LEXO PA REKLAMA!

SHKARKO APP

App Store
Google Play

A do të mbyllen shkollat?/ Rama: Nuk konsiderohen vatra të nxehta

24 Nëntor 2020, 10:33, Aktualitet CNA
A do të mbyllen shkollat?/ Rama: Nuk konsiderohen vatra të nxehta

Kryeministri Edi Rama në një konferencë të përbashkët me ministren e Arsimit, Evis Kushi, ka folur për pandeminë dhe zhvilimin e mësimit nëpër shkolla.

Rama u shpreh se shkollat nuk konsiderohen vatra të nxehta të përhapjes së infeksionit, ndërsa theksoi se duhet të zbatohen të gjitha masat anti Covid.
Kryeministri nënvizoi se Komiteti teknik është ai që vendos nëse shkollat duhet të mbyllen apo të qëndrojnë të hapura.

?Dua të theksoj dhe njëherë se çfarë hapet dhe çfarë mbyllet është përgjegjësi e autoriteteve tona të autorizuara që kanë të gjithë ekspertizën dhe autoritetin ligjor që të marrin vendime në këto kohë të vështira. Shkollat nuk konsiderohen një vatër e nxehtë por një hapësirë që si të gjitha hapësirat e tjera kanë patjetër dhe potencialin e tyre të rrezikut. Nga njëra anë është shumë e rëndësishme që masat të zbatohen nga çdo shkollë, siç po ndodh, që personeli drejtues dhe pedagogjik të jetë sa më i durueshëm dhe këmbëngulës në zbatimin e tyre dhe nga ana tjetër ajo çka kam dëgjuar nga ekspertët tanë është që në vlerësimet e përgjithshme që bëhen lidhur me shkollat, domosdoshmëria për të mbajtur një ekuilibër midis këtij aspekti, mbrojtjes së drejtpërdrejt dhe mbrojtjes psikologjike të fëmijëve është në rendin e ditës të kësaj vendimmarrjeje. Është një vendimmarrje në dorë të autoriteteve tona, nuk më takon mua, nuk na takon neve?, tha Rama./CNA.al

Lajmet e fundit nga