web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i ish-anëtarit të bandës së Lushnjës/ Artan Hoxha zbardh mesazhin

18 Tetor 2021, 10:43, Kronika CNA

Një ditë më parë, pranë Urës së Shkumbit u gjet një 38 vjeçar i vrarë me armë zjarri.

Gjatë të dielës, policia zbardhi identitetin e tij. Bëhej fjalë për Alban Semakun, i cili kishte një plumb në shpinë dhe një brinjë.

Gazetari Artan Hoxha, i ftuar në ABC News ka thënë se dyshon që vrasja është kryer diku tjetër dhe  më pas kufoma është hedhur në Peqin.

Sipas Hoxhës, autorët kanë pasur mundësi ta hidhnin aty dhe e kanë hedhur.

?Duket si një vend që autorët kanë vendosur ta hedhin kufomë. Ata kanë pasur mundësi edhe ta hedhin në rrugë. Është lënë aty edhe për shkak të mesazhit që duan të përçojnë. Duke sjellë deri aty kanë pasur mundësi ta zhduknin fare. Autorët derisa e kanë sjellë deri aty mund ta kishin eliminuar fare dhe do të kishim të bënim me një person të zhdukur. Në Shqipëri ka shumë të zhdukur?, ka thënë Hoxha, duke u ndalur më tej tek Jan Prenga, i cili figuron i zhdukur.

?Unë dyshoj shumë se ata e kanë lënë kufomën aty për të çuar një mesazh te të tjerët. Kufoma është goditur me dy predha. Duket se është një ekzekutim me mesazh brenda. Kjo nuk është vrasja e parë e tillë që ndodh në Lushnje. Viktima është banor i Lushnjes, aktivitetin e tij e ka pasur në Lushnje. Nga Lushnja në Peqin ikën për punë minutash. Nuk ka pasur vështirësi. Ata mund ta kenë ekzekutuar pak më tej apo edhe në Lushnje. Nëpërmjet këtij të vrari është çuar një mesazh atyre që janë gjallë?, është shprehur më tej Hoxha.

Gazetari më tej ka shenjëstruar edhe autoritetet hetuese.

Sipas tij, zakonisht autoritetet  për të justifikuar krimet që ndodhin nxijnë shumë të kaluarën e tyre.

?Ky i fundit ka të kaluar kriminale. Manuali që ka Kodi Penal për të ngjitur hapat e të qenit eksponent i krimit ky duket se i ka ndjekur hap pas hapi. Gjeja që intereson sot është a është ky pjesë e një zinxhiri vrasjes që kanë ndodhur në Lushnje? Po është. ky zinxhir nuk po ndërpritet,? ka thënë Hoxha./CNA.al





Lajmet e fundit nga