Connect with Us

“8 fitoret” e Lulit/ E vërteta për Aurelën, demokratët dhe faktet që nuk i mohon dot askush

Politikë

“8 fitoret” e Lulit/ E vërteta për Aurelën, demokratët dhe faktet që nuk i mohon dot askush

Publikuar

-

Aurela Basha (Isufi), bashkëshortja holandeze e kryeministrit në tentativë Lulzim Basha, në një reagim të saj publik ka treguar të gjitha fitoret e burrit të saj që ajo nuk e ka votuar dot kurrë.

Le të shohim të gjitha fitoret e Lulit të Aurelës, pikërisht sipas rasteve që ajo ka shkruar, por edhe ato që me qëllim ka anashkaluar. Zonja shkruan se Basha ka mundur Ben Ahmetajn në 2005, në fakt në ato zgjedhje fitoi Sali Berisha dhe jo Luli, sepse ishte koalicioni, fryma, programi elektoral që sollën PD në pushtet. Por le ta lemë se e fitoi Luli dhe të shohim më tej.

Basha ishte pas kësaj gare kandidati kryesor për bashkinë e Tiranës dhe u shmang. Nuk ka pranuar kandidimin, pa folur për historitë politike të skandaleve me rrugën e kombit. Pra në vitin 2007 iku nga gara që ishte e tija. Aurela këtë fakt s’e përmend, por kapërcen direkt në vitin 2009, duke harruar edhe fushatën e zgjedhjeve lokale në Elbasan.

Po në 2007, drejtoi fushatën e zgjedhjeve lokale në Elbasan dhe humbi, megjithëse nuk garonte ai, por Luçiano Boçi.

Shkojmë në zgjedhjet e vitit 2009, për Elbasanin që zonja pretendon se Lulzim Basha e ka fituar. Sipas të gjitha statistikave zyrtare, por edhe shifrave që mund t’i gjejë Luli tek Berti i organizimit, rezultati i zgjedhjeve në Elbasan është trishtues. PS ka 48% të votave, PD ka 45% të votave dhe LSI 5%. Një mandat është një barazim që tenton të shpallet fitore, në shifra është humbje me gati 3%. Basha nuk shkoi përtej 7 mandateve me një super listë kandidatësh ku mesa duket Valentina Leskaj e PS në Elbasan, pas një super qeverisje të PD mandatin e parë, kishte më shumë reputacion sesa Luli i Aurelës. Pra në Elbasan u shënua një tjetër humbje.

Shkojmë më tej në zgjedhjet e 2011.

U angazhua i gjithë shteti, çdo ministër mori nga një njësi apo mini-bashki siç quheshin më parë. Avionët sollën zgjedhës nga e gjithë Europa, nga Greqia autobuzët nuk u ndalën. Të gjithë në këmbë për fitoren e Lulit, që në fakt ishte e Sali Berishës, pasi bashkëshorti i Aurelës humbi me 11 vota, megjithëse Edi Rama kandidonte për herë të 4-ët në Tiranë, prej 6 vitesh ishte kryetar i PS. Kujtojmë hapjen e kutive nga Arben Ristani, për rinumërim, që solli fitoren e Lulit me 86 vota.

Një meritë të madhe në këtë “fitore” ka dhe i ndjeri Hysni Milloshi që mori 1394 vota komunistësh.
Të tjera fakte janë koalicioni me LSI i cili në ato zgjedhje ishte deçiziv për fitoren e Lulit, pra ato vota më shumë që pretendon Aurela, janë votat e LSI-së dhe jo të Lulit.

Pra, në 2011, realisht ka fituar Ilir Meta dhe Sali Berisha, Luli ishte thjesht aktor në filmin e radhës, ku regjisori dhe skenaristi kishin kalkuluar gjithçka deri në detaj. Pastaj Aurela harron disa palë zgjedhje e kërcen tek dekriminalizimi në 2016. Por edhe kjo s’ka qenë betejë e tij, por e filluar nga zonja Topalli. Kujtojmë përplasjen me Mark Frrokun, dhe disa fjalime të saj në parlament, kur Luli nuk ishte fare. Pra s’ka qenë fitore e Lulit, megjithse ai mund të shpallë si fitore të tijën edhe zgjedhjet e vitit 1992.

Le të shohim betejat që “harron” Aurela.

Në vitin 2013 Basha ishte kryebashkiak dhe drejtuesi i fushatës të PD në Tiranë. Rezultati ishte katastrofik. Më i dobti dhe i turpshmi në 22 vite ekzistencë të PD. Aurela dhe Luli vetë ndoshta e kanë shijuar këtë humbje, që më pas solli Bashën në krye të PD. Humbi!

Në 22 korrik 2014 u zgjodh nga Sali Berisha kryetar i PD në një garë të manipuluar kur lideri historik mori anë dhe të gjithë panë një palë zgjedhje ku fletët e votimit ishin me numër serie, humbi me të ndjerin Sokol Olldashi, jo vetëm moralisht. Koha i ka sqaruar të gjitha. Humbi!
Më pas vijnë zgjedhjet lokale të 2015, PD merr një rezultat katastrofë, më keq se kurrë. Por të gjithë mendonin se do fillonte ringritja pas këtyre zgjedhjeve dhe ende shpresohej tek Luli. Humbi!

Shkojmë tek zgjedhjet e vitit 2017.

“Është pa shtyllë kurrizore”/ Basha- Ramës: Të kam mundur dhe këtë e mbajnë mend të gjithë

Historitë që filluan tek çadra u mbyllën me marrëveshjen e famshme të 17 Majit, ku PD humbi zgjedhjet, babai i Aurelës dhe ortakët e tij fituan 16 milionë euro për një pallat ndërtuar brenda në det të cilit i ishte gjetur edhe pronar trualli. Zgjedhjet ishin sërish katastrofë elektorale, rezultati edhe më i keq se në 1997. Justifikime të shumta, u gjet si argument blerja e votës në Dibër, ku në fakt kishte pasur zgjedhje lokale jo parlamentare. Kishin ndodhur më pare, por Luli i përdori si justifikim për humbjen e 2017.

Kishte edhe më keq se 2013 dhe 2015.

Basha nuk mendoi për ringritjen e PD, por për karrigen e tij. U rizgjodh kryetar i PD i ngrirë, në një garë totalisht qesharake ku me video dhe figurë u tregua anë e mbanë Shqipërisë si mbusheshin kutitë e votimit, megjithëse kundërshtari ishte fasadë. Vijmë tek djegia e mandateve pikërisht në 16 shkurt 2019. Skandali më i madh politik dhe dështimi i tij personal, që solli bojkotin e zgjedhjeve lokale. Ndoshta për Aurelën ato zgjedhje ishin fitore për Lulin, që në fakt vetëm humbi.

Pra Lulzim Basha, që ta mësojë Aurela dhe çdo demokrat i ndershëm që pranon të vërtetat, ka fituar vetëm në 2005 dhe me të shtyrë në 2011, në të dy rastet i suportuar nga Sali Berisha dhe Ilir Meta. Sa për dekriminalizimin, ajo fitore i përket tjetër kujt.

Ka humbur në 2007, ka humbur në 2009, ka humbur në 2013, ka humbur në 2015, ka humbur në 2017, ka humbur në 2019 dhe ka 2 humbje të tjera të mëdha, djegia e mandateve dhe largimi nga reforma administrative.

Janë 8 humbje direkte të Lulzim Bashës, të paktën ka dhe shumë të tjera si Unaza, Rruga e Kombit, Rama që ka ikur një vit më parë, shkrirja e partisë të maskarenjve, etj etj. 

Ka bërë opozitën me të gjithë kundër, thotë Aurela. Sërish gënjen publikisht në mënyrë të turpshme. Si ka pasur të gjithë kundër sepse ka 4 vite me koalicionin më të madh opozitar. Ka në krah edhe aleatin që e solli në pushtet Edi Ramën, partinë e Ilir Metës, LSI. Nuk i ka pasur të gjithë kundër sepse ai qeverisi gati 6 muaj në koalicion me Edi Ramën, ka pasur dhe ka marrveshje me të, por jo që ta marrë pushtetin në tavolinë si e do Luli. Basha kundër ka vetëm veten e tij, delirancën, paaftësinë epike dhe injorancën politike.

LEXO EDHE:  Nga Astrit Patozi/ Kam frikë se do të na duket lule 17 Maji

Për t’i mbyllur të gjitha këto fakte dhe detaje të 8 humbjeve të Bashës dhe dy fitoreve të tij me të shtyrë, ka vetëm një fitore që zonja Aurela nuk e thotë, paratë dhe vilat e shtuara të Lulit, kunatit dhe vjehrrit. E në rast se ka një fitore spektakolare të Lulzimit janë vetëm këto, se demokratët vetëm kanë humbur e janë varfëruar.

Kjo është e vërteta, jo vetëm për Aurelën, por për këdo që do të kuptojë se Lulzim Basha shpall humbjet, fitore. Jo vetëm vetë, por tani ka nxjerrë dhe gruan. Fatkeqësisht me këtë lloj sjellje politike dhe propagandë bajate, edhe 25 prilli do jetë “fitorja” e nëntë e Lulit njësoj si këto tetë të mësipërmet./CNA.al

Basha: Do anulloj koncesionin e Rinasit/ Po kunatin si do e bësh?

Basha ul numrin e oligarkëve/ Cilët kanë paguar tek kunati?

Pazari me Ramën/ Basha kërkon t’i japë kunatit tenderin 15 milion euro

Reportazhi i “Vrij Nederland” në 2008-ën/ Si u arsimua Lulzim Basha, e shoqja, dhe kunati në Hollandë me paratë e Xhorxh Sorosit

Thellohet skandali/ Basha çon kunatin të mbulojë memorialin turk

Zbardhet biseda/ Çfarë i tha kunati i Bashës “oligarkut” që i dha miliona lekë

Denoncoi falimentimin e bizneseve/ Kunati i Bashës lulëzon

Zbulohen dokumentet e vilave të kunatit të Bashës

Skandali-Basha “fle” mbi dosjen e inceneratorëve/ Bën avokatinë publike të aferës korruptive

Dokumentet-Zbulohen dy kompanitë e kunatit të Bashës/ Pazari 15 milionë euro për Reformën Zgjedhore

Dokumentet/ Të gjithë oligarkët paguajnë kunatin e Bashës

Shënim/ Mos e qani vilën e 5-të!

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

‘Nuk duam t’i lexojmë marrëzitë e tij’/ Anëtarët e Këshillit Kombëtar të PD ‘braktisin’ Bashën

Publikuar

-

Nga

‘Nuk duam ti lexojmë marrëzitë e tij’/ Anëtarët e Këshillit Kombëtar të PD ‘braktisin’ Bashën

Pas humbjes në zgjedhjet e 25 prillit, dhjetëra anëtarë të Kryesisë, Këshillit Kombëtar dhe themelues të PD-së kanë kërkuar njëzëri dorëheqjen e Lulzim Basha nga posti i kryetarit.

Megjithatë, nga Basha nuk ka pasur asnjë reflektim, ndërsa kryetari vijon me propagandën e tij se beteja sapo ka filluar.

Pas dorëheqjes së sekretarit organizativ Sahit Dollapi, demokratët kanë filluar të braktisin Bashën njëri pas tjetrit.

CNA.al mëson se në grupin e Whatsapp-it të Këshillit Kombëtar të PD, ku shpërndahet propaganda e SHQUP-it, anëtarët kanë filluar të largohen njëri pas tjetrit.

LEXO EDHE:  “Shqipëria hapa pas në indeksin e lirisë së medias”/ Basha: Gazetarët sfiduan rrezikun

LEXO EDHE:  Basha: Marrëveshja ka rënë/ Ja pse

Mësohet se nga grupi është larguar jo vetëm Sahit Dollapi, por edhe anëtari i Këshillit Kombëtar Darien Xhindoli, i cili ka qenë kandidat për bashkinë e Lushnjes.

Ky largim i demokratëve vjen vetëm një ditë para se Basha të mbledhë Kryesinë dhe Këshillin Kombëtar ku do të analizohet rezultati i zgjedhjeve të 25 prillit  në çdo qark.

Kjo tregon edhe një herë se varka e Lulit tashmë është në mbytje e sipër dhe koha do tregojë që do e braktisin të gjithë një nga një./CNA.al

 

 

LEXO TE PLOTE

Politikë

“Njerëz si ty duam të na drejtojnë”/ Luljeta Bozo: Do të jem zëri i qytetarëve në Parlament

Publikuar

-

Nga

“Njerëz si ty duam të na drejtojnë”/ Luljeta Bozo: Do të jem zëri i qytetarëve në Parlament

Inxhinieria Luljeta Bozo, një nga zërat kryesorë gjatë periudhës së tërmetit ka treguar se si ka marrë qindra falenderime nga ana e qytetarëve për për këshillat e dhëna gjatë asaj periudha.

E ftuar në emisionin ‘Fol me mua’ Bozo ka treguar se si qytetarët e ndalonin në rrugë për ta falenderuar ndërsa tha se kishin dëshirë dhe besim se do të ishte zëri i tyre në Parlament.

“Unë jam mbushur domethënë jam habitur, por edhe jam mbushur plot me energji dhe me një gëzim që nuk e blej dot me asnjë gjë që mbas tërmetit unë ecja vetëm 10 m dhe do të takoja një ‘Ku je Luljeta, ku je inxhiniere, ku je profesore’. Falenderime pafund dhe urime që i kisha qetësuar dhe që shprehën dëshirën njerëz si ty duam të na drejtojnë. Domethënë kishin një dëshirë dhe kishin një besim që unë po të shkoj në Parlament jo se do të bëj përmbysje se nuk bën përmbysje asnjë njeri, por unë zërin e tyre do ta çoj. Kjo është e sigurtë, për këtë janë të sigurtë ata.

Çdo shqetësim që ka një grup shoqëror dhe e ka të argumentuar gjithmonë me fakte dhe njëkohësisht ai që e ka atë shqetësim shikon dhe një rrugëzgjidhje ai e bën një rrugëzgjidhje me mendjen e vet që duhet të bëhët kjo. Se atij që i pikon çatia e di sesi duhet ta riparojë, edhe ai e di që kjo punë nuk ecën, por po të bëj  këtë gjë, po ta rregulloj me ligj do eci çdo gjë mirë.

Kështu që ai mendim i pjekur nuk po them nga një person, por një grupim mund të jetë grupimi i pensionistave që kanë problemet, rinia, gratë, gratë biznesmene, përjashtuar nga tërmeti po kanë problemet e përditshme që ka Shqipëria. Kështu që ajo më shtyu të them të drejtën se unë nuk jam marrë me politikë, plus edhe vlerësimi që ishte maksimal nga ana e Kryeministrit që më bëri ftesën”, u shpreh inxhinieria Bozo./CNA.al

LEXO TE PLOTE

Politikë

Basha i quajti shërbëtorë të Ramës/ Reagon anëtari i KAS: S’kam pasur presion

Publikuar

-

Nga

Basha i quajti shërbëtorë të Ramës/ Reagon anëtari i KAS: S'kam pasur presion

Anëtari i Komisionit të Ankesave dhe Sanksioneve (KAS), Ledio Braho, i është përgjigjur akuzave të opozitës se janë shërbëtorë të kryeministrit Edi Rama.

Braho mohoi akuzat dhe tha se pavarësisht se është propozuar nga PD nuk ka pasur asnjë presion nga askush. Ai deklaroi në Report Tv se KAS është i depolitizuar.

Unë nuk kam pasur asnjë presion apo shtysë, dhe pse jam propozuar nga PD. Kodi Zgjedhor, pas Reformës Zgjedhore të fundit ka parashikuar që të gjithë anëtarët e KQZ janë të depolitizuar, por kryetari i opozitës, nisur edhe nga vendimmarrjet e fundit që refuzojnë marrjen e provave shtesë, apo për fletën e votimit, apo shfrytëzimit të votave, patjetër që e konsideron si vendimmarrje politike,që kanë marrë shumicën e votave“, u shpreh anëtari i KAS, ndërsa zbuloi se të hënën do të shqyrtohet ankimimi për qarkun e Beratit.

LEXO EDHE:  Arrestohen tre “skifterët” e Elbasanit/ Ja për çfarë akuzohen

LEXO EDHE:  Nga Astrit Patozi/ Kam frikë se do të na duket lule 17 Maji

Ditën e hënë në 10 do të vijohet me qarkun e  Beratit nëse KQZ do i ketë bërë gati, në rast të kundërtën do vijohet me qarkun e Vlorës, dhe po presim provat për Gjirokastrës“, theksoi Braho./ CNA.al

LEXO TE PLOTE