Connect with Us

“Vaksina është krijuar që Bill Gates t’i vendosë njerëzve çip”/ Teori konspirative e Ballkanit apo e vërtetë?

Bota

“Vaksina është krijuar që Bill Gates t’i vendosë njerëzve çip”/ Teori konspirative e Ballkanit apo e vërtetë?

Publikuar

-

/
Nisja e vaksinës anti-Covid/ Mjeku: Po shfrytëzohet për fushatë, nuk ka transparencë

Një studim i Grupit Këshillues për Politikat Publike, Ballkani në Evropë (BiEPAG) vë në pah se afër 80 për qind e popullsisë së vendeve të Ballkanit Perëndimor beson në masë të madhe apo pjesërisht në njërën nga teoritë konspirative lidhur me koronavirusin.

Këto pohime janë pjesë e raportit “Virusi i dyshimtë: Konspiracionet dhe COVID-19 në Ballkan”, i cili u publikua të enjten në një tryezë të Këshillit Atlantik dhe BiEPAG-ut.

Në raport thuhet se teoritë e konspiracionit, të mëdha dhe të vogla, janë rritur fuqishëm në mbarë botën në vitin 2020. Nga Qanon, me origjinë në Shtetet e Bashkuara e deri tek shoqata Querdenker në Gjermani, që mohon pandeminë dhe krahason kufizimet e qeverisë me Gjermaninë naziste, kanë bërë që me pohimet kundërthënëse të nxisin njerëzit në rrjetet sociale dhe mijëra që dalin në rrugë në gjithë botën. Teoritë e konspiracionit nuk janë të reja, por dukshmëria e lartë e teorive të tilla dhe gatishmëria e mijërave për të dalë në rrugë është risi dhe ka bërë që të fitojnë vëmendje më të madhe.

Teoritë konspirative në Ballkanin Perëndimor gjejnë tokë të pëlleshme. Institucionet janë të brishta dhe shpesh nuk u besohet, ndërsa ekziston edhe një histori e teorive që kishin shpërthyer në vitet e 90-ta të shekullit të kaluar, thuhet në raport.

Janë gjashtë teori mbizotëruese rreth pandemisë. E para që virusi ka “ikur” nga një laborator në Ëuhan, përkatësisht që ka ekzistuar shumë më parë se sa që i është bërë e ditur opinionit publik. E dyta që qeveria kineze e ka prodhuar në laborator virusin dhe ai nuk është natyror. Katër teoritë e tjera janë më të skajshme përfshirë pohimet se virusi është shpërndarë nga industria farmaceutike, që qeveria amerikane e ka prodhuar virusin si armë biologjike, që ai është i lidhur me teknologjinë 5G, që është shpërndarë në mënyrë që Bill Gates-i të vendosë nëpërmjet vaksinimit një çip në kokën e njerëzve në mënyrë që të mund t’i kontrollojë.

Nga këto teori, tri prej tyre që lidhen me Kinën dhe me industrinë farmaceutike besohen nga më shumë se gjysma e të anketuarve në rajonin e Ballkanit Perëndimor. Ndërkaq ndërmjet 27.7 dhe 34.9 për qind e të anketuarve në rajon besojnë në teoritë se virusi ka të bënë me teknologjinë 5G, përfshirjen e ushtrisë amerikane dhe zhvillimin e virusit si armë biologjike dhe teorinë për Bill Gatesin.

Sipas studimit vendi me numrin më të madh të atyre që besojnë në teoritë e konspiracionit në Ballkanin Perëndimor është Shqipëria. Më të popullarizuarat janë ato teori që e bëjnë përgjegjëse Kinën, por edhe kur bëhet fjalë për lidhjet me Bill Gates, 43 për qind e të anketuarve mendojnë se kjo teori është në masë të madhe ose në një masë e vërtetë.

LEXO EDHE:  Vijon ulja e numrit të të infektuarve/ Ja sa kanë humbur jetën sot

Madje, sipas studimit, as shkalla e arsimimit e as mosha nuk paraqesin mbrojtje ndaj teorive të konspiracionit. Në Kosovë, të zëmë, 47 për qind e atyre që kanë kryer fakultetin mendojnë se industria farmaceutike po shpërndajnë sëmundjen, ndërsa vetëm 22.2 për qind e atyre me arsim fillor besojnë në një teori të tillë. Kjo dëshmon se teoritë e tilla janë të rrënjosura në të gjitha shtresat e shoqërisë.

Përgjithësisht në rajon afër 80 për qind e popullsisë beson në masë të madhe apo pjesërisht në njërën nga teoritë konspirative lidhur me koronavirusin.

Studimi përfshinë edhe elementin gjeopolitik të teorive të konspiracionit gjë që ka shfaqur dallime meqë serbët kundrejt pjesëtarëve të etnive tjera kanë një qasje më dashamirëse ndaj Kinës. Tek të anketuarit në Serbi, është regjistruar shkalla më e ultë e atyre që besojnë në teorinë se Kina e ka “zhvilluar” turisin (35 për qind) apo se ai ka ikur nga një laborator në Ëuhan (39 për qind).

Ndryshe është në Shqipëri ku 65 përkatësisht 58 për qind e të anketuarve besojnë në këto dy teori.

Qytetarët serbë në Malin e Zi dhe në Kosovë besojnë më pak në teoritë që lidhen me Kinën në krahasim me grupet tjera etnike. Mbase kjo është nxitur edhe nga qëndrimet e presidentit serb Aleksandër Vuçiç, i cili i quajti “vëllezër” dhe “shpëtimtar” kinezët përgjatë krizës zë pandemisë.

Nga ana tjetër sipas studimit, 86.1 për qind e serbëve të Kosovës besojnë në teoritë që lidhen me Bill Gates, madje 93.7 për qind besojnë se industria farmaceutike la luajtur rolin kryesor në krijimin dhe përhapjen e koronavirusit.

Studimi vë në pah edhe dallimet ndërmjet euro-skeptikëve dhe atyre që mbështesin integrimet evropiane. Nga të parët 60.6 për qind mbështesin një nga teoritë, ndërsa nga të dytët 48.9 për qind.

Florian Bieber, bashkërendues i BiEPAG-ut tha se “tre të katërtat e të anketuarve në Ballkanin Perëndimor besojnë në një shkallë apo shumë në cilëndo prej teorive të konspiracionit për të cilat ne i kemi pyetur, që është shifër më e lartë se në çdo vend të Evropë. Kjo pastaj pasqyrohet në vullnetin e tyre që të vaksinohen”.

“Në mbarë rajonin, 53.4 për qind kanë thënë se nuk do ta marrin vaksinën, ndërkaq vetëm 39.2 kanë thënë se me gjasë do ta marrin vaksinën”, thuhet mes tjerash në raport./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

10 njerëzit më të pasur në botë që dyfishuan pasurinë e tyre gjatë pandemisë

Publikuar

-

Nga

cna bota

Oxfam, një organizatë bamirësie, e krijuar nga njerëzit që punojnë së bashku për t’iu dhënë fund padrejtësive dhe varfërisë, pas të dhënave të publikuara nga revista Forbes, ku tregoheshin se cilët ishin njerëzit më të pasur që shtuan pasurinë e tyre gjatë periudhës së pandemisë, ka përpiluar një raport ku thuhet se miliarderët kanë rritur pasurinë e tyre me 1.5 trilion.

Oxfam tha se pasuria e këtyre njerëzve është rritur nga 700 miliardë dollarë në 1.5 trilion dollarë, me një normë mesatare prej 1.3 miliardë dollarë në ditë, në një konferencë të publikuar përpara një mini-samiti virtual të liderëve botërorë që po mbahet nën kujdesin e Forumit Ekonomik Botëror.

Pasuria e miliarderëve u rrit më shumë gjatë pandemisë sesa në 14 vitet e mëparshme, kur ekonomia botërore po vuante recesionin më të keq që nga rrëzimi i Ëall Street në 1929.

Oxfam e quajti këtë pabarazi “dhunë ekonomike” dhe tha se pabarazia po kontribuon në vdekjen e 21,000 njerëzve çdo ditë për shkak të mungesës së aksesit në kujdesin shëndetësor, dhunës me bazë gjinore, urisë dhe ndryshimeve klimatike.

LEXO EDHE:  Vijon ulja e numrit të të infektuarve/ Ja sa kanë humbur jetën sot

LEXO EDHE:  Vaksina Johnson & Johnson nën shqyrtim të mëtejshëm në SHBA



Raporti pason pas një studimi të dhjetorit të vitit 2021 nga ku u zbuloi se pjesa e pasurisë globale e njerëzve më të pasur në botë u rrit me një ritëm rekord gjatë pandemisë.

Organizata e bamirësisë tha se i bazoi llogaritjet e tyre të pasurisë në burimet më të përditësuara dhe gjithëpërfshirëse të të dhënave në dispozicion, dhe përdori listën e miliarderëve të vitit 2021 të përpiluar nga revista e biznesit amerikan Forbes.

Forbes renditi 10 njerëzit më të pasur në botë si: shefi i Tesla dhe SpaceX, Elon Musk , Jeff Bezos i Amazon , themeluesit e Google , Larry Page dhe Sergey Brin, Mark Zuckerberg i Facebook , ish-drejtorët ekzekutivë të Microsoft, Bill Gates dhe Steve Ballmer, ish-CEO i Oracle, Larry Ellison, SHBA. investitori Warren Buffet dhe kreu i grupit francez të luksit LVMH, Bernard Arnault./A.E-CNA.al

Marre nga France 24.com

LEXO TE PLOTE

Kosova & Rajoni

Maqedonia e Veriut me qeveri të re/ Debate për legjitimitetin e saj

Publikuar

-

Nga

Parlamenti i Maqedonisë së Veriut e votoi qeverinë e re pas dy ditë debatesh të ashpra mes deputetëve të shumicës parlamentare dhe deputetëve të opozitës.

Me shumicë votash, 62 pro dhe 46 kundër, parlamenti i Maqedonisë së Veriut e votoi qeverinë e re të vendit, e cila do të drejtohet nga socialdemokrati Dimitar Kovaçevski. Kryeministri i ri Dimitar Kovaçevski në fjalimin e tij para deputetëve theksoi, se ka plane konkrete për zhvillimin e vendit dhe se puna e qeverisë së re do të përqëndrohet në tri prioritete: përballjen me krizën energjetike, pandeminë e koronavirusit, rritjen e standardit jetësor të qytetarëve të Maqedonisë së Veriut dhe realizimin e investimeve strategjike. “Qeveria do të angazhohet seriozisht edhe për zgjidhjen e kontestit me Bullgarinë, por përjashtohet çdo mundësi që të bisedohet edhe për çështjet që kanë të bëjnë me identitetin”, është shprehur Kovaçevski.

Kryeministri i ri hodhi poshtë kërkesën e opozitës për zgjedhje të parakohshme. “Qeveria ka legjitimitet të pakontestueshëm sidomos me zgjerimin e deputetëve shumica është e sigurt. Zgjedhje do të ketë por në vitin 2024. Prej nesër filloj nga puna. Do të kem takime me ministren gjermane. Të martën do të takohem me kryeministrin bullgar Petkov, nga i cili do të kërkoj mbështetje për popullin e Maqedonisë dhe zgjidhje të kontestit”, ka deklaruar kryeministri Dimitar Kovaçevski.

Qeveria e re

VMRO-DPMNE: Qeveria e re nuk ka legjitimitet

VMRO DPMNE në opozitë kanë reaguar duke theksuar, se qeveria që do të drejtohet nga Dimitar Kovaçevski nuk ka legjitimitet, pasi ai nuk ka marrë pjesë në zgjedhje, nuk ka kërkuar besimin e qytetarëve dhe nuk ka marrë asnjë votë prej tyre andaj edhe nuk ka legjitimitet për të drejtuar qeverinë”. “Në kohën kur kemi krizë të rëndë ekonomike, shëndetësore dhe energjetike, mandatari për kryeministër flet për gjendje të mirë ekonomike dhe rritjen e prodhimit bruto të vendit. Si mund të harrojmë se kemi inflacion, se qytetarët nuk kanë as bukë për të ngrënë, kur çmimet e produkteve po rriten, kur paraja po humb vlerën? Kjo është tallje me ndjenjat e qyetarëve”, ka thënë deputetja e VMRO-DPMNE-së, Blagica Lasovska.



LSDM: Debatet e opozitës – folklor politik 

LSDM-ja është kundërpërgjigju. Deputetët e saj kanë thënë, se partitë që do të jenë pjesë e qeverisë së re kanë legjitimitet të plotë ta udhëheqin vendin, sepse në zgjedhjet e fundit parlamentare kanë marrë mbështetjen e qytetarëve. Koordinatori i grupit parlamentar i LSDM-së, Jovan Mitrevski, deklaroi se nuk pret që të pajtohen të gjithë deputetët për mbështetjen e qeverisë.

LEXO EDHE:  Covid-19 në Kosovë/ Dhjetë raste të reja në 24 orë

LEXO EDHE:  Arrin në tre milion numri i njerëzve të infektuar nga Covid-19/ Ja sa kanë humbur jetën

Mitrevski akuzoi opozitën se gjatë debatit kishte shumë folklor politik. “Për mua folklor politik është të akuzohet legjitimiteti i Kovaçevskit se nuk ka dalë në zgjedhje. folklor politik është të kërkosh zgjedhje parlamentare. Presioni i opozitës për zgjedhje të shpejta lokale shpejt do të dëshmohet se bëhet për shkak se do të shihen menjëherë paaftësitë e kryetarëve të komunave të VMRO-DPMNE-së”, është shprehur Jovan Mitrevski.

Reagime nga partitë shqiptare

Zijadin Sela nga Aleanca për Shqiptarët po ashtu e sheh me dyshim legjitimitetin e qeverisë së re. Nëse flasim për legjitimitetin si koncept qeveria e ka humbur edhe mandatari po ashtu e ka humbur, ka thënë Sela. Është e vërtet se mandatari nuk ka dalë vetë të kërkojë besim nga qytetarët dhe ai nuk ka obligim ndaj tij. “BDI premtoi se do të ketë kryeministër të parë shqiptar me mandat 4 vjeçar, i cili ende nuk është. E tani arsyetohet se do të ketë kryeministër të parë shqiptar në 100 ditët e fundit të Qeverisë. Por vetë e dëshmoni se nuk keni legjitimitet.Faktori i tretë është Alternativa, e cila nuk ka marrë legjitimitet për të mbajtur BDI-në në Qeveri”, ka deklaruar Ziadin Sela. Kurse deputetja e BDI-së Arta Bilalli ka akuzuar  opozitën shqiptare se bashkëpunon me Levicën dhe me parti anti-shqiptare. Bilalli ka thënë se BDI do të mbështesë qeverinë e Kuvaçevskit, pasi ajo do të punojë për integrimin e vendit në Bashkimin Evropian.

Reagime pas votimit të qeverisë së re ka pasur edhe nga deputeti i partisë “E Majta”, Dimitar Apasie. Ai e ka kritikuar përbërjen e qeverisë, respektivisht numrin e madh të ministrave shqiptarë, që sipas tij, flet për tendencën për “shqiptarizimin e Maqedonisë”. “11 poste ministrore për maqedonasit dhe 10 për shqiptarët. Pra, kjo është një tirani kornizë, një gjysmë protektorat, një shtet paralel në një shtet ku të rinjtë maqedonas dhe shqiptarë nuk komunikojnë”, ka deklaruar Apasiev. Qeveria e re do të ketë 21 anëtarë; 17 ministra dhe 4 zëvendëskryeministra. Lidhja Social Demokrate do të ketë 12 anëtarë të Qeverisë, gjashtë Bashkimi Demokratik për Integrim dhe tre partia Alternativa./DW

LEXO TE PLOTE

Kosova & Rajoni

Referendumi i Serbisë/ Protesta në veri të Kosovës

Publikuar

-

Nga

Referendumi i Serbisë për ndryshime kushtetuese në këtë vend nuk po mbahet edhe në Kosovë, por serbët e Kosovës mund të votojnë në disa qytete në jug të Serbisë. Qeveria e Kosovës nuk ka lejuar majtjen e referendumit të Serbisë. Presidenti i Serbisë, Aleksandar Vuçiq, të dielën u shpreh i ashpër me bashkësinë ndërkombëtare që nuk arritën ta bindin Prishtinën zyrtare që të lejojë hapjen e vendvotimeve nëpër lokalitetet e banuara me shumë serbe në Kosovë. Vuҫiq serish paralajmëroi siҫ tha “pasoja afatgjata” lidhur me këtë çështje.

Disa grupe të serbëve të veriut të Mitrovicës protestuan të dielën kundër vendimit të autoriteteve të Kosovës. Kryetari i Listës Serbe, Goran Rakiq, që është edhe ministër për Komunitete dhe Kthim në qeverinë e Kosovës, tha se qytetarët serbë nuk do të “lejojnë që Prishtina t’i trajtojë ata si qytetarë të dorës së dytë”. Ai tha në protestë se serbët do të votojnë në zgjedhjet e shpallura nga Serbia më 3 prill dhe paralajmëroi vendosjen e reciprocitetit me Prishtinën.

Rakiq paralajmëron Prishtinën

LEXO EDHE:  “Pabarazi në qasjen e vaksinave”/ Rama në OKB: Duhet një traktat i ri ndërkombëtar për përballimin e pandemive

LEXO EDHE:  “Pabarazi në qasjen e vaksinave”/ Rama në OKB: Duhet një traktat i ri ndërkombëtar për përballimin e pandemive



“E drejta e votës është një e drejtë themelore e njeriut e garantuar me të gjitha normat dhe rregulloret ndërkombëtare, përfshirë Rezolutën 1244 të Këshillit të Sigurimit të Kombeve të Bashkuara”, tha Rakiq.

Parlamenti i Kosovës të shtunën me anë të një rezolute mbështeti vendimin e qeverisë, për të mos lejuar hapjen e qendrave të votimit në Kosovë, për referendumin e Serbisë, me gjithë thirrjet e vendeve të QUINT-tit që të lejohet votimi. Sipas rezolutës së kuvendit, “mbajtja e referendumit të Serbisë në Kosovë, cenon sovranitetin dhe rendin kushtetues të Republikës së Kosovës, është në kundërshtim me Kushtetutën, ligjet e Republikës së Kosovës, si dhe me normat e praktikat ndërkombëtare”.

Serbia po mban një referendum në të cilin qytetarët e saj do të deklarohen në pyetjen “a jeni për konfirmimin e aktit për ndryshimin e Kushtetutës së Republikës së Serbisë?”. Ndryshimet kanë të bëjnë me gjyqësorin dhe janë pjesë e përpjekjeve të Serbisë për t’u afruar me strukturat e Bashkimit Evropian./dw

LEXO TE PLOTE