LEXO PA REKLAMA!

SHKARKO APP

Ndarja nga jeta e Vehap Xhindolit/ Reagon Meta: La pas një trashëgimi që do të nderohet

24 Shtator 2021, 17:41, Aktualitet CNA
Ndarja nga jeta e Vehap Xhindolit/ Reagon Meta: La pas një trashëgimi

Presidenti Ilir Meta ka shprehur ngushëllimet e tij për ndarjen nga jeta të Vehap Xhindolit.

Me anë të një postimi në rrjetet sociale Meta shkruan se Vehap Xhindoli, ishte një nga figurat historike të peshëngritjes së qytetit të Elbasanit, me kontribut të çmuar si sportist dhe trajner.

Më tej ai thekson se Xhindoli luajti një rol të veçantë edhe për zhvillimin cilësor të atletikës dhe akrobacisë.

“Me trishtim mora lajmin për ndarjen nga jeta të Mjeshtrit të Madh Vehap Xhindoli, një nga figurat historike të peshëngritjes së qytetit të Elbasanit, me kontribut të çmuar si sportist dhe trajner i suksesshëm.

Personalitet sportiv i gjithanshëm, ai luajti një rol të veçantë edhe për zhvillimin cilësor të atletikës dhe akrobacisë, veçanërisht si themelues i cirkut të Elbasanit, duke lënë pas një trashëgimi sportive që gjithmonë do të nderohet dhe kujtohet me respekt.

Ngushëllime familjes, kolegëve dhe komunitetit elbasanas për këtë humbje të pazëvendësueshme!

Të prehet në paqe!”, shkuan Meta./ CNA.al

Lajmet e fundit nga