryetarin e Grupit Parlamentar të Partisë Socialiste, Taulant Balla.

?Ta kanë zbuluar Toyotën, o zgërdhimtar, bashkë me 1.5 milion euro të drogës brenda?, denoncoi Basha në atë kohë.

Basha u akuzua politikisht për dekonspirim të operacionit, nag ana tjetër Taulant Balla e paditi për shpifje, lidhur me deklaratat në Kuvend.

Lulzim Basha u dënua nga gjykata me 50 mijë lekë gjobë për shpifje ndaj Taulant Ballës./CNA.al

Lajmet e fundit nga