web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Këto janë vitet kur alkooli është më i rrezikshëm për trurin e njeriut

7 Dhjetor 2020, 07:35, Blog CNA

Dihet që alkooli ka shumë efekte negative mbi shëndetin tonë. Por një studim i ri vë në dukje se cilat janë periudhat kur pirja e alkoolit shkakton më shumë dëme në trupin e njeriut, dhe sidomos trurit.

Studimi i botuar në gazetën mjekësore ?BMJ? u realizuar nga studiues nga Britania e Madhe dhe Australia:Luiz Mjuton, Briana Lis dhe Raul Rao. Mjuton dhe Rao studiojnë prej vitesh plakjen e trurit, ndërsa Lis është e specializuar në shëndetin mendor dhe përdorimin e substancave narkotike.
Siç mund të pritej, rezulton se ekspozimi ndaj alkoolit mund të jetë veçanërisht i dëmshëm në fazat më të hershme të zhvillimit, duke filluar nga momenti kur fëmija është një fetus në barkun e nënës së tij.
Përdorimi në sasi të mëdha i alkoolit gjatë shtatzënisë, rrit shanset që fëmijët të lindin me dëmtime neurologjike të cilat do i shoqërojnë gjatë gjithë jetës, si dhe defekte të tjera të lindura, një gjendje e quajtur si çrregullim i spektrit fetal të alkoolit.

Gjithashtu, autorët e studimit përmendin edhe hulumtime të tjera, që sugjerojnë se edhe një konsum i lehtë apo i moderuar gjatë shtatzënisë, mund të ketë efekte delikate negative në shëndetin e trurit të një fëmije më vonë.

Ndërkohë kulmi tjetër i rrezikut nga alkooli, duket se do të vijë kur jemi në periudhën e mesit dhe të vonë të adoleshencës. Studimet kanë treguar se në moshën 15 deri në 19 vjeç, të rinjtë nisin shpesh zakonin e tyre të konsumit të alkoolit.

Dhe është zbuluar se konsumi i madh në këtë moshë, është i lidhur me reduktimin e vëllimit të trurit, lidhjen e qelizave nervore, dhe rëniet e lehta të funksionit njohës të sistemit nervor. Grupmosha e tretë i përket atyre që janë 65-vjeç. Pirja e tepërt është më pak e zakonshme tek njerëzit e moshuar. Por ata që kanë konsumuar shumë alkool për periudha të gjata, dihet se janë më të rrezikuar të preken nga demenca apo rënia e aftësive njohëse.

Siç e theksojnë autorët, duhen kryer më shumë kërkime për të treguar se si alkooli mund të ndikojë negativisht në tru, në momente të ndryshme të jetës sonë. Për shembull, disa studime kanë zbuluar se konsumi i lehtë i alkoolit lidhet në fakt me një shëndet të përmirësuar të trurit tek njerëzit e moshuar.
Por këto lloj studimesh vëzhguese kanë kufizimet e tyre, teksa hulumtime të tjera të kohëve të fundit kanë sugjeruar se në fakt nuk ekziston një nivel ?i shëndetshëm? i konsumit të alkoolit, por vetëm nivele relativisht më të ulëta të rrezikut.

Për shembull edhe konsumi më i lehtë i alkoolit, ka qenë i lidhur me një rrezik më të lartë të kancerit. Megjithëse një botë pa alkool duket diçka e paimagjinueshme (dhe duke pasur parasysh atë që ndodhi herën e fundit kur njerëzit u përpoqën t`a nxirrnin jashtë ligjit, (Prohibicioni në SHBA), ne të gjithë mund të përfitojmë nga politikat që e bëjnë më të lehtë reduktimin e konsumit të alkoolit, pavarësisht sa të rinj apo të moshuar jemi.

?Kjo gjë mund të rrisë jetëgjatësinë dhe cilësinë e jetës, duke e zvogëluar prevalencën e çrregullimeve të spektrit të alkoolit fetal, zhvillimin nervor neurokonjitiv në adoleshencë dhe demencën në jetën e mëvonshme?– theksojnë studiuesit./Përshtatur nga CNA.al

Burimi: https://gizmodo.com/these-are-the-ages-when-alcohol-is-most-dangerous-to-th-1845808259





Lajmet e fundit nga