Biden do i sjellë SHBA-së atë që Brezhnjevi i dha Bashkimit Sovjetik, stanjacionin

7 Dhjetor 2020, 08:50, Blog CNA

Nga Katya Sedgwick ?The Specator?

Ashtu si shumë amerikanë të tjerë që patën fatin e keq të jetonin nën komunizëm, edhe unë kam pasur shumë reflektime mbi të shkuarën këto javë. Në veçanti, po zbuloj se presidenti i zgjedhur Xho Bajden ka shumë ngjashmëri me udhëheqësin e dikurshëm të Bashkimi Sovjetik, Leonid Brezhnjev.

Sekretari i përgjithshëm i Bashkimit Sovjetik gjatë viteve 1964-1982, Brezhnjev nuk ishte një njeri i shëndetshëm. Ai pinte pafund duhan, kishte mbajtur më herët një seri postesh shumë stresuese (imagjinoni si mund të ishte puna nën Josif Stalinin).

Ai luftoi në Luftën e Dytë Botërore, ku u plagos dhe pësoi një gjendje shoku. Mendja dhe trupi i Brezhnjevit u dëmtuan. Goditja e tij e parë e vogël ndodhi në vitin 1951, kur ishte
ende në të dyzetat. Por në përgjithësi ai shfaqej me një shëndet të mirë, deri në dhjetorin e viti 1975 kur pësoi një tjetër arrest kardiak.

Në atë kohë një infermiere e caktuar nga KGB-ja nisi t?i japë qetësues për të kuruar pagjumësinë e tij. Në këtë mënyrë, ai u bë i varur nga ilaçet dhe vazhdoi t?i përdorë ato deri në fund të jetës së tij. Qytetarët e thjeshtë sovjetikë nuk kishin dijeni për asgjë nga këto. Por duke parë në kohë të ndryshme në segmente lajmesh televizive, ishte e vështirë të shmangej përfundimi se Sekretari i Përgjithshëm ishte i paaftë për të qeverisur. E folura e tij ishte i paqartë, dhe lëvizjet të paqëndrueshme. Nga fundi i jetës së tij, ai kërkoi ndihmën e një aparati qëtë ngrinte krahun dhe përshëndeste trupat në një paradë.

Meqenëse burimet zyrtare sovjetike nuk dhanë në asnjë rast asnjë informacion mjekësor, zërat rreth shëndetit të Brezhnjevit u shtuan shumë, po kështu edhe anektodat për të. Në njërën prej tyre, Brezhnjev i kërkon shkruesit të fjalimeve të tij, të përgatiste një fjalim 15-minutësh që do t`a mbante në Kongresin e Partisë Komuniste.

Shkrimtari i dha fjalimin dhe Brezhnev u ngjit në një podium për ta lexuar. Po kaluan 15 minuta, 30 minuta, 40 dhe në fund 45. Kur më në fund mbaroi, ai e qortoi tekst-shkruesin:?Çfarë ishte kjo që bëre? Unë të kërkova një fjalim 15-minutësh!?.

Por autori i fjalimit ia kthen:?Po, unë të kam shkruar një fjalim 15-minutësh, dhe të kam dhënë 3 kopje të tij!?. E njëjta anektodë mund të ritregohet lehtësisht për Xho Bajdenin. Që ka diçka që nuk shkon me presidentin e zgjedhur ne aspektin e shëndetit, kjo është më se e dukshme. Disa ditë më parë, bëri bujë lajmi se Bajden kishte thyer këmbën, ndërsa luante me njërin nga qentë e tij. Por pak më vonë, dëgjova një thashethem se ai e theu këmbën gjatë kohës që pësuar një goditje në tru. Sigurisht që ishin vetëm thashetheme.

Por a nuk është e çuditshme që qarkullojnë pas një fushate të çuditshme presidenciale, gjatë së cilës shumë pak njerëz u paraqitën në tubimet e tij të distancuara nga shoqëria, dhe kur paraqitjet e tij në media ishin të pakta dhe shumë të kontrolluara?

Edhe në ato rrethana fjalimi i Bajdenit ishte i paqartë, ai dukej shpesh i përhumbur dhe bënte shumë ?gafa?, përfshirë harrimin e emrit të ish-shefit të tij Barak Obama. Madje gjatë njërës prej intervistave të tij, ish-zëvendëspresidenti e pranoi se aftësia e tij njohëse testohet ?vazhdimisht?.
Dhe nuk duhet të jetë e habitshme se pse sipas një sondazhi të ?Zogby?, 55 për qind e votuesve të mundshëm, besonin se Bajden është në fazat e hershme të demencës. Por ajo që habit akoma më shumë, është se zgjedhjet e 3 Nëntorit zbuluan se si 80 milionë amerikanë me sa duket e urrejnë aq shumë Trumpin,sa që mendojnë se administruesit anonimë të presidencës Bajden, do të bëjnë një punë më të mirë në drejtimin e vendit.

Të paktën askush në Bashkimin Sovjetik nuk votoi për Brezhnjevin. Aty zgjedhjet ishin një formalitet, dhe kandidatët e Partisë Komuniste garonin pa asnjë rival përballë. Çdo gjë ishte një mashtrim. Me tonin e tij murrmuritës, Sekretari i Përgjithshëm mbante fjalime televizive të gjata,të mbushura me klishetë e marksizmit, që në përgjithësi ishin krejtësisht të pakuptueshme për publikun.

Ekonomia u rrënua, disidentët iu nënshtruan torturave psikike, korrupsioni u përhap në nivele maksimal, dhe u rrit shkalla e abuzimit me substancat. Ajo periudhë e historisë sovjetike njihet si ?zastoi?, ngecje në vend. Ashtu si Brezhnjev, edhe retorika e Bajden është e mbushur me klishe, por të një lloji tjetër, folklorike. Në një kohë kur parullat politike janë tërheqëse dhe provokuese -?Ta bëjmë Amerikën Sërish të Madhe, Jeta e Zezakëve ka Rëndësi ?në tabelat e oborrit të Bajden shkruhet ?Ditët tona më të mira na presim përpara!? dhe ?Ndërto më mirë!?.

Llogaria e tij në Twitter është plot me fjali të tilla si ?Ky është momenti ynë për të shkruar një kapitull të ri, më të guximshëm, dhe më të dhembshur në jetën e kombit tonë?.Ai është thjesht një djalë i zakonshëm i mërzitshëm, derisa të përplaset me ndonjë votues apo të kafshojë gishtin e gruas së tij.
A është Bajden kandidati i stanjacionit amerikan? Rënia e tij njohëse dhe fizike është gjithnjë e më e vështirë për t?u fshehur, dhe është shumë shqetësuese kur sheh se ajo bëhet objekt spekulimesh. Unë e kam përjetuar më herët diçka të tillë. Qytetarët e lirë të një republike të lirë, nuk duhet të kenë nevojë për një ?Kremlinolog?që ta deshifrojnë atë që nuk shkon me presidentin e tyre./Përshtatur nga CNA.al

Burimi: https://spectator.us/joe-biden-leonid-brezhnev-vibes/