web counter
LEXO PA REKLAMA!

SHKARKO APP

App Store
Google Play

E fundit!

x

Për të mposhtur Covid-19, do të duhet shumë më tepër sesa një vaksinë e re

21 Nëntor 2020, 08:43, Blog CNA

Nga Paul Hudson ?Financial Times?

Jemi duke hyrë në një fazë të re të Covid-19, teksa të dhënat e ndërmjetme, në fillim nga Pfizer dhe BioNTech, dhe pastaj nga Moderna, janë premtuese për zhvillimin e një vaksine të sigurt dhe efektive. Më shumë vaksina kandidate, pritet të japin lajmin e shumëpritur. Kështu Sanofi ka dy vaksina në fazën e provës. Por pasja në dispozicion e një vaksinë, është vetëm një aspekt në luftën e ndërlikuar për të frenuar përhapjen e virusit.

Shpërndarja është mbase pengesa më e madhe. Vaksinat nuk janë të këmbyeshme me ndonjë gjë tjetër, dhe është jetike garancia që individët marrin dy doza të saj, gjithnjë nëse kjo do të kërkohet. Ndërkohë, mund të ketë probleme me ruajtjen e saj.
Vaksinat e Moderna dhe Pfizer, duhet të ruhen përkatësisht në minus 20 dhe rreth minus 70 gradë Celcius, dhe të përdoren brenda 5 pesë ose 30 ditëve pasi të jenë në frigorifer. Kompanitë farmaceutike, po nxitojnë të ndërtojnë kontejnerë të ruajtjes së tyre në të ftohtë, ndërsa kompanitë e logjistikës po ndërtojnë ?ferma? frigoriferike. Klinikat e vaksinimit masiv, mund të ndihmojnë në shpërndarjen e vaksinës nëpër qytete. Por për ata që jetojnë në fshat – dhe për vendet me të ardhura të ulëta deri në mesatare – pengesat logjistike do të vonojnë shpërndarjen e gjerë të vaksinës, e cila është thelbësore për të ndaluar qarkullimin e virusit.

Kjo është arsyeja pse na duhen disa vaksina të ndryshme. Disa që të përdorin një teknologji më të re, dhe që kërkojnë inovacione përtej ?zinxhirit të ftohtë?. Të tjerat do të bazohen në qasjet e provuara më parë ndaj viruseve të frymëmarrjes, dhe që do të përdorin kanalet aktuale të shpërndarjes, si ato që përdoren për të shpërndarë vaksinat e gripit në të gjithë botën. Modelimi kompjuterik është thelbësor për të përcaktuar se sa shiringa dhe flakonë do të duhen në të gjithë botën. Në SHBA, do të duhen rreth 850 milion shiringa për të shpërndarë vaksinat andi-Covid dhe ato të gripit të zakonshëm.

Në muajin maj, Stoku Strategjik Kombëtar kishte vetëm 15 milion shiringa. Qeveria e SHBA-së po punon për të rritur furnizimin, ndërsa të njëjtën gjë po bëjnë edhe organizatat ndërkombëtare si OKB. Por ne kemi nevojë që të analizojmë parashikimet, dhe të kemi një qasje të gjerë të sistemit, për t?u siguruar që kemi mjaftueshëm pajisje në dispozicion. Ashtu si me prodhimin e maskave përmes adaptimit të disa industrive të tjera, edhe kjo çështje mund të zgjidhet përmes një bashkëpunimi të përbashkët global. Transporti i vaksinës Covid-19, do të jetë një sipërmarrje e madhe për kompanitë ajrore dhe ato transportuese. Për të shpërndarë një dozë të vetme tek 7.8 miliardë njerëzit në planetin tonë, do të nevojitet ekuivalenti i 8.000 avionëve Boeing 747.

Kompanitë e transportit tokësor, do të duhet të gjejnë mënyra të reja për t?i marrë vaksinat nga depot, dhe për t?i çuar në qendrat e shpërndarjes. Që nga fillimi i pandemisë, farmacitë dhe kompanitë e transportit kanë punuar bashku për të gjetur rrugë të reja, në mënyrë që ilaçet të vazhdonin të mbërrinin në kohën e duhur tek pacientët, madje edhe kur u mbyllën kufijtë. Ne duhet të bazohemi sërish tek ky bashkëpunim. Së fundmi, duhet të dyfishojmë përpjekjet për ta siguruar publikun, që vaksinat Covid-19 të vlerësohen plotësisht për sigurinë që ofrojnë. Një sondazh i fundit në SHBA, zbuloi se vetëm 51 për qind e njerëzve, thonë se janë gati të vaksinohen kundër Covid-19, ndërsa edhe në disa vende evropiane, ka një skepticizëm jo të vogël ndaj vaksinave.

Si prodhues të vaksinave, ne duhet të jemi sa më transparentë në lidhje me procesin e testeve klinike, dhe mbi masat për të garantuar sigurinë e tyre. Siç kemi qenë dëshmitarë okularë me vaksinat e Sanofit për poliomelitin dhe gripin, modelet e drejtuara nga komuniteti të përqendruara në edukim dhe transparencë, ndihmojnë në pranimin e marrjes së vaksinave, sidomos me mbështetjen e punonjësve të kujdesit shëndetësor. Vaksinat nuk shkopinj magjikë, por hapa drejt rritjes së aftësisë së trupit tonë, për të luftuar patogjenët vdekjeprurës. Me një vaksinë në horizont, është joshëse të besosh se fundi i pandemisë është i afërt. Por në fakt na pret një rrugë e gjatë përpara. Nëse i parashikojmë sfidat dhe ecim në një mënyrë të koordinuar përpara, do të përfitojmë më shpejt nga liritë e rifituara nga këto vaksina inovative./Përshtatur nga CNA.al





Lajmet e fundit nga