LEXO PA REKLAMA!

SHKARKO APP

App Store
Google Play

E fundit!

x

Krimet me pronat në Kadastrën e Vlorës/ Flet Arben Kraja

24 Shtator 2021, 08:50, Aktualitet CNA
Krimet me pronat në Kadastrën e Vlorës/ Flet Arben Kraja

SPAK dhe oficerë të BKH-së sot ka zbarkuar në Kadastrën e Vlorës, për të marrë disa dosje që kanë lidhje me pronat në bregdet.

Ky aksion është konfirmuar për CNA.al nga kreu i SPAK, Arben Kraja, i cili është shprehur i rezervuar, pasi gjithçka vazhdon ende.

?Veprime rutinë për marrje aktesh?, ka thënë Kraja për CNA.al.

Me 11 Shtator 2019, anti-krimi ekonomik,  zbarkoi në këtë institucion, ndërsa në hetim u  vendosur 23 punonjës, me akuzën  se kanë tjetërsuar pronën e një personi në Jalë duke ia kaluar një tjetri.

Kadastra e Vlorës,  ka qenë më herët në qendër të vëmendjes, pasi të gjithë drejtuesit e emëruar jepnin dorëheqjen në pak muaj.

Ishte Bilbil Aliaj zëvendësoi në këtë post Taulant Canametin, drejtuesin e komanduar që qëndroi në krye të Kadastrës së Vlorës për rreth 4 muaj, pas dorëheqjes të bordit drejtues.

Para Canametit në krye të Kadastrës ishte  Elona Hodaj, e cila mori detyrën më 19 shtator 2019. Shkak i largimit të drejtuesve të Kadastrës së Vlorës është bërë një vendim i Gjykatës së Lartë për një pronë në bregdet në Jalë.

Para Hodajt në krye ka qenë Alteo Nazeraj, një nga punonjësit e Kadastrës që ndenji vetëm 10 ditë në detyrë, ku ish-drejtori Florian Almadhi kishte kërkuar hetim për tjetërsim pronash. Florian Almadhi dha dorëheqjen pas 5 muajve në detyrë, ndërsa së bashku me të janë shkarkuar n/drejtori dhe tre specialistë të institucionit më 9 shtator 2019./CNA.al

Lajmet e fundit nga