web counter
LEXO PA REKLAMA!

SHKARKO APP

App Store
Google Play

E fundit!

x

SPAK fle mbi "plehrat" dhe dosjet e Mirel Mërtirit

18 Tetor 2021, 08:47, Aktualitet CNA

Ka qënë se fundi portal Hashtag.al, i Habjon Hasanit i cili ka zbuluar dje një dosje, sesi njeriu shumë mediatic jo vetëm në Shqipëri, por deri edhe në Afrikë, Mirel Mërtiri, është përfshirë në një tjetër aferë.(Lexo këtu)

Këtë herë në lidhje me Albpetrolin, nëpërmjet Endri Pukës, ish-drejtorit të Koço Kokëdhimës dhe ish-ministrit Damian Gjiknuri.

Sërish del emri i Mirel Mërtirit. Personit që mediat e kanë denoncuar nga Zimbabve tek inceneratorët në Tiranë. Nga kompanitë e bashkëjetueses së tij, të cilat me një million lekë të vjetra në llogari mundën të fitonin koncesione 22 milionë euro, deri tek zinxhiri i kompanive të tjera me Klodian Zoton tek inceneratori i Fierit dhe ai i Tiranës.

Nga ujësjellësat në Fier, në Korçë, dhe deri tek ai i Tiranës, ku miliona dollarë janë dhënë për matësat inteligjentë, të quajtur, por që në fakt janë shumëfish më të shtrenjtë, sesa çmimi i tregut.

Emri i Mirel Mërtirit, pas 2013-ës, dhe ardhjes së Rilindjes në pushtet del kudo. Del tek Damian Gjiknuri, del tek Lefter Koka. Diku është akuzuar Arben Ahmetaj. Por, del dhe nëpër bashki të ndryshme të Shqipërisë.

SPAK i ka të gjitha dosjet përpara syve. Ka Mirel Mërtirin, ka Klodian Zoton, ka inceneratorët. Mund të shohë dosjen e fundit të publikuar nga Abion Hasanit, për të cilën pretendohet se mund të jetë zhdukur nga arkivi i Albpetrolit.

Ka dosjen e ujësjellësave, të cilat i ka kapur “gjallë” KLSH.

Në Korçë me gjashtë miliardë, e më tej në Fier apo dhe deri në Tiranë.

Ka dosjen e plehrave të inceneratorëve, mbi të cilat fle çdo natë mesa duket Arben Kraja. Shikon ëndërra me mbetje. Me ato të kapsuluara në Elbasan, me atë inceneratorin e asembluar, apo me atë të Fierit, që nuk punonte dhe iu vu zjarri. Pa shkuar tek ky i Tiranës që nuk ekziston. Apo te landfilli i Vlorës, sërish i marrë nga aksi Mirel Mërtiri-Klodian Zoto.

Ndoshta prokurorët e SPAK kanë qejf të flenë mbi dosje të mbuluara nga plehrat, korrupsioni dhe afera politike, për të cilat shqiptarët kanë shumë shpresë se një ditë do të zbardhen. Do të zbardhet e vërteta e vlerave qindra milionë euro, të paguara nga taksat e tyre.

Janë të paktën 178 milionë euro, vetëm në tre inceneratorë, pa folur për zullumet e tjera që shkojnë ndoshta mbi 500 milionë euro.

E këto pra janë dosjet mbi të cilat fle SPAK.

Janë dosjet e plehrave, dosjet e matësave të ujit, dosjet e landfilleve, dhe së fundi edhe dosja e Albpetrolit.

Këto të gjitha i ka Arben Kraja. I ka SPAK-u. Por, mesa duket shohin ëndërra të bukura duke fjetur mbi dosje plehrash./CNA.al

Koncesioni 128 milion euro/ Plas skandali në Shqipëri, kompania ndryshon emër në Hollandë

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

KONTRATA E FSHEHTË/ Damian Gjiknuri në aferë me Mirel Mërtirin e inceneratorëve

Megaskandali/ Tentakulat e inceneratorëve 30 milionë euro nga ujësjellësat





Lajmet e fundit nga