web counter
LEXO PA REKLAMA!

SHKARKO APP

E fundit!

x

Vdekja e 4 turistëve rusë/ Zbardhet pista kryesore e hetimit

17 Tetor 2021, 14:19, Kronika CNA

Të tjera detaje vijojnë të dalin nga tragjedia e familjes ruse në Qerret të Kavajës, ku 4 prej tyre u gjetën të pajetë brenda një hoteli.

Sipas asaj që raportohet nga Abc News, dyshohet se vdekja e tyre ka ardhur si pasojë e helmimit nga klori, i cili është përdorur për pastrimin e pishinës, ku ata u gjetën edhe të pajetë.

Burime nga prokuroria bëjnë me dije se, kjo është një nga pistat kryesore për shkak se ditën kur ndodhi ngjarja është kryer edhe dezinfektimi me klor i pishinës.

Sipas kësaj piste, hetuesit kanë dyshime se mund të jetë përdorur sasia e madhe e klori, e cila mund të ketë sjellë edhe asfiksinë e tyre. Kështu që ata kanë marrë kampionë të ujit për të mësuar sasinë e klorit që gjendej në të.

Ndërkohë, ekpertët kanë marrë kampionë edhe në trupat e viktimave për analizimin e pranisë në gjak të drogës, alkoolit apo lëndëve helmuese.

Kujtojmë se ngjarja tragjike ndodhi mbrëmjen e të premtes, rreth mesnatës, ku viktima janë çifti Natalia Burenkova, 58 vjeçe, Sergei Burenkov, 60 vjeç, dhëndri i tyre, Nikita Belousov, 37 vjeç, dhe vajza e tyre, Ekaterina Burenkova, 31 vjeçe./ CNA.al





Lajmet e fundit nga