E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nevoja për Opozitë

22 Shtator 2021, 10:38, Politikë CNA

Prej gati një jave, ish-kryeministri Sali Berisha ka nisur një tur takimesh. Qindra vetë në Tiranë, mijëra në Fier, takime entuziaste, me brohoritje. Një Berishë që duket më i fortë, më i ashpër dhe më i drejtpërdrejtë. Dhe analiza është shumë e thjeshtë.

Thjeshtë dhe vetëm janë sepse vendi ka nevojë për Opozitë.

Lulzim Basha nuk është opozitë. Lulzim Basha është pazari i Edi Ramës.

Lulzim Basha është ortaku i kryeministrit, i marrëveshjeve dhe i lëvizjeve politike, që po t?i përmendësh si kauza këto tetë vite janë vetëm tradhëtitë që ai ka bërë ndaj grupimeve, ndaj demokratëve por edhe grupeve të ndryshme shoqërore.

Kujtojmë këtu rastin e tradhëtisë me Rrugën e Kombit, Teatrin, Unazën e kështu me radhë.

Interesa klienteliste dhe korruptive, personale, të Lulzim Bashës lidhur me Qeverinë, të cilat kanë shuar zërin opozitar.

Lulzim Basha nuk shpresohet dhe nuk lexohet nga shqiptarët si opozitë.

Prandaj dhe njerëzit sot kanë nevojë që të kenë Opozitë. Duan një zë të fortë opozitar. Duan një betejë dhe një përballje me Qeverinë dhe me Ramën. Opozitë që i bën mirë dhe vetë Qeverisë. Sepse një Opozitë si zgjatimi i shumicës është thjeshtë dhe vetëm një vasale e korrupsionit.

Dhe vasale korrupsioni nuk mund të jetë Partia Demokratike, por duhet të jetë një alternativë kundër Edi Ramës. Vendi sot më shumë se kurrë po vuan nga fakti se nuk ka Opozitë. Është një nevojë tmerrësisht thelbësore ajo për të pasur një Opozitë të fortë, të drejtpërdrejtë, denoncuese ndaj ministrave, ndaj skandaleve, ndaj aferave, ndaj korrupsionit.

Pasi kjo do ta bënte dhe qeverisjen më të mirë dhe do t?i shërbente më shumë qytetarëve. Pasi ky është funksioni dhe roli i Opozitës.

Të qëndrojë fort dhe përballë Qeverisë. Jo të bëhet zgjatim I saj dhe të tradhëtojë kauzat e qytetarëve, për milionat e eurove që shkojnë në xhepat e interesave korruptive të kryetarit të Opozitës, e cila nuk mund të quhet më e tillë.

Sot Shqipëria ka nevojë për Opozitë më shumë sesa kurrë, dhe prandaj njerëzit duket se po mbështesin Berishën. Sepse po shohin një zë të fortë që po flet, që po kumbon.

Shumë mund të mos e duan Doktorin, mund të jenë kritik me të. Janë në të drejtën e tyre. Ka shumë të tjerë që e vlerësojnë.

Por, fakti është një. Vendi sot ka nevojë për Opozitë dhe Berisha është një opozitar i lindur. Kurse Lulzim Basha është një pazarxhi i lindur.

Ka edhe zëra të tjerë opozitarë, ndoshta jo dhe aq radikalë sa Doktori. Ka edhe emra të tjerë që kërkojnë të jenë në fron me Opozitën. Por, edhe pse mund të jenë emra me peshë, të ndershëm e të drejtë, zëri i tyre nuk gjen hapësirë, sepse ndodhen në hijen e Lulzim Bashës. Hije korrupsioni që i nxin të gjithë.

Prandaj Shqipëria dhe Partia Demokratike sot kanë nevojë për Opozitë. Qytetarët shqiptarë kanë nevojë për Opozitë të vërtetë dhe këtë nuk mund ta bëjë më Lulzim Basha. Ndoshta duhet të ikë Lulzim Basha, që të tërhiqet Berisha nga beteja, për të pasur një Opozitë të vërtetë.

Vendi është në një situatë vërtetë delikate, ku prej javësh vjen në pushtet për herë të tretë qeveria e Rilindjes, e PS-së, gjë që nuk kishte ndodhur në këto 30 vite.

Dhe nuk diskutohet për qeverinë, për reformat, për pagat, për pensionet, për ekonominë. Por, diskutohet për Opozitën. Për atë që i mungon vërtetë Shqipërisë. Dhe përgjegjësi kryesor për këtë është Lulzim Basha./CNA.al

“La Piovra” e Lulzim Bashës

Pse Berisha ndiqet nga demokratët?!

Krimi që fsheh Lulzim Basha