LEXO PA REKLAMA!

SHKARKO APP

Britma, njerëz që kërkonin ndihmë mes flakëve/ Dëshmitarët okularë tregojnë tmerrin e një nate më parë

9 Shtator 2021, 10:19, Kosova & Bota CNA
Britma, njerëz që kërkonin ndihmë mes flakëve/

Qytetarët e Tetovës  janë të tronditur shpërthimi dhe djegia Spitalirt Covid në Tetovë.

Dëshmitarët thonë se ka pasur britma të mëdha njerëzish, ndërkaq shtojnë se flakët kanë shpërthyer shumë shpejtë.

Sipas tyre në vendin e ngjarjes përreth 10 minuta kanë qenë prezent edhe zjarrfikësit, por fatkeqësisht zjarri ka shkrumbuar godinën për shumë pak kohë, raporton Alsat.

?Jam shumë i tronditur. Nuk e di deri ku do të shkojë, ky shtet si do të funksionojë kështu. Më vjen keq për njerëzit që jetojnë këtu. Unë jam mysafir jam këtu në pushim. Më vjen keq për njerëzit që jetojnë këtu. Kjo është skandal!?, thotë një mërgimtar nga Tetova.

?Isha brenda në oborr. Dëgjuam disa britma njerëzish, çfarë ishte?Nuk i dhashë rëndësi, thash fëmijët janë. Kur pas 10 minutave dëgjova se është djegur spitali. Zjarr i madh. Britma të mëdha kanë qenë, tragjedi?, thotë një qytetarë i Tetovës.

?Me sy kur erdha unë vetëm flakën e pashë, tymin. Prej nga ura poshtë e pash tymin. Dmth shumë tym, shumë lart, dmth edhe era vinte deri poshtë. 30 metra lart zjarri. Katastrofë ka qenë, ulërime e madhe pikëllim e madhe?, është shprehur një dëshmitar.

Banorët e Tetovës të cilët në momentin e shpërthimit kanë qenë në afërsi të spitalit modular rrëfehen për Alsat se kjo është një tragjedi shumë e rëndë e cila nuk mbahet mend në 40 vitet e fundit.

?Mbrëmë kemi parë një tragjedi të cilën nuk e kemi parë që 40 vite në këtë lagje. Jetoj këtu Afet, t?ju them të drejtën jam pa gjumë, sikurse e dhe ju, me siguri gjithë natën keni bërë hulumtime. Kjo si ngjarje që kam parë unë, ka ndodhur diku ora 21:04 ose 21:05 minuta, në këtë moment dikush është lajmëruar, ka njoftuar organet kompetente, zjarrfikësit, policinë.

Zjarrfikësit ishin në vendngjarje, aq sa kanë mundur ata ta bëjnë punën e vete? Kemi ndihmuar familjarët me ujë me diçka, u munduam që të ndihmojmë të shpëtojmë, por ata që kanë shpëtuar kanë ndihmuar veten, kanë pas fuqi dhe kanë dalë, sepse e dimë që kanë qenë në oksigjeno-terapi?, u shpreh një dëshmitar okular.

Ndërkohë një tjetër dëshmitarë hedh dyshime se mos vallë zjarri ka qenë i qëllimshëm, duke pasur parasysh se kohë më parë persona të panjohur tentuan ti dëmtojnë gypat e oksigjenit, shkruan ALSAT M.

?Jam jashtëzakonisht i shqetësuar, kjo nuk përshkruhet me fjalë, mendoj mos është e qëllimshme. Në rast se është e qëllimshme, nuk është e njerëzishme? Se njëherë gypat i prenë për aspiratorët, e tash kjo e dyta??,  u shpreh një tjetër dëshmitarë./CNA.al

Lajmet e fundit nga