LEXO PA REKLAMA!

SHKARKO APP

14 muaj pas epidemisë/ Suedia, i vetmi vend evropian që nuk e ka kufizuar kurrë popullsinë e saj

7 Qershor 2021, 14:22, Lifestyle CNA
14 muaj pas epidemisë/ Suedia, i vetmi vend evropian që nuk e ka

Nga Dr.Blerta Brati, mjeke mikrobiologe prane ISHP

Katërmbëdhjetë muaj pas fillimit të epidemisë, Suedia, i vetmi vend evropian që nuk e ka kufizuar kurrë popullsinë e saj, nuk ka pse të turpërohet nga të dhënat e saj.

Suedezët mbetën të lirë gjate pandemise!

?Ndërsa mungesa e izolimit nuk shkaktoi një masakër në Suedi, ajo mund t’i ketë mundësuar asaj të shmangë pasojat e shumta të politikave drastike të vendosura nga fqinjët e saj evropianë. Nga pikëpamja ekonomike, PBB-ja suedeze ra “vetëm” me 2.8% në vitin 2020 krahasuar me 8.2% për Francën ose 11% për Spanjën.

?Nga perspektiva shëndetësore, mungesa e izolimit mund të ketë pasur efekte të dobishme. Ne e dimë që në vendet që kanë kufizuar popullsinë e tyre, sëmundje të tjera potencialisht fatale si kanceri ose sëmundjet kardiovaskulare janë menaxhuar më pak mirë. Për shembull, testet e depistimit të kancerit të gjirit kanë rënë me 30% në Mbretërinë e Bashkuar kundrejt 10% në Suedi. Nëse i qëndrojmë rreptësisht vdekshmërisë së rregulluar nga mosha, ajo u rrit me 1.5% në Suedi në vitin 2020 krahasuar me 6.7% në Francë ose 12.9% në Spanjë. Dhe që nga shkurti i vitit 2021, Suedia ka qenë në vdekshmëri të ulët.

?Më në fund, elementi i fundit i vështirë për t?u vlerësuar dhe megjithatë thelbësor, suedezët ishin në gjendje, gjatë gjithë kësaj epidemie, të ruanin lirinë e tyre.

?Ndërsa qindra miliona evropianë ishin nën kufizime të papara, suedezët ishin në gjendje të vazhdonin të bënin jetë relativisht normale.

?Ndoshta nuk është rastësi që 55% e suedezëve janë të kënaqur me trajtimin e epidemisë nga qeveria e tyre (një nga nivelet më të larta në Evropë) krahasuar me vetëm 32% të francezëve.

?”Ne e shohim fillimin e fundit”, tha të enjten Kryeministri suedez Stefan Lofven. Përballë rënies së numrit të rasteve dhe shtrimeve në spital dhe përshpejtimit të vaksinimit në vend (35.5% e banorëve morën një dozë të parë), kreu i qeverisë njoftoi një ulje graduale të kufizimeve nga 1 qershori i ardhshëm.

??Mundësia për të kujtuar se, në kundërshtim me cfare u tha, Suedia ka zbatuar disa kufizime për të luftuar kundër Covid-19.

1.Kështu, tubimet në vendet publike janë të ndaluara dhe

2.kafenetë dhe restorantet duhet të mbyllen nga ora 8:30 pasdite.

Por Suedia kurrë nuk ka zbatuar frenim të rreptë, ndryshe nga të gjitha vendet evropiane. Ajo preferoi të mbështetej në rekomandimet e eksperteve te saj  dhe ne vullnetin e mirë të qytetarëve.

Lajmet e fundit nga