web counter
LEXO PA REKLAMA!

SHKARKO APP

App Store
Google Play

Një nga rusët ish-gjeneral ushtrie/ Zbulohen pistat ku po hetohet, për shuarjen e 4 turistëve

18 Tetor 2021, 20:34, Kronika CNA

Gazetari Julian Kasapi ka folur në emisionin ?Open? për misterin e vdekjes së 4 turistëve rusë, në hotelin në Qerret.

Kasapi rrëfeu se me çfarë merreshin prindërit dhe vajza me të fejuarin ndërsa e cilësoi si ?tymnajë? faktin që Sergej ka qenë ish-gjeneral ushtrie.

Nga ana tjetër, ai thekson se dyshimet e prokurorisë dhe policisë janë rrjedhja e gazit ose helmimi.

?Burri, Sergej ka qenë ish-gjeneral ushtrie, bashkëshortja mësuese, dhëndri punonte në administratë ndërsa vajza punonte në një kompani private. Ajo që e bën si tymnajë është fakti që Sergej ka qenë në rangjet e larta të ushtrisë ruse. Sa i përket dyshimeve që ka prokuroria e policia, bëhet fjalë për ndonjë rrjedhje të mundshme të gazit ku kishin qëndruar për më shumë se 1 orë dhe një dyshim tjetër është edhe helmimi që mund të kenë pësuar të gjithë si familje?, tha Kasapi.

Ndërsa gazetarja Anila Hoxha, në të njëjtin emision thotë se i ka bërë përshtypje është fakti që Shqipëria nuk i është përgjigjur nëse këta shtetas kanë hyrë herë të tjera në vend apo nëse kanë frekuentuar më herët vendet e Ballkanit

 ?Në këtë hotel mungojnë kamerat e sigurisë. E vetmja është ajo në ambientin e përbashkët, që ndodhet mes dhomoës dhe korridorit. Rrëfimi i turistëve të tjerë është se ata nuk e njihnin të kaluarën e bashkëudhëtarëve të tyre?, deklaron Hoxha./CNA.al





Lajmet e fundit nga